羅馬書 11:1-36
11 噉 我 想 問 ，上帝 係咪 拋棄 *咗 自己 嘅 子民 呢 ？梗係 唔 係 啦 ！我 都 係 以色列 人 ，係 亞伯拉罕 嘅 後代 ，屬於 便雅憫 部族 。
2 上帝 冇 拋棄 *佢 最先 揀選 *嘅 子民 。聖經 記載 咗 以利亞 嘅 說話 ，你哋 冇 讀 過 咩 ？佢 向 上帝 控訴 以色列 人 ，話 ：
3 「耶和華 *啊 ，佢哋 殺 咗 你 嘅 先知 ，拆 咗 你 嘅 祭壇 。而家 只係 淨 返 我 一 個 ，佢哋 仲 想 追殺 我 。」
4 不過 ，上帝 點樣 答 佢 呢 ？「我 為 自己 留低 咗 7000人 ，佢哋 冇 跪拜 過 巴力 神 。」
5 由於 上帝 嘅 分外恩典 ，而家 都 有 少數 嘅 人 *被 揀選 出 嚟 。
6 上帝 係 由於 分外恩典 而 揀選 佢哋 ，唔 係 由於 佢哋 嘅 行為 。如果 係 由於 行為 ，分外恩典 就 唔 再 係 分外恩典 嘞 。
7 噉 即係 點 呢 ？唔 係 所有 以色列 人 都 得到 佢哋 熱切 尋求 嘅 ，只有 被 揀選 嘅 人 得到 ，其餘 嘅 人 都 內心 麻木 ，
8 正如 聖經 所 講 ：「上帝 由得 佢哋 *嘅 心 昏睡 ，對 眼 睇 唔 到 ，對 耳 聽 唔 到 ，直到 今日 。」
9 大衛 亦 都 話 ：「願 佢哋 嘅 宴席 變成 網羅 、圈套 、絆腳石 ，令 佢哋 受到 懲罰 。
10 願 佢哋 眼前 一片 黑暗 ，睇 唔 到 嘢 。願 佢哋 永遠 彎腰曲背 。」
11 噉 我 想 問 ，佢哋 係咪 失足 之後 就 一蹶不振 呢 ？梗係 唔 係 啦 ！其實 ，由於 佢哋 嘅 過失 ，列國 嘅 人 先至 可以 得救 。噉 係 要 令 佢哋 發 憤 振作 *。
12 既然 佢哋 嘅 失足 為 世人 帶 嚟 真正 嘅 財富 *，佢哋 嘅 衰減 為 列國 嘅 人 帶 嚟 真正 嘅 財富 ，噉 佢哋 *達到 全數 嘅 時候 ，財富 唔 係 就 會 更加 多 咩 ？
13 跟住 落嚟 嘅 說話 ，我 係 想 同 你哋 嚟自 列國 嘅 人 講 嘅 。我 係 為 列國 嘅 人 服務 嘅 使徒 ，我 以 我 嘅 職務 為 榮 *，
14 希望 有 機會 令 我 啲 同胞 發 憤 振作 *，拯救 佢哋 當中 一啲 人 。
15 既然 佢哋 被 捨棄 ，世人 就 可以 同 上帝 和好 ，噉 佢哋 *得到 接納 ，唔 係 就 等於 死而復生 咩 ？
16 再 講 ，如果 最早 獻上 嗰 部分 麵團 係 聖潔 嘅 ，噉 成 個 麵團 都 係 聖潔 㗎 嘞 。如果 樹根 係 聖潔 嘅 ，樹枝 就 都 係 聖潔 嘅 。
17 不過 ，有啲 樹枝 被 折斷 ，你 可以 被 嫁接 *上去 。雖然 你 本來 係 野橄欖樹 嘅 樹枝 ，但係 而家 分享 到 橄欖 樹根 嘅 豐富 養分 ，
18 噉 你 就 唔 可以 驕傲 ，以為 自己 好過 嗰啲 被 折斷 嘅 樹枝 *。如果 你 覺得 自己 係 好 啲 嘅 *，就要 記住 ，唔 係 你 支撐 住 樹根 ，而 係 樹根 支撐 住 你 。
19 噉 你 可能 會 話 ：「嗰啲 樹枝 被 折斷 ，係 要 俾 我 嫁接 上去 㗎 喎 。」
20 係 吖 ！佢哋 係 由於 不信 而 被 折斷 ，而 你 就 由於 有 信心 而 企 穩 。所以 唔 好 心高氣傲 ，反而 要 戰戰兢兢 。
21 上帝 既然 冇 寬容 原本 嘅 樹枝 ，佢 都 唔會 寬容 你 。
22 你 睇 ，上帝 既 仁慈 又 嚴厲 。上帝 對 失足 嘅 人 嚴厲 ，但係 對 你 仁慈 ，所以 你 唔 好 辜負 佢 嘅 仁慈 ，如果 唔 係 ，你 都 會 被 斬 落嚟 。
23 如果 佢哋 *開始 表現 信心 ，都 會 被 嫁接 返 ，因為 上帝 可以 將 佢哋 嫁接 返 上去 。
24 你 係 由 野橄欖樹 斬 落嚟 嘅 ，通常 唔會 嫁接 去 有 人 栽種 嘅 *橄欖樹 。如果 你 都 嫁接 到 上去 ，噉 要 嫁接 返 原本 橄欖樹 上面 嘅 嗰啲 樹枝 ，唔 係 更加 容易 咩 ？
25 各位 弟兄 ，我 好 希望 你哋 知道 一 個 神聖 秘密 ，噉 你哋 就 唔會 以為 自己 好 有 智慧 。呢個 秘密 就係 ：以色列 有 一 部分 人 內心 麻木 ，直到 列國 嘅 人 全數 滿 咗 ，
26 全 以色列 就 會 因為 噉 而 得救 ，正如 聖經 所 講 ：「救主 會 從 錫安 出嚟 ，消除 雅各 藐視 上帝 嘅 行為 。
27 我 除去 佢哋 嘅 罪 嗰陣 ，會 同 佢哋 訂立 呢個 誓約 。」
28 佢哋 拒絕 咗 好消息 ，係 上帝 嘅 敵人 ，結果 令 你哋 得益 ；但係 由於 上帝 對 佢哋 祖先 嘅 承諾 ，佢哋 仍然 係 蒙 愛 嘅 ，可以 被 上帝 揀選 。
29 上帝 俾 恩賜 人 ，同埋 向 人 發出 呼召 ，係 唔會 反悔 嘅 。
30 以前 你哋 唔 服從 上帝 ，但係 由於 佢哋 嘅 唔 服從 ，而家 你哋 就 得到 憐憫 。
31 而家 佢哋 唔 服從 上帝 ，令 你哋 得到 憐憫 ，但係 佢哋 好似 你哋 一樣 ，都 有 機會 得到 憐憫 。
32 上帝 容許 所有 人 受 困 於 唔 服從 嘅 態度 ，目的 係 向 所有 人 表現 憐憫 。
33 上帝 嘅 厚恩 、智慧 、知識 幾咁 高深 ！佢 嘅 判決 係 人 冇 辦法 完全 理解 嘅 ！佢 嘅 道路 係 人 難以 追尋 嘅 ！
34 「邊個 了解 耶和華 *嘅 思想 ？邊個 做 過 佢 嘅 謀士 ？」
35 「邊個 先 向 佢 施與 ，所以 佢 一定 要 回報 呢 ？」
36 冇 呀 ，因為 一切 都 從 佢 而 嚟 ，靠 佢 而 有 ，為 佢 存在 。願 榮耀 永遠 歸於 佢 。阿們 。
