歌羅西書 1:1-29
1 我 係 保羅 ，按照 上帝 嘅 旨意 做 基督 耶穌 嘅 使徒 *。我 同 我哋 嘅 弟兄 提摩太 ，
2 一齊 寫信 俾 歌羅西 *嘅 聖民 ，即係 同 基督 聯合 嘅 忠信 弟兄 *。
願 上帝 我哋 嘅 爸爸 將 分外恩典 同 安寧 *賜 俾 你哋 。
3 每 次 我哋 為 你哋 禱告 ，都 感謝 上帝 ，亦 即係 我哋 嘅 主 耶穌 基督 嘅 爸爸 ，
4 因為 我哋 聽 到 你哋 對 基督 耶穌 有 信心 ，亦 都 對 所有 聖民 有 愛心 。
5 你哋 有 呢 種 信心 同 愛心 ，因為 你哋 有 希望 得到 天上 嘅 獎賞 。你哋 以前 聽 到 呢個 希望 ，係 因為 有 人 向 你哋 傳講 好消息 ，宣揚 真理 。
6 呢個 好消息 喺 全 世界 結出 果實 ，成果 越 嚟 越 多 。自從 你哋 當初 聽 到 而且 確切 認識 上帝 嘅 分外恩典 ，好消息 就 喺 你哋 當中 有 好好 嘅 成果 。
7 你哋 係 喺 我哋 親愛 嘅 同伴 以巴弗 嗰度 ，學 到 上帝 嘅 分外恩典 嘅 。佢 同 我哋 一齊 工作 *，係 基督 嘅 忠心 僕人 ，代替 我哋 為 大家 服務 。
8 佢 亦 都 話 俾 我哋 知 ，你哋 由於 神聖 力量 而 顯出 愛心 。
9 所以 ，由 我哋 聽 到 你哋 嘅 情況 嗰 日 開始 ，就 不斷 為 你哋 禱告 ，我哋 求 上帝 令 你哋 對 佢 嘅 旨意 充滿 確切 嘅 知識 ，有 充足 嘅 智慧 ，而且 因為 神聖 力量 而 有 理解力 。
10 噉樣 ，你哋 行事 為 人 就 能夠 對得住 耶和華 *，做 任何 事 都 令 佢 喜悅 ，喺 各 種 善行 *上 不斷 結出 果實 ，而且 不斷 增加 關於 上帝 嘅 確切 知識 。
11 我哋 都 祈求 ，上帝 用 佢 榮耀 嘅 大能 ，賜 你哋 充足 嘅 力量 。噉樣 ，你哋 就 能夠 有 耐心 同 喜樂 ，凡事 忍耐 ，
12 而且 感謝 天父 ，因為 佢 令 你哋 有 資格 同 嗰啲 喺 光明 裡面 嘅 聖民 ，一齊 得到 產業 。
13 上帝 救 我哋 脫離 咗 黑暗 嘅 權勢 ，帶 我哋 去 到 佢 愛子 嘅 王國 裡面 。
14 通過 佢 嘅 仔 獻出 嘅 贖價 ，我哋 得到 釋放 ，罪 亦 都 得到 寬恕 。
15 呢個 仔 係 人 睇 唔 見 嘅 上帝 嘅 形象 。喺 受造 萬物 當中 ，佢 係 頭生子 ，
16 因為 天上 嘅 、地上 嘅 ，包括 睇 得 見 嘅 、睇 唔 見 嘅 ，無論 係 在位 嘅 、統治 嘅 、執政 嘅 、當權 嘅 ，全部 都 係 通過 佢 而 創造 嘅 。其餘 嘅 萬物 都 係 通過 佢 、為咗 佢 而 創造 嘅 。
17 佢 喺 其餘 嘅 萬物 出現 之前 已經 存在 嘞 ，而 其餘 嘅 萬物 都 係 通過 佢 先至 存在 。
18 佢 係 身體 嘅 頭 ，呢個 身體 就係 會眾 。佢 係 開始 ，係 死人 當中 第 一 個 復活 嘅 *，所以 能夠 喺 萬物 當中 居於 首位 。
19 因為 上帝 按照 自己 嘅 意思 ，令 佢 嘅 仔 喺 各 方面 都 毫無 欠缺 ，應有盡有 ，
20 而且 通過 佢 喺 苦刑柱 *上 流出 嘅 血 促成 和睦 ，令 其餘 嘅 一切 ，無論 係 天上 嘅 定係 地上 嘅 ，都 可以 通過 佢 同 上帝 和好 。
21 以前 你哋 遠離 上帝 ，係 佢 嘅 敵人 ，因為 你哋 諗 嘅 都 係 邪惡 嘅 事 。
22 不過 ，而家 上帝 已經 通過 基督 嘅 身體 *，同埋 佢 嘅 死 ，令 你哋 同 上帝 和好 。噉樣 ，上帝 就 能夠 將 你哋 帶 到 自己 面前 ，係 聖潔 無瑕 、無可指責 嘅 。
23 當然 ，你哋 要 繼續 留 喺 信仰 裡面 ，喺 根基 上 堅定不移 ，唔好 放棄 *好消息 帶 嚟 嘅 希望 。你哋 聽 到 嘅 好消息 已經 傳遍 天下 ，受造 眾生 都 知道 嘞 。我 保羅 就係 宣揚 呢個 好消息 嘅 僕人 。
24 而家 我 為咗 你哋 受苦 ，反而 覺得 開心 。為咗 基督 嘅 身體 ，亦 即係 會眾 ，我 承受 緊 基督 所 受 嘅 患難 ，不過 我 受 嘅 患難 仲 未 夠 。
25 上帝 為咗 你哋 ，將 管家 嘅 職責 交託 俾 我 ，所以 我 為 會眾 服務 ，徹底 傳講 上帝 嘅 話語 ，
26 傳講 神聖 秘密 。以前 ，喺 各個 時代 嘅 制度 *當中 ，呢個 秘密 一直 隱藏 ，不過 而家 就 向 上帝 嘅 聖民 揭示 出嚟 。
27 上帝 樂意 俾 嚟自 列國 嘅 聖民 知道 ，神聖 秘密 充滿 榮耀 嘅 財富 *。而 呢個 秘密 就係 ：基督 同 你哋 聯合 ，令 你哋 有 希望 得享 佢 嘅 榮耀 。
28 我哋 傳揚 嘅 就係 佢 。我哋 盡力 勸誡 同 教導 每 個 人 ，將 充足 嘅 智慧 同 人 分享 ，噉樣 ，我哋 就 能夠 幫助 每 個 同 基督 聯合 嘅 人 邁向 成熟 。
29 所以 我 繼續 辛勤 工作 ，靠 住 上帝 喺 我 身上 發揮 嘅 強大 力量 ，竭力 奮鬥 。
