歌羅西書 3:1-25
3 不過 ，你哋 既然 已經 同 基督 一齊 復活 ，就要 繼續 追求 天上 嘅 事 ，喺 嗰度 ，基督 坐 喺 上帝 嘅 右邊 。
2 你哋 嘅 思想 要 專注 於 天上 嘅 事 ，而 唔係 地上 嘅 事 ，
3 因為 你哋 已經 「死去 」，而且 你哋 嘅 生命 隱藏 喺 同 上帝 聯合 嘅 基督 嗰度 。
4 基督 係 我哋 嘅 生命 。當 佢 顯現 出嚟 嘅 時候 ，你哋 都 會 同 佢 一齊 顯現 ，分享 佢 嘅 榮耀 。
5 所以 ，你哋 要 除去 錯誤 嘅 慾望 *，噉 就 唔會 做出 淫亂 *、不潔 嘅 行為 ，唔會 放縱 性慾 、有 不當 嘅 渴求 ，亦 都 唔會 貪婪 （貪婪 就 等於 拜偶像 ）。
6 由於 呢啲 事 ，上帝 將會 降怒 。
7 你哋 以前 都 做 過 呢啲 事 ，過 噉樣 嘅 生活 。
8 不過 ，而家 你哋 一定 要 將 憤恨 、怒氣 、惡行 、傷人 嘅 說話 同埋 下流 嘅 言談 一一 除去 。
9 唔好 彼此 講 大話 。要 除去 舊 品格 *同 舊 行為 。
10 要 著上 新品格 。呢 種 品格 係 通過 確切 認識 上帝 而 不斷 更新 嘅 ，反映 出 創造 呢 種 品格 嘅 上帝 嘅 形象 。
11 由於 有 咗 呢 種 品格 ，希臘 人 *同 猶太 人 ，受 過 割禮 *嘅 同 冇 受 割禮 嘅 人 ，外族人 同 未 受到 開化 嘅 人 *，奴隸 同 自由人 ，都 冇 分別 嘞 。基督 就係 一切 ，令 一切 都 團結 。
12 既然 你哋 係 上帝 揀選 嘅 人 ，係 聖潔 嘅 ，係 佢 所 愛 嘅 ，就要 著上 溫暖 嘅 憐恤 之 情 、仁慈 、謙卑 、溫和 、耐心 。
13 就算 你哋 有 理由 對 人 不滿 ，都 要 繼續 互相 包容 ，彼此 甘心 寬恕 。既然 耶和華 *甘心 寬恕 咗 你哋 ，你哋 都 要 甘心 寬恕 人 。
14 除 咗 呢 一切 ，仲 要 著上 愛 ，因為 愛 能夠 完美 維繫 團結 。
15 另外 ，要 俾 因為 基督 而 有 嘅 安寧 *支配 你哋 嘅 心 ，因為 你哋 受 呼召 ，係 要 合為一體 ，享有 安寧 。要 顯出 感恩 之 心 。
16 要 俾 基督 嘅 話語 充滿 你哋 嘅 心 *，噉 你哋 就 會 有 充足 嘅 智慧 。要 用 詩篇 、讚美 上帝 嘅 詩歌 、崇拜 同 感謝 上帝 嘅 歌曲 ，不斷 彼此 教導 、互相 鼓勵 *，仲 要 喺 心 裡面 *向 耶和華 *歌唱 。
17 無論 你哋 講 乜嘢 做 乜嘢 ，都 要 奉 主 耶穌 嘅 名 而 做 ，通過 佢 感謝 上帝 我哋 嘅 爸爸 。
18 你哋 做 太太 嘅 ，要 順服 丈夫 ，因為 跟隨 主 嘅 人 應該 噉樣 做 *。
19 做 丈夫 嘅 ，你哋 要 繼續 愛 太太 ，唔好 對 佢哋 大 發 脾氣 *。
20 做 仔女 嘅 ，你哋 喺 任何 事 上 都 要 服從 父母 ，因為 噉 做 會 令 到 主 好 開心 。
21 做 爸爸 嘅 ，對 住 啲 仔女 唔好 太 勞氣 ，激嬲 佢哋 ，令 佢哋 灰心喪氣 。
22 做 奴隸 嘅 ，你哋 喺 任何 事 上 都 要 服從 主人 *。唔好 只係 為咗 討好 人 而 做 俾 主人 睇 ，要 因為 敬畏 耶和華 *而 衷心 服從 佢哋 。
23 無論 你哋 做 乜嘢 ，都 要 盡心竭力 *，好似 為 耶和華 *而 做 ，唔係 為 人 而 做 ，
24 因為 你哋 知道 ，你哋 會 喺 耶和華 *嗰度 得到 產業 作為 獎賞 。要 好似 奴隸 一樣 為 主人 基督 服務 *。
25 至於 做 壞事 嘅 人 一定 會 受到 懲罰 。上帝 係 唔 偏心 嘅 。
