約翰一書 5:1-21
5 人 相信 耶穌 係 基督 ，都 已經 從 上帝 而 生 ；人 愛 賜 人 生命 嘅 上帝 ，都 會 愛 從 上帝 而 生 嘅 人 。
2 我哋 愛 上帝 ，遵守 佢 嘅 誡命 。憑 住 呢 一 點 ，我哋 就 知道 自己 愛 上帝 嘅 仔女 。
3 我哋 遵守 上帝 嘅 誡命 ，就係 愛 佢 ，況且 佢 嘅 誡命 唔 係 沉重 嘅 負擔 ，
4 因為 從 上帝 而 生 嘅 人 ，都 戰勝 世界 。我哋 戰勝 咗 世界 ，係 因為 我哋 有 信心 *。
5 邊個 可以 戰勝 世界 呢 ？唔 係 就係 相信 耶穌 係 上帝 個 仔 嘅 人 咩 ？
6 耶穌 基督 通過 水 同 血 而 嚟 ，唔 係 只有 水 ，而 係 有 水 又 有 血 。神聖力量 亦 都 作見證 ，因為 神聖力量 係 真理 。
7 作見證 嘅 有 三 樣 ，
8 就係 神聖力量 、水 同埋 血 。呢 三 樣 作 嘅 見證 係 一致 㗎 。
9 我哋 接受 人 嘅 見證 ，但係 上帝 嘅 見證 更加 優越 。上帝 已經 為 佢 個 仔 作 咗 見證 ，呢個 就係 佢 作 嘅 見證 。
10 信從 上帝 個 仔 嘅 人 ，相信 上帝 向 佢 作 嘅 見證 。唔 信從 上帝 嘅 人 ，當 上帝 講 大話 ，因為 佢 唔 相信 上帝 為 自己 個 仔 作 嘅 見證 。
11 呢個 見證 就係 ：上帝 賜 永遠 嘅 生命 俾 我哋 ，我哋 通過 佢 個 仔 得到 呢 種 生命 。
12 接受 上帝 個 仔 嘅 ，就 有 呢 種 生命 ；唔 接受 上帝 個 仔 嘅 ，就 冇 呢 種 生命 。
13 我 寫 呢啲 說話 俾 你哋 ，係 想 你哋 知道 ，你哋 呢啲 相信 上帝 個 仔 *嘅 人 都 有 永遠 嘅 生命 。
14 我哋 對 上帝 有 信心 ，我哋 相信 ：無論 我哋 按照 佢 嘅 旨意 求 乜嘢 ，佢 都 會 聽 *。
15 既然 我哋 相信 ，無論 求 乜嘢 ，佢 都 會 聽 ，噉 我哋 就 可以 肯定 ，自己 會 得到 向 佢 求 嘅 嘢 ，因為 我哋 已經 求 咗 。
16 邊個 見 到 弟兄 犯 咗 唔 會 導致 死亡 嘅 罪 ，為 佢 祈求 ，上帝 就 會 賜 生命 俾 佢 。上帝 會 賜 生命 俾 唔 係 犯 咗 死罪 嘅 人 。不過 亦 都 有 導致 死亡 嘅 罪 ，我 唔 會 叫 人為 犯 咗 呢 種 罪 嘅 人 祈求 。
17 所有 唔 正義 嘅 行為 都 係 罪 ，但係 都 有 唔 會 導致 死亡 嘅 罪 。
18 我哋 知道 ，所有 從 上帝 而 生 嘅 人 ，都 唔 會 經常 犯罪 。嗰位 從 上帝 而 生 嘅 *會 守護 佢 ，噉 撒但 *就 對 佢 無能為力 *嘞 。
19 我哋 知道 ，我哋 係 源自 上帝 嘅 ，但係 全 世界 都 受 撒但 *控制 。
20 不過 我哋 知道 ，上帝 個 仔 已經 嚟 過 地上 ，仲 賜 咗 洞悉 事理 嘅 能力 *俾 我哋 ，等 我哋 可以 認識 真實 嘅 主 。通過 上帝 個 仔 耶穌 基督 ，我哋 就 同 真實 嘅 主 聯合 。真實 嘅 主 就係 真神 ，亦 都 係 永遠 嘅 生命 。
21 我 嘅 仔女 啊 ，你哋 要 小心 ，唔 可以 拜 偶像 。
