帖撒羅尼迦後書 2:1-17
2 各位 弟兄 ，你哋 好 期待 將來 我哋 嘅 主 耶穌 基督 返嚟 *，亦 都 知道 我哋 會 被 聚集 去 佢 嗰度 ，不過 我哋 請求 你哋 ：
2 如果 有 人 話 耶和華 *嘅 日子 到 嘞 ，無論 呢個 係 聲稱 嚟自 上帝 嘅 信息 *，係 口頭 傳 俾 你哋 嘅 說話 ，定係 好似 嚟自 我哋 寫 嘅 信 ，你哋 都 唔 好 輕易 動搖 ，失去 理智 ，亦 都 唔 好 驚慌 。
3 唔 好 俾 人 用 任何 手段 誤導 *你哋 ，因為 首先 會 有 叛道 *嘅 事 發生 ，有 一 個 不法 嘅 人 （即係 滅亡 之 子 ）顯露 出嚟 ，嗰個 日子 先至 會 嚟到 。
4 佢 係 敵對者 ，會 抬高 自己 嘅 地位 ，超越 一切 所謂 嘅 神 或者 受 人 崇拜 *嘅 對象 ，甚至 坐 喺 上帝 嘅 聖殿 ，公開 自命 為 神 。
5 我 仲 喺 你哋 嗰度 嘅 時候 ，再三 講 呢啲 事 俾 你哋 知 ，你哋 唔 記得 嘞 咩 ？
6 而家 你哋 知道 乜嘢 人 起 緊 抑制 作用 ，令 嗰個 不法 嘅 人 到 咗 時候 ，先至 顯露 出嚟 。
7 呢 股 隱祕 嘅 不法 勢力 已經 開始 行動 ，但係 喺 目前 起 抑制 作用 嘅 人 離開 前 都 會 一直 隱藏 。
8 到時 ，嗰個 不法 嘅 人 就 會 顯露 出嚟 。主 耶穌 會 顯示 自己 已經 返 到 我哋 呢度 *，用 口 中 嘅 力量 *將 佢 消滅 ，令 佢 滅亡 。
9 呢個 不法 嘅 人 靠 住 撒但 嘅 所作所為 而 存在 ，用 各 種 大能 嘅 作為 同埋 虛假 嘅 神跡 奇事 *，
10 仲有 各 種 不義 嘅 伎倆 ，欺騙 嗰啲 將會 滅亡 嘅 人 。佢哋 係 咎由自取 嘅 ，因為 真理 可以 拯救 到 佢哋 ，但係 佢哋 根本 唔 愛 真理 。
11 所以 ，上帝 任由 佢哋 俾 虛假 嘅 道理 誤導 ，相信 大話 。
12 噉 嗰啲 唔 相信 真理 ，反而 喜愛 不義 嘅 人 ，都 會 被 定罪 。
13 耶和華 *所 愛 嘅 弟兄 ，我哋 有 理由 經常 為 你哋 感謝 上帝 ，因為 上帝 由 最初 就 揀選 咗 你哋 ，等 你哋 可以 得救 。由於 你哋 對 真理 有 信心 ，佢 就 用 神聖力量 令 你哋 成聖 *，揀選 你哋 。
14 佢 通過 我哋 宣揚 嘅 好消息 呼召 你哋 ，係 要 令 你哋 好似 我哋 主 耶穌 基督 噉樣 得到 榮耀 。
15 所以 各位 弟兄 ，你哋 要 企 穩 。你哋 學 到 嘅 道理 *，無論 係 口傳 嘅 ，定係 我哋 喺 信 入面 寫 嘅 ，都 要 謹守 。
16 上帝 愛 我哋 ，憑 住 分外恩典 ，賜 永久 嘅 安慰 同 光明 嘅 希望 俾 我哋 。願 上帝 我哋 嘅 爸爸 ，仲有 我哋 嘅 主 耶穌 基督 ，
17 安慰 你哋 嘅 心 ，等 你哋 堅定不移 *，噉 你哋 就 時時 都 有 美好 嘅 言行 嘞 。
