約翰二書 1:1-13
1 我 呢個 老人家 *寫信 俾 上帝 揀選 嘅 嗰位 夫人 *同埋 佢 嘅 仔女 ，你哋 係 我 真心 所 愛 㗎 。唔單止 我 愛 你哋 ，所有 認識 真理 嘅 人 都 愛 你哋 。
2 我哋 愛 你哋 ，係 因為 真理 喺 我哋 心 入面 ，而且 會 永遠 同 我哋 同在 。
3 分外恩典 、憐憫 、和睦 ，會 伴隨 真理 同埋 愛 ，同 我哋 同在 。呢 一切 都 係 上帝 我哋 嘅 天父 ，仲有 佢 嘅 仔 耶穌 基督 賜 俾 我哋 嘅 。
4 知道 你 嘅 一啲 仔女 遵照 我哋 從 天父 領受 嘅 誡命 ，按 真理 處世 為人 *，我 真係 好 開心 。
5 上帝 揀選 嘅 夫人 ，而家 我 請求 你 遵守 彼此 相愛 呢 條 誡命 。（我 寫 俾 你 嘅 ，唔 係 一 條 新 誡命 ，而 係 我哋 由 最初 就 有 嘅 。）
6 我哋 按照 天父 嘅 種種 誡命 處世 為人 *，就係 愛 嘞 ，就 好似 你哋 由 最初 已經 聽 到 嘅 誡命 所 講 ：幾時 都 要 表現 愛心 *。
7 世上 已經 出現 咗 好 多 騙子 嘞 。佢哋 唔 承認 耶穌 基督 成為 肉身 嚟 過 。唔 承認 嘅 人 就係 騙子 ，係 基督 嘅 敵人 。
8 你哋 要 小心 ，唔 好 失去 我哋 嘅 工作 成果 ，反而 要 得到 完滿 嘅 獎賞 。
9 邊個 偏離 正道 ，冇 時刻 遵守 基督 嘅 教導 ，佢 就 冇 上帝 *。時刻 遵守 基督 教導 嘅 ，就 既 有 天父 又 有 佢 嘅 仔 。
10 如果 有 人 去 你哋 嗰度 ，傳講 嘅 唔 係 基督 嘅 教導 ，就 絕對 唔 可以 請 佢 入 屋 ，亦 都 唔 可以 同 佢 打招呼 。
11 同 佢 打招呼 嘅 ，就 分擔 佢 惡行 嘅 罪責 嘞 。
12 我 有 好 多 嘢 想 同 你哋 講 ，不過 唔 想 寫 喺 信 入面 。我 希望 去 你哋 嗰度 ，面對面 同 你哋 講 ，令 你哋 有 完全 嘅 喜樂 。
13 你 嗰個 被 揀選 嘅 *姊妹 ，佢 啲 仔女 都 問候 你 。
