啟示錄 8:1-13
8 綿羊羔 揭 開 第 七 個 印 嘅 時候 ，天上 靜默 咗 大約 半 個 鐘 。
2 我 見 到 企 喺 上帝 面前 嘅 七 個 天使 ，有 七 支 號筒 賜 咗 俾 佢哋 。
3 另 一 個 天使 帶 住 一 個 用 嚟 燒香 嘅 金 器皿 嚟 到 ，企 喺 祭壇 嗰度 。佢 得到 好 多 香 ，噉樣 聖民 獻 上 禱告 嘅 時候 ，佢 就 可以 喺 寶座 前 嘅 金壇 將 呢啲 香 獻 上 。
4 聖民 嘅 禱告 得到 垂聽 嘅 時候 ，燒香 嘅 煙 由 天使 嘅 手 升 到 上帝 面前 。
5 天使 就 即刻 用 燒香 嘅 金 器皿 裝 滿 祭壇 上 嘅 火 ，仲 將 火 揼 落 地 上 。跟住 就 有 雷霆 、閃電 、地震 同埋 講 說話 嘅 聲音 。
6 呢個 時候 ，拎 住 七 支 號筒 嘅 七 個 天使 準備 吹號 嘞 。
7 第 一 個 天使 吹響 號筒 ，夾雜 住 血 嘅 冰雹 同 火 就 被 揼 落 地 上 ，燒 咗 三 分 之 一 嘅 地 同埋 三 分 之 一 嘅 樹木 ，所有 青草 都 燒 晒 。
8 第 二 個 天使 吹響 號筒 ，一 座 好似 燃燒 緊 嘅 大山 就 被 揼 入 海 裡面 。三 分 之 一 嘅 海 變 成 血 ，
9 海 裡面 有 三 分 之 一 嘅 生物 死 咗 ，三 分 之 一 嘅 船 都 損壞 咗 。
10 第 三 個 天使 吹響 號筒 ，一 粒 好似 火焰 *噉樣 燃燒 緊 嘅 巨星 就 喺 天上 墜落 ，落 喺 三 分 之 一 嘅 河流 嗰度 ，亦 都 落 喺 所有 水泉 嗰度 ，
11 呢 粒 星 叫 「苦艾 」。三 分 之 一 嘅 水 就 變 成 好似 苦艾 噉 ，好 多 人 飲 咗 變 苦 嘅 水 就 死 咗 嘞 。
12 第 四 個 天使 吹響 號筒 ，太陽 嘅 三 分 之 一 、月亮 嘅 三 分 之 一 同 星辰 嘅 三 分 之 一 就 被 打擊 而 變 黑 ，結果 日頭 嘅 三 分 之 一 同 夜晚 嘅 三 分 之 一 都 冇 咗 光 。
13 我 又 見 到 一 隻 喺 半空 飛翔 嘅 鷹 ，我 聽 到 佢 大聲 話 ：「其餘 三 個 天使 就 快 吹響 號筒 喇 。號筒 嘅 聲音 響起 嘅 時候 ，住 喺 地 上 嘅 人 就 有 禍 嘞 ！有 禍 嘞 ！佢哋 有 禍 嘞 ！」
腳注
^ 直譯「燈」。
