羅馬書 14:1-23
14 要 接納 信心 有 弱點 *嘅 人 ，唔 好 因為 人哋 睇法 唔 同 *就 批評 對方 。
2 有啲 人 根據 自己 嘅 信心 認為 乜嘢 都 可以 食 ，有啲 人 就 因為 信心 有 弱點 而 淨係 食 蔬菜 。
3 食 嘅 人 唔 應該 睇 唔 起 唔 食 嘅 人 ，唔 食 嘅 人 亦 都 唔 應該 亂 咁 批評 *食 嘅 人 ，因為 上帝 已經 接納 咗 佢 。
4 你 係 邊個 ，竟然 批評 人哋 嘅 僕人 ？佢 企穩 定係 跌倒 ，都 係 佢 主人 嘅 事 。其實 佢 一定 會 企 得 穩 ，因為 耶和華 *能夠 令 佢 企穩 。
5 有 人 認為 *某 一 日 比 另 一 日 特別 ，亦 都 有 人 認為 每日 都 一樣 ，但係 每 個 人 嘅 內心 應該 確信 自己 嘅 決定 係 正確 嘅 。
6 重視 某 個 日子 嘅 人 ，係 為 耶和華 *而 重視 。各 種 食物 都 食 嘅 人 ，係 為 耶和華 *而 食 ，因為 佢 感謝 上帝 。唔 食 某 啲 食物 嘅 人 ，係 為 耶和華 *而 唔 食 ，但係 佢 都 感謝 上帝 。
7 事實上 ，我哋 冇 人 只係 為 自己 而 活 ，亦 都 冇 人 只係 為 自己 而 死 。
8 我哋 活 係 為 耶和華 *而 活 ，死 係 為 耶和華 *而 死 。所以 ，我哋 係 生 係 死 ，都 屬於 耶和華 *。
9 基督 死而復生 ，就係 要 做 死人 同 活人 嘅 主 。
10 不過 ，點解 你 亂 咁 批評 *你 嘅 弟兄 呢 ？又 點解 睇 唔 起 你 嘅 弟兄 呢 ？我哋 所有 人 都 會 企 喺 上帝 嘅 審判座 前面 。
11 聖經 噉樣 講 ：「耶和華 *話 ：『我 憑 住 我 嘅 永生 發誓 ，每 個 人 都 會 向 我 屈膝 下拜 ，每 個 人 *都 會 公開 承認 我 係 上帝 。』」
12 由此可見 ，我哋 人人 都 要 為 自己 嘅 事 向 上帝 交帳 *。
13 所以 ，我哋 唔 應該 再 互相 批評 。要 下 定 決心 ，唔 將 絆腳石 或者 任何 障礙 擺 喺 弟兄 前面 。
14 由於 主 耶穌 ，我 知道 而且 確信 ，冇 一樣 嘢 本身 係 污穢 嘅 ，除非 有 人 認為 污穢 ，噉 對 呢個 人 嚟 講 先 算 係 污穢 。
15 如果 你 因為 食物 而 令 弟兄 不安 ，就 唔 再 係 本 住 愛心 行事 為人 嘞 。基督 已經 為 佢 而 死 ，你 就 唔 好 因為 食物 而 令 佢 失足 跌倒 *。
16 所以 ，你哋 認為 啱 嘅 事 ，如果 俾 人 有 理由 話 你哋 唔 啱 ，就 寧願 唔 好 做 。
17 要 進入 上帝 嘅 王國 ，唔 係 在於 食 乜嘢 飲 乜嘢 ，而 係 在於 因為 神聖力量 而 有 嘅 正義 、和睦 、喜樂 。
18 邊個 本 住 呢 種 精神 為 基督 竭力 效勞 *，就 會 得到 上帝 嘅 接納 ，同埋 其他 人 嘅 認可 。
19 所以 ，我哋 要 努力 促進 和睦 *，互相 鼓勵 。
20 唔 好 再 為咗 食物 拆毀 上帝 嘅 工程 *。其實 ，一切 食物 都 係 潔淨 *嘅 ，但係 如果 食 咗 會 令 人 跌倒 *，就 唔 應該 食 *嘞 。
21 無論 係 食 肉 、飲酒 ，定係 做 其他 事 ，如果 會 令 你 嘅 弟兄 跌倒 ，就 一律 唔 好 做 。
22 你 相信 嘅 事 ，你 淨係 喺 上帝 面前 自己 相信 就 得 嘞 。人 決定 做 *嘅 事 ，如果 唔會 令 佢 自責 *，佢 就 有 福 *嘞 。
23 不過 ，人 如果 食 嘅 時候 有 疑慮 ，就 被 定罪 嘞 ，因為 佢 自己 都 唔 相信 係 啱 嘅 ，但係 都 照 去 食 。的確 ，任何 事情 ，如果 人 唔 相信 係 啱 嘅 ，但係 仍然 去 做 ，就係 罪 嘞 。
