約翰一書 3:1-24
3 試 諗 吓 ，天父 幾咁 愛 我哋 ，俾 我哋 稱為 上帝 嘅 仔女 ！我哋 亦 都 真係 佢 嘅 仔女 。世人 之所以 唔 認識 我哋 ，係 因為 佢哋 仲 未 認識 佢 。
2 親愛 嘅 弟兄 姊妹 ，而家 我哋 已經 係 上帝 嘅 仔女 ，雖然 將來 嘅 具體 情況 仲 未 顯明 出嚟 ，但係 我哋 清楚 知道 ，當 佢 顯現 嘅 時候 ，我哋 都 會 好似 佢 一樣 ，因為 我哋 將會 見 到 佢 係 點樣 嘅 。
3 凡 係 對 佢 有 呢個 希望 嘅 ，都 令 自己 潔淨 ，正如 佢 係 潔淨 嘅 一樣 。
4 所有 經常 犯罪 嘅 ，就係 經常 違反 法律 。罪 即係 違反 法律 *。
5 你哋 知道 ，基督 曾經 嚟到 *，目的 係 要 除去 我哋 嘅 罪 。佢 從來 都 冇 犯罪 。
6 凡 係 時刻 同 佢 聯合 嘅 ，都 唔 會 經常 犯罪 。經常 犯罪 嘅 ，冇 對 佢 表現 信心 *，亦 都 唔 認識 佢 。
7 我 嘅 仔女 啊 ，唔 好 俾 人 誤導 你哋 。經常 行事 正義 嘅 ，就係 正義 嘅 人 ，就 好似 基督 係 正義 嘅 一樣 。
8 經常 犯罪 嘅 ，就 源自 *魔鬼 ，因為 魔鬼 由 最初 就 一直 犯罪 。上帝 個 仔 曾經 嚟到 ，目的 係 要 消除 *魔鬼 所 做 嘅 一切 。
9 凡 係 從 上帝 而 生 嘅 ，都 唔會 經常 犯罪 ，因為 上帝 嘅 力量 *留 喺 呢個 人 心 入面 。佢 亦 都 唔 能夠 繼續 犯罪 ，因為 佢 已經 從 上帝 而 生 。
10 邊個 係 上帝 嘅 仔女 ，邊個 係 魔鬼 嘅 仔女 ，通過 以下 呢 點 就 可以 知道 ：冇 經常 行事 正義 嘅 人 ，都 唔 係 源自 *上帝 嘅 ；唔 愛 弟兄 嘅 人 ，亦 都 唔 係 源自 上帝 嘅 。
11 你哋 由 一 開始 就 聽 到 嘅 誡命 係 ，我哋 應該 彼此 相愛 。
12 唔 好 好似 該隱 噉 ，佢 係 源自 撒但 *嘅 ，殺 咗 自己 嘅 細佬 。佢 點解 殺死 細佬 呢 ？因為 佢 做 嘅 事 邪惡 ，佢 細佬 做 嘅 事 正義 。
13 各位 弟兄 ，世人 憎恨 你哋 ，你哋 唔使 驚訝 。
14 我哋 知道 自己 已經 脫離 死亡 ，歸入 生命 ，因為 我哋 愛 弟兄 。至於 冇 愛心 嘅 ，就 仍然 留 喺 死亡 之 中 *。
15 憎恨 弟兄 嘅 ，都 係 殺人 嘅 。你哋 知道 ，殺人 嘅 ，都 唔會 有 永遠 嘅 生命 。
16 我哋 認識 愛 ，係 因為 基督 為 我哋 犧牲 生命 。我哋 都 應該 為 弟兄 犧牲 生命 。
17 邊個 擁有 財物 ，見 到 弟兄 貧困 ，但係 硬起 心腸 唔 理 ，噉 佢 又 點 可以 話 自己 愛 上帝 呢 ？
18 我 嘅 仔女 啊 ，我哋 嘅 愛 ，唔 應該 得 把 口 ，要 有 真誠 嘅 行動 。
19 憑 住 呢 一 點 ，我哋 就 知道 自己 擁有 真理 *，可以 喺 上帝 面前 放心 *。
20 無論 我哋 嘅 心 喺 乜嘢 事 上 定 我哋 有 罪 ，我哋 都 可以 放心 ，因為 上帝 比 我哋 嘅 心 大 *，知道 一切 。
21 親愛 嘅 弟兄 姊妹 ，如果 我哋 嘅 心 冇 定 我哋 有 罪 ，我哋 就 可以 向 上帝 暢所欲言 ；
22 無論 我哋 求 乜嘢 ，佢 都 賜 俾 我哋 ，因為 我哋 遵守 佢 嘅 誡命 ，做 佢 喜悅 嘅 事 。
23 佢 嘅 誡命 就係 ，我哋 要 對 佢 嘅 仔 耶穌 基督 嘅 名 有 信心 ，而且 照 佢 *嘅 誡命 彼此 相愛 。
24 邊個 遵守 上帝 *嘅 誡命 ，就 時刻 同 上帝 聯合 ，上帝 都 時刻 同 嗰個 人 聯合 。佢 賜 神聖力量 俾 我哋 ，憑 住 呢 一 點 ，我哋 就 知道 佢 時刻 同 我哋 聯合 嘞 。
