約翰一書 4:1-21
4 親愛 嘅 弟兄 姊妹 ，唔 好 每 一 個 聲稱 嚟自 上帝 嘅 信息 都 相信 ，反而 要 驗證 呢啲 信息 係 唔 係 源自 上帝 ，因為 已經 有 好 多 假先知 喺 世上 出現 嘞 。
2 憑 住 以下 呢 一 點 ，你哋 就 可以 知道 ，聲稱 嚟自 上帝 嘅 信息 係 唔 係 真係 源自 上帝 ：所有 承認 耶穌 基督 成為 肉身 嚟 過 嘅 信息 ，都 源自 上帝 。
3 所有 唔 承認 耶穌 成為 肉身 嚟 過 嘅 信息 ，都 唔 係 源自 上帝 。你哋 聽講 過 會 有 嚟自 基督 敵人 嘅 信息 出現 ，而家 呢啲 信息 已經 喺 世人 當中 嘞 。
4 我 嘅 仔女 啊 ，你哋 係 源自 上帝 嘅 ，而且 戰勝 咗 佢哋 *，因為 同 你哋 聯合 嘅 ，比 同 世人 聯合 嘅 更加 強大 。
5 佢哋 係 源自 世人 嘅 。由於 佢哋 講 嘅 同 世人 嘅 思想 一致 ，所以 世人 都 聽從 佢哋 。
6 我哋 係 源自 上帝 嘅 。邊個 認識 上帝 ，就 聽從 我哋 ；邊個 唔 係 源自 上帝 ，就 唔 聽從 我哋 。噉樣 ，我哋 就 可以 分辨 到 真 同 假 嘅 信息 嘞 。
7 親愛 嘅 弟兄 姊妹 ，我哋 幾時 都 要 彼此 相愛 ，因為 愛 係 出於 上帝 嘅 。凡 係 有 愛心 嘅 ，都 已經 從 上帝 而 生 ，而且 認識 上帝 。
8 冇 愛心 嘅 ，就 仲 未 認識 上帝 ，因為 上帝 就係 愛 。
9 上帝 派 佢 嘅 獨生子 嚟到 世人 當中 ，等 我哋 可以 通過 佢 得到 生命 ，呢個 清楚 顯示 上帝 對 我哋 嘅 愛 。
10 我哋 仲 未 愛 上帝 ，上帝 就 愛 我哋 ，派 佢 嘅 仔 嚟 ，作為 求恩 嘅 祭牲 *為 我哋 除罪 。呢個 就係 愛 嘞 。
11 親愛 嘅 弟兄 姊妹 ，既然 上帝 噉樣 愛 我哋 ，我哋 都 應該 彼此 相愛 。
12 從來 冇 人 見 過 上帝 。如果 我哋 幾時 都 彼此 相愛 ，上帝 就 幾時 都 同 我哋 一齊 *，佢 嘅 愛 喺 我哋 心 入面 亦 都 完美無缺 *嘞 。
13 上帝 賜 佢 嘅 神聖力量 俾 我哋 。憑 住 呢 一 點 ，我哋 就 知道 自己 時刻 都 同 佢 聯合 ，佢 亦 都 時刻 同 我哋 聯合 。
14 天父 派 佢 嘅 仔 嚟 做 救世主 ，我哋 見證 過 呢 件 事 ，而家 亦 都 為 呢 件 事 作見證 。
15 邊個 承認 耶穌 係 上帝 嘅 仔 ，上帝 就 時刻 同 佢 聯合 ，佢 亦 都 時刻 同 上帝 聯合 。
16 我哋 感受 到 上帝 對 我哋 嘅 愛 ，亦 都 確信 呢 一 點 。
上帝 就係 愛 。時刻 表現 愛心 嘅 *，就 時刻 同 上帝 聯合 ，上帝 亦 都 時刻 同 佢 聯合 。
17 噉樣 ，愛 喺 我哋 裡面 就 完美無缺 *，令 我哋 喺 審判 嘅 日子 可以 充滿 信心 *噉 發言 ，因為 我哋 喺 呢個 世上 都 好似 基督 一樣 。
18 恐懼 令 我哋 退縮 。不過 愛 上帝 嘅 人 唔 會 恐懼 ，因為 完美無缺 嘅 愛 可以 驅除 恐懼 。如果 一 個 人 恐懼 ，佢 嘅 愛 就 未 係 完美無缺 嘞 。
19 我哋 愛 ，係 因為 上帝 愛 我哋 先 。
20 人 自稱 愛 上帝 ，但係 憎恨 自己 嘅 弟兄 ，佢 就係 講 大話 。人 唔 愛 自己 睇 得 見 嘅 弟兄 ，就 唔 能夠 愛 睇 唔 見 嘅 上帝 。
21 愛 上帝 嘅 ，都 一定 要 愛 弟兄 ，呢個 就係 佢 賜 俾 我哋 嘅 誡命 。
