希伯來書 4:1-16
4 既然 上帝 嘅 承諾 依然 有效 ，仍然 俾 人 入去 得享 佢 嘅 安息 ，我哋 就 應該 保持 警惕 *，噉 就 唔 會 有 人 睇嚟 唔 配 得到 呢個 承諾 。
2 我哋 聽 到 嘅 呢個 好消息 ，我哋 嘅 祖先 都 聽 到 ，但係 佢哋 冇 好似 聽從 嘅 人 噉 *，表現 堅強 嘅 信心 ，結果 佢哋 聽 到 嘅 說話 ，對 佢哋 一啲 價值 都 冇 。
3 不過 ，我哋 呢啲 有 信心 嘅 人 就 可以 入去 得享 佢 嘅 安息 。至於 佢哋 ，上帝 話 ：「我 喺 憤怒 中 發誓 ：『佢哋 唔 可以 入去 得享 我 嘅 安息 。』」雖然 上帝 嘅 工作 喺 世界 奠基 嗰陣 已經 完成 ，開始 安息 ，但係 佢 依然 噉樣 講 。
4 喺 聖經 嘅 某 段 經文 ，佢 提 到 第 七 日 話 ：「上帝 喺 第 七 日 休息 ，放 低 一切 工作 。」
5 佢 又 話 ：「佢哋 唔 可以 入去 得享 我 嘅 安息 。」
6 當初 聽 到 好消息 嘅 人 ，由於 反叛 而 冇 得 入去 得享 呢 種 安息 ，但係 其實 人 仲有 機會 入去 ，
7 所以 上帝 喺 好 耐 之後 ，又 再 喺 大衛 嘅 詩篇 提 到 「今日 」，正如 呢 封 信 前面 引述 過 嘅 ：「今日 ，但 願 你哋 聽 我 講 ，唔 好 硬頸 *。」就係 噉 ，上帝 就 再次 指定 咗 一 日 。
8 如果 約書亞 已經 帶 咗 佢哋 入去 得享 真正 嘅 安息 ，上帝 就 唔 會 喺 後嚟 提 到 另 一 日 嘞 。
9 所以 ，上帝 嘅 子民 仲有 機會 得享 「安息 」。
10 人 要 得享 上帝 嘅 安息 ，就 應該 放 低 自己 追求 嘅 事 *，好似 上帝 放 低 自己 嘅 工作 休息 噉樣 。
11 所以 ，我哋 應該 竭盡全力 ，入去 得享 上帝 嘅 安息 ，以免 有 人 失足 ，好似 佢哋 一樣 反叛 。
12 上帝 嘅 話語 係 有 生命 嘅 *，係 有 力量 嘅 ，鋒利 過 任何 兩 刃 嘅 劍 ，連 外表 *同 內心 *、關節 同 骨髓 都 可以 刺穿 分開 ，甚至 可以 辨明 心 入面 嘅 意念 同 打算 。
13 喺 上帝 眼 中 ，冇 受造物 係 隱藏 嘅 。喺 佢 眼 中 ，萬物 都 係 赤裸 、清楚 可見 嘅 ，我哋 一定 要 向 佢 交帳 *。
14 我哋 有 一 位 偉大 嘅 、穿越 咗 高天 嘅 大祭司 ，佢 就係 上帝 嘅 仔 耶穌 。既然 係 噉 ，我哋 就 應該 堅定不移 噉 宣揚 佢 嘅 事 。
15 我哋 呢 位 大祭司 能夠 體恤 我哋 嘅 軟弱 ，因為 我哋 經歷 過 嘅 種種 考驗 ，佢 都 經歷 過 ，只 不過 佢 冇 犯罪 。
16 所以 我哋 應該 去 到 施恩 *嘅 寶座 前面 ，放心 向 上帝 傾訴 *。噉樣 ，當 我哋 需要 幫助 嘅 時候 ，就 可以 得到 憐憫 同 分外 恩典 嘞 。
