彼得前書 3:1-22
3 同樣 ，你哋 做 太太 嘅 ，要 順服 自己 嘅 丈夫 。噉樣 即使 丈夫 唔 服從 上帝 嘅 話語 ，或者 你哋 都 可以 靠 住 自己 嘅 品行 ，唔 使 用 一言一語 就 打動 到 丈夫 *，
2 因為 丈夫 親眼 睇見 你哋 有 貞潔 嘅 品行 ，而且 深深 尊重 佢哋 。
3 你哋 唔 好 注重 外表 嘅 裝飾 ，例如 整 誇張 嘅 髮型 *、戴 金飾 、著 奢華 嘅 服裝 ，
4 反而 要 注重 內心 深處 嘅 為人 ，用 平靜 溫和 嘅 品格 *作為 唔 會 朽壞 嘅 裝飾 。呢個 喺 上帝 眼中 非常 寶貴 。
5 以前 嗰啲 信賴 *上帝 嘅 聖潔 女子 ，就係 噉樣 裝飾 自己 ，順服 丈夫 。
6 例如 ，撒拉 服從 亞伯拉罕 ，稱呼 佢 做 「主 」。如果 你哋 不斷 行善 *，冇 因為 恐懼 而 放棄 ，就係 撒拉 嘅 女 嘞 。
7 同樣 ，做 丈夫 嘅 ，你哋 同 太太 一齊 生活 ，要 繼續 理解 佢哋 *。佢哋 係 比較 脆弱 嘅 器皿 ，要 俾 女性 應 得 嘅 尊重 佢哋 ，因為 佢哋 同 你哋 一齊 得到 生命 嘅 分外 之 恩 。噉樣 ，你哋 嘅 禱告 先 會 暢通無阻 。
8 最後 ，你哋 人人 都 要 思想 一致 ，將心比心 ，有 弟兄 之 情 、憐恤 之 心 ，為人 謙卑 。
9 俾 人 傷害 ，唔 好 傷害 返 人 ；俾 人 辱罵 ，唔 好 辱罵 返 人 ，反而 要 祝福 對方 。因為 你哋 受 呼召 就係 要 祝福 其他 人 ，噉樣 你哋 先 會 得到 福分 。
10 「有 邊個 熱愛 生命 ，渴望 過 幸福 嘅 日子 ，就 要 約束 舌頭 ，唔 講 邪惡 嘅 說話 ，克制 嘴唇 ，唔 講 大話 。
11 要 棄 惡 從 善 ，亦 都 要 尋求 和睦 *，不斷 追求 。
12 因為 耶和華 *嘅 眼 眷顧 正義 嘅 人 ，佢 嘅 耳 聽 佢哋 懇切 嘅 祈求 。但係 耶和華 *會 對 作惡 嘅 人 發嬲 *。」
13 如果 你哋 熱心 行善 *，邊個 能夠 傷害 你哋 呢 ？
14 就算 你哋 為 正義 受苦 ，都 係 有 福 *嘅 。世人 畏懼 嘅 ，你哋 唔 好 畏懼 *，亦 都 唔 好 憂慮 不安 。
15 要 喺 心 裡面 承認 基督 係 神聖 嘅 ，係 你哋 嘅 主 。要 隨時 準備 好 為 自己 嘅 希望 辯護 。噉樣 ，如果 有 任何 人 要求 你哋 解釋 呢個 希望 有 乜嘢 根據 ，你哋 就 會 識得 點樣 回答 ，只 不過 要 態度 溫和 ，深深 尊重 佢 。
16 你哋 要 持守 無愧 嘅 良心 。噉樣 ，無論 人哋 點樣 詆毀 你哋 ，由於 你哋 有 基督徒 嘅 好 品行 ，嗰啲 詆毀 你哋 嘅 人 都 會 蒙羞 。
17 如果 上帝 容許 *你哋 因為 行善 而 受苦 ，其實 點 都 好過 你哋 因為 作惡 而 受苦 。
18 基督 係 正義 嘅 人 ，佢 曾經 為 好 多 唔 正義 嘅 人 而 死 ，只係 一 次 就 將 罪 永遠 除去 ，目的 係 要 帶領 你哋 歸向 上帝 。佢 被 處死 嘅 時候 係 血肉之軀 ，被 復活 嘅 時候 係 靈體 。
19 然後 ，佢 去 被 囚禁 嘅 靈體 嗰度 ，宣告 審判 嘅 信息 。
20 呢啲 靈體 曾經 喺 挪亞 嘅 時代 反叛 上帝 ，而 上帝 一直 耐心 等待 。當時 ，建造 方舟 嘅 工作 仍然 進行 緊 。最後 ，進入 方舟 而 喺 洪水 當中 得救 嘅 人 唔 多 ，只有 八 個 人 *。
21 浸禮 同 呢 件 事 類似 *，而家 都 通過 耶穌 基督 嘅 復活 拯救 你哋 。（受浸 唔 係 除去 身體 上 *嘅 污穢 ，而 係 請求 上帝 賜予 無愧 嘅 良心 。）
22 基督 已經 去 到 天上 ，而家 喺 上帝 嘅 右邊 。天使 、有 權力 嘅 、有 能力 嘅 ，都 順服 佢 。
