帖撒羅尼迦前書 4:1-18
4 最後 ，各位 弟兄 ，你哋 已經 受 過 我哋 嘅 教導 ，知道 應該 點樣 行事 為 人 ，令 上帝 開心 ，就 好似 你哋 而家 做 嘅 噉 。既然 係 噉 ，我哋 奉 主 耶穌 嘅 名 請求 你哋 ，勸勉 你哋 ，要 不斷 噉樣 做 ，而且 要 做 得 更加 徹底 *。
2 我哋 奉 主 耶穌 嘅 名 俾 過 乜嘢 指示 *你哋 ，你哋 係 知道 嘅 。
3 上帝 嘅 旨意 係 要 你哋 聖潔 ，禁戒 淫亂 *。
4 人人 都 應該 知道 點樣 控制 自己 嘅 身體 *，保持 聖潔 同 尊榮 ，
5 唔 應該 放縱 貪婪 嘅 性慾 ，就 好似 列國 唔 認識 上帝 嘅 人 一樣 。
6 任何 人 都 唔 可以 喺 呢 方面 越軌 ，傷害 弟兄 姊妹 ，因為 耶和華 *會 懲罰 做 呢啲 事 嘅 人 。呢 一 點 我哋 以前 講 過 俾 你哋 知 ，而且 嚴厲 噉 警告 過 你哋 。
7 上帝 呼召 我哋 ，唔 係 要 我哋 不潔 ，而 係 要 我哋 聖潔 。
8 所以 ，無視 呢 一 點 嘅 ，唔 係 無視 人 ，而 係 無視 將 神聖力量 賜 俾 你哋 嘅 上帝 。
9 關於 弟兄 之愛 ，你哋 唔 需要 我哋 寫信 俾 你哋 ，因為 上帝 已經 教導 你哋 要 彼此 相愛 。
10 事實上 ，你哋 一直 都 係 噉 對待 全 馬其頓 嘅 所有 弟兄 。不過 各位 弟兄 ，我哋 勸勉 你哋 要 繼續 噉樣 做 ，而且 要 做 得 更加 徹底 *。
11 要 立志 過 平靜 嘅 生活 ，安分守己 *，親手 工作 ，就 好似 我哋 教導過 你哋 嘅 一樣 。
12 噉 會眾 以外 嘅 人 或者 就 會 睇 出 ，你哋 係 品行 端正 嘅 人 ，亦 都 一無所缺 。
13 另外 ，各位 弟兄 ，我哋 希望 你哋 明白 已經 長眠 嘅 人 會 經歷 乜嘢 事 ，噉 你哋 就 唔會 好似 冇 希望 嘅 人 咁 悲傷 。
14 我哋 既然 相信 耶穌 已經 死而復生 ，就 應該 相信 ，上帝 都 會 將 嗰啲 同 耶穌 聯合 而 長眠 嘅 人 復活 ，令 佢哋 可以 同 耶穌 一齊 。
15 我哋 根據 耶和華 *所 講 嘅 ，話 俾 你哋 知 ，當 主 返 到 我哋 呢度 嘅 時候 *，我哋 仍然 在生 嘅 人 絕對 唔會 比 已經 長眠 嘅 人 更 早 復活 。
16 因為 主 會 親自 從天而降 ，以 天使長 嘅 聲音 發出 號令 ，上帝 嘅 號筒 亦 會 響起 ，嗰啲 同 基督 聯合 嘅 死人 會 首先 復活 。
17 之後 我哋 仍然 在生 嘅 人 ，會 即刻 喺 雲 中 被 接 上去 ，同 佢哋 一齊 ，喺 空中 同 主 會合 。噉樣 ，我哋 就 會 永遠 同 主 一齊 嘞 。
18 所以 ，你哋 要 用 呢啲 說話 不斷 互相 安慰 。
