希伯來書 1:1-14
1 喺 好 耐 之前 ，上帝 已經 用 過 好 多 方法 ，多 次 通過 先知 向 我哋 嘅 祖先 講 說話 。
2 不過 ，喺 而家 呢 段 日子 *，佢 就 通過 佢 個 仔 向 我哋 講 說話 。上帝 已經 指定 由 呢個 仔 得到 一切 *，亦 都 通過 佢 建立 咗 唔 同 嘅 制度 *。
3 佢 反映 上帝 嘅 榮耀 ，完全 體現 上帝 嘅 本質 *，而且 憑 住 上帝 *大 有 力量 嘅 話語 令 萬物 長存 。佢 除 淨 我哋 嘅 罪 之後 ，就 喺 高天 之 上 坐 喺 偉大 嘅 上帝 右邊 。
4 由於 佢 得到 比 天使 更加 尊貴 嘅 名 *，所以 佢 比 天使 更加 偉大 。
5 例如 ，上帝 幾時 有 同 其他 天使 講 過 ，「你 係 我 嘅 仔 ，今日 我 成為 你 嘅 爸爸 」呢 ？又 或者 話 ，「我 會 做 佢 嘅 爸爸 ，佢 會 做 我 嘅 仔 」呢 ？
6 但係 ，當 上帝 再次 派 佢 嘅 頭生子 *嚟 到 世上 嘅 時候 ，佢 會 話 ：「上帝 嘅 天使 全部 都 要 向 佢 下拜 。」
7 講 到 天使 ，佢 話 *：「上帝 令 佢 嘅 天使 成為 大 能 嘅 靈體 ，令 佢 嘅 僕役 *成為 烈火 。」
8 但係 講 到 呢個 仔 ，佢 就 話 ：「上帝 永永遠遠 係 你 嘅 寶座 ，你 王國 嘅 權杖 係 正直 *嘅 權杖 。
9 你 喜愛 正義 ，憎恨 不法 。所以 上帝 ，亦 即係 你 嘅 上帝 ，用 膏油 任命 *你 做 君王 ，令 你 比 你 嘅 同伴 更加 歡欣 。」
10 「主 啊 ，你 喺 最初 就 奠定 地 嘅 根基 ，天 都 係 你 雙手 嘅 作為 。
11 即使 天地 毀滅 ，你 都 永遠 長存 ；天地 就 好似 外衣 ，全部 都 會 破損 。
12 就 好似 一 個 人 捲 起 斗篷 ，捲 起 外衣 一樣 *，你 會 將 天地 捲 起 ，噉 天地 就 會 改變 。但係 你 始終如一 ，你 嘅 歲月 永 無 窮盡 。」
13 上帝 幾時 有 同 其他 天使 講 過 ，「你 坐 喺 我 右邊 ，直到 我 令 你 嘅 敵人 成為 你 嘅 腳凳 」呢 ？
14 其實 ，天使 全部 都 係 執行 神聖 服務 *嘅 靈體 ，奉命 為 將要 得救 嘅 人 服務 。
