帖撒羅尼迦後書 3:1-18
3 最後 ，各位 弟兄 ，請 你哋 繼續 為 我哋 禱告 ，祈求 耶和華 *嘅 話語 可以 迅速 傳開 ，而且 可以 好似 喺 你哋 嗰度 一樣 ，得到 人 尊重 同 接受 *。
2 請 你哋 亦 都 求 上帝 救 我哋 脫離 嗰啲 非常 邪惡 嘅 人 *，因為 唔 係 人人 都 有 呢個 信仰 *。
3 不過 ，主 係 信實 可靠 嘅 ，佢 會 加強 你哋 嘅 力量 ，保護 你哋 ，唔 受 撒但 *傷害 。
4 由於 主 ，我哋 確信 ，無論 係 而家 定係 將來 ，你哋 都 會 跟住 我哋 嘅 指示 去 做 。
5 願 主 繼續 引導 你哋 嘅 心 ，使 你哋 愛 上帝 ，亦 都 為咗 基督 保持 忍耐 。
6 各位 弟兄 ，而家 我哋 奉 主 耶穌 基督 嘅 名 指示 你哋 ：如果 有 任何 弟兄 唔 服從 *，唔 按照 我哋 教 你哋 嘅 一切 *行事 為 人 ，你哋 就要 避開 噉樣 嘅 人 。
7 你哋 好 清楚 應該 點樣 效法 我哋 ，因為 我哋 喺 你哋 當中 ，從來 冇 唔 守 規矩 *，
8 亦 都 冇 白 食 過 邊個 嘅 飯 ，反而 辛勤 竭力 噉 日夜 工作 ，唔 想 加重 你哋 任何 人 嘅 經濟 負擔 。
9 我哋 唔 係 冇 權 噉樣 做 ，而 係 想 立下 榜樣 ，希望 你哋 效法 我哋 。
10 事實上 ，我哋 喺 你哋 嗰度 嘅 時候 ，經常 吩咐 你哋 ：「邊個 唔 肯 工作 ，就 唔 可以 食飯 。」
11 我哋 聽 講 ，你哋 當中 有啲 人 唔 服從 *，乜嘢 工作 都 唔 做 ，反而 好管閒事 。
12 我哋 奉 主 耶穌 基督 嘅 名 ，吩咐 同埋 勸勉 噉樣 嘅 人 ，應該 過 平靜 嘅 生活 *，自食其力 。
13 各位 弟兄 ，你哋 唔 好 放棄 行善 *。
14 如果 有 人 唔 服從 我哋 呢 封 信 上 嘅 說話 ，你哋 就要 記 低 佢 *，唔 好 再 同 佢 來往 ，等 佢 覺得 羞愧 。
15 但係 唔 好 將 佢 當做 敵人 ，要 繼續 當 佢 係 弟兄 ，勸誡 佢 。
16 願 賜 人 安寧 *嘅 主 不斷 用 各 種 方式 令 你哋 得到 安寧 。願 主 同 你哋 所有 人 同在 。
17 我 保羅 喺 呢度 親筆 向 你哋 問好 。我 每 封 信 都 有 呢個 特徵 。呢個 係 我 嘅 筆跡 。
18 願 我哋 嘅 主 耶穌 基督 賜 分外恩典 俾 你哋 所有 人 。
