羅馬書 13:1-14
13 我哋 人人 都 要 順服 管治 我哋 嘅 當權者 *，因為 所有 權力 都 係 出於 上帝 嘅 *。目前 嘅 當權者 都 按照 上帝 嘅 安排 各 在 其 位 。
2 所以 ，邊個 反對 當權者 ，就係 同 上帝 嘅 安排 作對 。作對 嘅 人 會 受到 不利 嘅 判決 。
3 行善 嘅 人 唔使 驚 政府 官員 ，作惡 嘅 人 先 要 驚 。如果 你 唔 想 驚 當權者 ，就要 不斷 行善 ，噉 你 就 會 得到 佢 讚許 。
4 當權者 係 上帝 嘅 僕人 ，對 你 有益 。但係 如果 你 作惡 ，就要 驚 嘞 ，因為 當權者 有 權 運用 佢 佩帶 嘅 劍 。佢 係 上帝 嘅 僕人 ，向 作惡 嘅 人 施行 刑罰 *。
5 所以 ，你哋 一定 要 順服 *，唔單止 係 因為 驚 佢 嘅 懲罰 ，亦 都 係 因為 你哋 嘅 良心 。
6 你哋 納稅 ，都 係 為咗 同樣 嘅 理由 。佢哋 係 上帝 手下 嘅 公僕 ，負責 執行 呢個 職務 。
7 每 個 人 應得 嘅 ，你哋 都 要 償還 ：要求 納稅 嘅 ，就 向 佢 納稅 ；要求 進貢 嘅 ，就 向 佢 進貢 ；要求 服從 嘅 ，就 服從 佢 *；要求 尊重 嘅 ，就 尊重 佢 。
8 唔 好 欠 人哋 任何 嘢 。只有 喺 彼此 相愛 呢 方面 ，幾時 都 應該 覺得 自己 欠 咗 人哋 *。愛 其他 人 ，就 真係 遵守 法典 嘞 *。
9 法典 嘅 說話 ，例如 「唔 可以 通姦 ，唔 可以 殺人 ，唔 可以 偷竊 ，唔 可以 貪婪 」，或者 任何 其他 誡命 ，其實 都 可以 用 「要 愛人如己 」呢 句 說話 總括 。
10 愛 其他 人 ，就 唔會 傷害 人哋 ，所以 ，有 愛心 ，就 真係 遵守 法典 嘞 。
11 你哋 要 噉樣 做 ，因為 你哋 知道 而家 係 乜嘢 時期 。你哋 係 時候 瞓醒 嘞 ，因為 我哋 比 當初 成為 信徒 嗰陣 ，更加 接近 得救 。
12 黑夜 即將 過去 *，白晝 就 快 嚟到 。所以 ，我哋 要 棄絕 黑暗 嘅 行為 ，佩帶 光明 嘅 武器 。
13 我哋 要 行 得 正 企 得 正 ，好似 喺 白晝 噉 ，唔 狂歡 ，唔 醉酒 ，唔 發生 唔 正當 嘅 性關係 *，唔 做 無恥 嘅 事 *，唔 同 人 爭鬥 ，唔 妒忌 其他 人 。
14 要 效法 *主 耶穌 基督 ，唔 好 圖謀 滿足 有 罪 嘅 *慾望 。
