希伯來書 3:1-19
3 所以 ，各 位 受 呼召 *去 天上 嘅 聖潔 弟兄 *，你哋 要 仔細 諗 吓 耶穌 嘅 榜樣 ，佢 係 我哋 承認 嘅 使徒 *同埋 大祭司 。
2 耶穌 對 任命 佢 嘅 上帝 忠心 ，就 好似 摩西 喺 上帝 嘅 家 *忠心 服務 一樣 。
3 耶穌 應該 比 摩西 得到 更 多 榮耀 ，因為 建造 房屋 *嘅 人 比 房屋 本身 更加 尊貴 。
4 任何 房屋 *都 有 人 建造 ，但係 建造 萬物 嘅 就係 上帝 。
5 摩西 只 不過 係 僕人 ，喺 上帝 嘅 家 *忠心 服務 ，預示 *將來 會 被 傳揚 嘅 事 ；
6 而 基督 先 係 上帝 嘅 仔 ，忠心 管理 上帝 嘅 家 。如果 我哋 放膽 發言 ，持守 我哋 誇耀 嘅 希望 ，而且 堅持 到底 ，我哋 就係 上帝 嘅 家 *嘞 。
7 所以 ，就 好似 神聖力量 *講 嘅 噉 ：「今日 ，但 願 你哋 聽 我 *講 ，
8 唔 好 硬頸 *，好似 你哋 嘅 祖先 以前 激嬲 我 *，當日 喺 曠野 試探 我 *一樣 。
9 喺 嗰度 ，你哋 嘅 祖先 試探 我 ，質疑 我 。40年 嚟 ，即使 佢哋 見 到 我 嘅 作為 ，都 仲係 噉 對 我 。
10 所以 我 厭惡 嗰 一 代 人 ，我 話 ：『佢哋 嘅 心 一直 偏離 正途 ，唔 認識 我 嘅 道路 。』
11 我 就 喺 憤怒 之 中 發誓 ：『佢哋 唔 可以 入去 得享 我 嘅 安息 。』」
12 各 位 弟兄 ，你哋 要 小心 ，因為 人 離棄 真神 *，就 會 形成 邪惡 嘅 心 ，對 佢 冇 信心 。
13 你哋 要 趁 住 仲有 叫 做 「今日 」嘅 時候 ，每日 都 互相 鼓勵 ，噉 你哋 就 冇 人 會 俾 罪 欺騙 *，變 得 硬頸 。
14 我哋 一定 要 堅持 當初 嘅 信念 ，而且 堅持 到底 ，噉樣 先至 可以 經歷 基督 所 經歷 嘅 一切 。
15 聖經 話 ：「今日 ，但 願 你哋 聽 我 講 ，唔 好 硬頸 *，好似 你哋 嘅 祖先 以前 激嬲 我 一樣 。」
16 邊啲 人 聽 咗 呢啲 說話 ，仲 激嬲 佢 呢 ？唔 係 摩西 由 埃及 帶 出嚟 嘅 所有 人 咩 ？
17 喺 嗰 40年 ，上帝 又 一直 厭惡 邊啲 人 呢 ？唔 係 嗰啲 犯罪 而 死 喺 曠野 嘅 人 咩 ？
18 佢 向 邊啲 人 發誓 ，唔 俾 佢哋 入去 得享 佢 嘅 安息 呢 ？唔 係 嗰啲 反叛 嘅 人 咩 ？
19 由 此 可見 ，佢哋 冇 得 入去 得享 安息 ，係 因為 佢哋 對 上帝 冇 信心 。
