提摩太前書 5:1-25
5 唔 好 嚴厲 噉 批評 年長 嘅 男人 。相反 ，要 好似 勸 爸爸 噉 勸 佢 ，好似 勸 兄弟 噉 勸 年輕 嘅 男人 ，
2 好似 勸 媽媽 噉 勸 年長 嘅 女人 ，好似 勸 家姐 細妹 噉 勸 年輕 嘅 女人 ，舉止 態度 要 完全 貞潔 。
3 要 關心 *真正 需要 幫助 嘅 寡婦 *。
4 不過 ，寡婦 如果 有 兒孫 ，兒孫 就 應該 先 喺 屋企 學習 實踐 虔誠 *之 道 ，亦 都 要 報答 父母 同 祖父母 ，因為 噉樣 做 係 上帝 喜悅 嘅 。
5 真正 無依無靠 嘅 寡婦 寄 望 於 上帝 ，不斷 懇切 祈求 ，日夜 禱告 。
6 淨係 掛住 尋歡作樂 嘅 寡婦 ，雖然 有 生命 ，但係 喺 崇拜 方面 係 死 嘅 。
7 你 要 向 大家 再三 複述 呢啲 指示 *，噉 佢哋 就 可以 無 可 指責 。
8 邊個 唔 照顧 親人 *，特別 係 自己 嘅 屋企人 ，就 等於 否認 信仰 ，仲 差 過 唔 係 信徒 嘅 人 。
9 列 喺 名單 上 嘅 寡婦 ，起碼 要 有 60歲 ，忠於 丈夫 *，
10 因為 良好 嘅 行為 而 有 好 名聲 ，例如 養育 兒女 ，慷慨 好客 ，為 聖民 洗腳 *，幫助 受苦 嘅 人 ，努力 做 各 種 美善 嘅 工作 。
11 至於 年輕 嘅 寡婦 ，就 唔 好 列 喺 名單 上面 ，因為 佢哋 一旦 受 性慾 影響 ，唔 再 專心 為 基督 服務 ，就 會 想 結婚 。
12 佢哋 違背 當初 嘅 承諾 *，就 會 被 定罪 。
13 同時 ，佢哋 慣 咗 無所事事 ，周圍 遊蕩 *，唔單止 無所事事 ，仲 鍾意 講 閒話 ，多管閒事 ，講 啲 唔 應該 講 嘅 嘢 。
14 所以 ，我 希望 年輕 嘅 寡婦 結婚 ，生兒育女 ，打理 家務 ，唔 好 俾 反對 嘅 人 有 機會 批評 我哋 。
15 其實 ，有啲 人 已經 離棄 真理 ，跟隨 撒但 嘞 。
16 如果 一 個 女 信徒 有 親人 係 寡婦 ，就 應該 自己 幫助 佢哋 ，唔 應該 加重 會眾 嘅 負擔 ，等 會眾 可以 幫 嗰啲 真正 需要 幫助 嘅 寡婦 *。
17 長老 好好 督導 會眾 ，應該 深受 尊重 。如果 佢哋 辛勤 噉 傳講 上帝 嘅 信息 同埋 教導 人 ，就 更 應該 得到 尊重 。
18 聖經 話 ，「牛 踩 穀 嘅 時候 ，唔 可以 套 住 佢 嘅 嘴 」，亦 都 話 ，「工人 得到 報酬 係 應該 嘅 」。
19 如果 有 人 指控 長老 ，冇 兩 三 個人 嘅 證詞 ，就 唔 好 受理 嘞 。
20 另外 ，你 要 當 住 所有 在場 嘅 人 ，責備 嗰啲 經常 犯罪 嘅 人 ，等 其餘 嘅 人 引 以 為 戒 *。
21 我 喺 上帝 、基督 耶穌 ，仲有 上帝 揀選 嘅 天使 面前 鄭重 吩咐 你 ，要 遵守 呢啲 指示 ，唔 好 有 成見 ，亦 都 唔 好 偏心 。
22 千祈 唔 好 匆匆忙忙 噉 委任 人 *，唔 好 分擔 人哋 嘅 罪 。你 自己 要 保持 貞潔 。
23 你 個 胃 唔 係 咁 好 ，又 成日 病 ，唔 好 再 飲 水 嘞 *，飲 啲 酒 啦 。
24 有啲 人 嘅 罪 係 眾所周知 嘅 ，好 快 就 被 定罪 ，但係 有啲 人 嘅 罪 係 之後 先 顯露 出嚟 嘅 。
25 同樣 ，良好 嘅 行為 都 係 眾所周知 嘅 ，就算 唔 係 ，都 唔 會 一直 隱藏 。
