帖撒羅尼迦前書 2:1-20
2 各位 弟兄 ，你哋 自己 一定 知道 ，我哋 探訪 你哋 係 有 成果 嘅 。
2 你哋 知道 ，之前 我哋 喺 腓立比 受苦 ，俾 人 侮辱 ，就算 遇 到 猛烈 嘅 反對 *，都 靠 住 我哋 嘅 上帝 鼓起 勇氣 ，向 你哋 傳講 上帝 嘅 好消息 。
3 我哋 嘅 勸勉 唔 係 基於 錯誤 嘅 諗法 ，唔 係 出於 不良 嘅 動機 *，亦 都 唔 係 要 呃 人 。
4 既然 上帝 認可 我哋 ，將 好消息 託付 俾 我哋 ，我哋 傳道 就 唔 係 要 討好 人 ，而 係 要 令 察驗 我哋 內心 嘅 上帝 喜悅 。
5 事實上 ，你哋 知道 ，我哋 從來 冇 講 過 奉承 嘅 說話 ，亦 都 冇 為咗 得到 利益 而 虛偽 裝假 。呢個 係 上帝 可以 作證 嘅 ！
6 無論 係 向 你哋 定係 向 其他 人 ，我哋 從來 都 冇 要求 任何 人 俾 咩 尊榮 我哋 。其實 我哋 係 基督 嘅 使徒 *，本來 可以 成為 其他 人 嘅 經濟 負擔 。
7 不過 ，我哋 喺 你哋 當中 溫柔 和藹 ，好似 哺乳 嘅 媽媽 呵護 *仔女 一樣 。
8 既然 我哋 對 你哋 滿懷 溫情 ，就 唔單止 樂意 *將 上帝 嘅 好消息 傳 俾 你哋 ，連 自己 嘅 生命 都 樂意 俾 埋 你哋 ，因為 我哋 深愛 你哋 。
9 各位 弟兄 ，你哋 一定 記得 我哋 點樣 辛勤 竭力 噉 工作 。我哋 將 上帝 嘅 好消息 傳 俾 你哋 嘅 時候 ，日夜 工作 去 維持 生計 ，唔 想 成為 任何 人 嘅 經濟 負擔 。
10 我哋 忠貞 噉 對待 你哋 ，行事 正義 ，無可指責 ，你哋 可以 作證 ，上帝 都 可以 作證 。
11 你哋 亦 都 清楚 知道 ，我哋 對待 你哋 每 個 人 ，就 好似 爸爸 對待 仔女 一樣 ，不斷 勸勉 、安慰 你哋 ，向 你哋 作見證 ，
12 幫助 你哋 行事 為 人 繼續 對得住 上帝 ，亦 即係 呼召 你哋 進入 佢 嘅 王國 同埋 榮耀 嘅 嗰位 。
13 所以 我哋 都 不斷 感謝 上帝 ，因為 我哋 將 上帝 嘅 話語 傳 俾 你哋 ，你哋 聽 到 就 接受 ，冇 認為 係 人 嘅 話語 ，而 認為 係 上帝 嘅 話語 。呢個 的確 係 上帝 嘅 話語 ，喺 你哋 心 入面 發揮 作用 。
14 各位 弟兄 ，你哋 同 猶地亞 各 地 嘅 基督徒 會眾 *，亦 即係 上帝 嘅 會眾 ，面對 相同 嘅 情況 ，因為 佢哋 喺 猶太 人 手 中 受 咗 乜嘢 苦 ，而家 你哋 喺 自己 嘅 同胞 手 中 都 受 緊 同樣 嘅 苦 。
15 猶太 人 殺 咗 主 耶穌 同埋 先知 ，又 迫害 我哋 。佢哋 所 做 嘅 ，唔單止 令 上帝 不悅 ，仲 損害 咗 所有 人 嘅 利益 。
16 佢哋 企圖 阻止 我哋 向 列國 嘅 人 傳道 ，唔 俾 列國 嘅 人 得救 。佢哋 噉樣 做 ，就係 不斷 加重 緊 自己 嘅 罪 ，以致 惡貫滿盈 。不過 ，上帝 嘅 憤怒 終於 臨到 佢哋 身上 嘞 。
17 各位 弟兄 ，我哋 同 你哋 暫時 分離 ，不過 身 離 心 不離 。我哋 一直 竭盡全力 想 同 你哋 見面 ，渴望 同 你哋 相聚 。
18 所以 我哋 好 想 去 你哋 嗰度 ，而 我 保羅 嘗試 咗 唔止 一 次 ，而 係 兩 次 ，但係 撒但 截斷 咗 我哋 嘅 去路 。
19 當 我哋 嘅 主 耶穌 返 到 我哋 呢度 嘅 時候 *，喺 佢 面前 ，我哋 嘅 希望 、喜樂 、引以為榮 嘅 冠冕 *係 乜嘢 呢 ？唔 係 就係 你哋 咩 ？
20 你哋 真係 我哋 嘅 榮耀 ，我哋 嘅 喜樂 。
