提多書 1:1-16
1 我 係 保羅 ，係 上帝 嘅 奴隸 ，係 耶穌 基督 嘅 使徒 *。我 嘅 職務 同 上帝 揀選 嘅 人 嘅 信仰 一致 ，亦 都 同 真理 嘅 確切 知識 一致 。真理 符合 虔誠 *之 道 ，
2 亦 都 基於 永生 嘅 希望 。喺 好 多 個 世代 之前 ，冇 可能 講 大話 嘅 上帝 已經 承諾 賜 永遠 嘅 生命 俾 人 。
3 到 咗 上帝 指定 嘅 時候 ，佢 就 通過 傳道 工作 令 人 認識 佢 嘅 話語 。我 係 按照 我哋 救主 上帝 嘅 命令 ，受 委託 做 呢 項 傳道 工作 嘅 。
4 提多 ，我 而家 寫 信 俾 你 。你 同 我 有 共同 嘅 信仰 ，你 就 好似 我 嘅 親生 仔 一樣 。
願 上帝 我哋 嘅 天父 ，仲有 我哋 嘅 救主 基督 耶穌 ，令 你 享有 分外 恩典 同 安寧 *。
5 我 留 你 喺 克里特 ，係 想 你 按照 我 嘅 吩咐 去 處理 一啲 需要 糾正 嘅 問題 *，同埋 喺 各 座 城 委任 長老 。
6 如果 有 人 無 可 指責 ，只有 一 個 太太 ，仔女 都 信 主 ，冇 人 指控 佢 嘅 仔女 生活 放縱 *或者 反叛 ，你 就 可以 委任 佢 。
7 監督 身 為 上帝 嘅 管家 ，必須 無 可 指責 ，唔 堅持己見 ，唔 會 脾氣 暴躁 *，唔 醉酒 ，唔 粗暴 *，唔 貪圖 利益 *。
8 佢 必須 好客 ，喜愛 良善 ，思想 健全 *，正義 ，忠貞 ，自制 ，
9 堅持 用 上帝 信實 嘅 話語 *發揮 教導 嘅 藝術 ，噉 佢 就 可以 用 健全 嘅 *教導 鼓勵 *人 ，責備 反駁 嘅 人 。
10 有 好 多 人 欺騙 人 ，反叛 ，言談 無益 ，特別 係 嗰啲 死守 割禮 *嘅 人 。
11 你 一定 要 令 呢啲 人 收聲 *，因為 佢哋 貪圖 利益 *，教 人 錯誤 嘅 道理 ，徹底 破壞 一啲 家庭 嘅 信心 。
12 克里特 人 自己 嘅 先知 都 係 噉樣 講 ：「克里特 人 成日 講 大話 ，係 害 人 嘅 野獸 ，好食懶飛 。」
13 呢 句 說話 *係 真 嘅 。所以 你 要 不斷 嚴厲 噉 責備 佢哋 ，令 佢哋 喺 信仰 上 健全 ，
14 唔 好 再 理 猶太 人 嘅 傳說 同埋 嗰啲 離棄 真理 嘅 人 嘅 誡命 。
15 對 潔淨 *嘅 人 嚟 講 ，一切 都 係 潔淨 嘅 。不過 對 污穢 不潔 、冇 信心 嘅 人 嚟 講 ，冇 嘢 係 潔淨 嘅 ，就 連 佢哋 嘅 思想 同 良心 都 係 污穢 嘅 。
16 佢哋 公開 聲稱 自己 認識 上帝 ，但係 行為 就 表明 自己 否認 上帝 ，因為 佢哋 又 可惡 又 反叛 ，唔 配 *做 任何 美善 嘅 事 。
