歌羅西書 2:1-23
2 我 好 想 你哋 知道 ，而家 我 為 你哋 同 老底嘉 城 嘅 弟兄 ，亦 都 為 所有 冇 見 過 我 嘅 人 ，付出 幾咁 大 嘅 努力 。
2 我 希望 佢哋 嘅 心 受到 安慰 ，因為 愛 而 和諧 團結 ，能夠 擁有 一切 真正 嘅 財富 。佢哋 擁有 呢 種 財富 ，係 因為 肯定 自己 完全 理解 上帝 嘅 神聖 祕密 ，而且 確切 認識 呢個 祕密 ，亦 即係 基督 。
3 上帝 將 一切 珍貴 嘅 智慧 同 知識 ，都 蘊藏 喺 基督 裡面 。
4 我 噉 講 ，係 唔 想 你哋 俾 人 用 似是而非 嘅 道理 *呃 到 。
5 雖然 我 唔 喺 你哋 嗰度 ，但係 我 嘅 心 係 同 你哋 同在 㗎 。我 知道 你哋 做事 規規矩矩 ，對 基督 有 堅定 嘅 信心 ，就 好 開心 。
6 既然 你哋 接受 咗 主 基督 耶穌 ，就要 繼續 同 佢 聯合 ，同 佢 同行 ，
7 身為 基督 嘅 門徒 ，要 按照 你哋 受到 嘅 教導 ，好似 植物 噉 深深 扎根 ，不斷 成長 *，亦 都 要 有 堅強 嘅 信心 ，繼續 凡事 感謝 上帝 。
8 你哋 要 小心 ，唔好 俾 人 用 哲學 同埋 空虛 騙人 嘅 說話 俘擄 你哋 *。呢啲 都 係 基於 人 嘅 傳統 ，基於 呢個 世界 膚淺 嘅 思想 ，而 唔係 以 基督 嘅 教導 為 根據 。
9 其實 ，上帝 嘅 特質 已經 喺 基督 身上 完全 體現 ，而且 清楚 可見 *。
10 噉樣 ，由於 佢 *，你哋 就 冇 任何 缺乏 *嘞 。佢 係 元首 *，統管 一切 執政 嘅 同 當權 嘅 。
11 由於 同 基督 聯合 ，你哋 都 受 咗 割禮 ，但係 呢個 唔係 用 人 嘅 手 施行 嘅 割禮 ，而 係 屬於 基督 嘅 割禮 ，令 有 罪 嘅 身體 *得到 釋放 。
12 你哋 喺 基督 嘅 浸禮 當中 同 佢 一齊 埋葬 。因為 你哋 同 基督 聯合 ，對 上帝 大能 嘅 作為 有 信心 ，就 同 基督 一齊 復活 。事實上 ，上帝 已經 令 基督 死而復生 嘞 。
13 雖然 你哋 以前 因為 過錯 ，因為 身體 冇 受 割禮 ，結果 陷於 死亡 ，不過 上帝 令 你哋 同 基督 一齊 得到 生命 。上帝 衷心 寬恕 咗 我哋 嘅 一切 過錯 ，
14 仲 撤銷 *咗 法典 上 寫 住 指證 我哋 過錯 嘅 法令 ，上帝 已經 將 呢啲 法令 喺 苦刑柱 上 廢除 咗 嘞 。
15 通過 苦刑柱 *，上帝 令 嗰啲 執政 嘅 、當權 嘅 成為 赤身露體 嘅 戰俘 ，喺 凱旋 隊伍 嘅 遊行 當中 ，將 佢哋 公開 示眾 。
16 所以 ，無論 邊個 喺 飲食 、節期 、新月節 、安息日 呢啲 事 上 批評 你哋 *，你哋 都 唔使 介意 。
17 呢啲 都 只係 將來 事物 嘅 影子 ，基督 先 係 實體 。
18 唔好 俾 任何 人 攞 走 你哋 嘅 獎賞 。嗰啲 人 鍾意 扮 謙卑 ，鍾意 崇拜 天使 *，亦 都 聲稱 自己 見 到 玄妙 嘅 事 *。佢哋 自高自大 ，係 因為 有 錯誤 *嘅 思想 ，
19 冇 不斷 跟從 基督 ，我哋 嘅 頭 *。其實 ，通過 佢 ，身體 就 得到 養分 ，靠 住 上帝 逐漸 成長 ，而 成 個 身體 係 由 關節 同 韌帶 和諧 噉 連接 埋 一齊 嘅 。
20 既然 你哋 已經 同 基督 一齊 「死去 」，唔 再 受 呢個 世界 膚淺 嘅 思想 約束 ，點解 你哋 仲 要 好似 屬於 呢個 世界 噉 生活 呢 ？點解 仲 要 繼續 遵守 各 種 法令 呢 ？
21 例如 「唔 可以 攞 ，唔 可以 食 ，唔 可以 掂 」。
22 既然 呢 類 法令 涉及 嘅 ，只係 啲 食 完 飲 完 就 冇 咗 嘅 嘢 ，點解 你哋 仲 要 服從 人 嘅 命令 同 教導 呢 ？
23 噉樣 做 嘅 人 表面 上 好 有 智慧 ，但係 其實 只係 扮 謙卑 ，自 定 崇拜 嘅 要求 。佢哋 苛待 自己 嘅 身體 ，但係 噉樣 做 對於 克制 有 罪 嘅 慾望 *一啲 價值 都 冇 。
