啟示錄 7:1-17
7 之後 ，我 見 到 四 個 天使 企 喺 大地 嘅 四極 *，捉 實 大地 四方 嘅 風 ，唔 俾 風 吹 到 地 上 、海 上 或者 任何 嘅 樹 嗰度 。
2 我 見 到 另 一 個 天使 由 東邊 *上嚟 ，拎 住 真神 *嘅 印 。佢 大聲 吩咐 四 個 奉命 傷害 地 同 海 嘅 天使 ，
3 佢 話 ：「唔 好 傷害 地 、海 、樹 ，直到 我哋 喺 我哋 上帝 嗰啲 奴隸 嘅 額頭 上 扱 完 印 *。」
4 我 聽 到 扱 咗 印 嘅 人 總共 有 14萬 4000。呢啲 扱 咗 印 嘅 人 嚟自 以色列 人 嘅 每 個 部族 。
5 猶大 部族 當中 扱 咗 印 嘅 ，有 1萬 2000；呂便 部族 ，有 1萬 2000；迦得 部族 ，有 1萬 2000；
6 亞設 部族 ，有 1萬 2000；拿弗他利 部族 ，有 1萬 2000；瑪拿西 部族 ，有 1萬 2000；
7 西緬 部族 ，有 1萬 2000；利未 部族 ，有 1萬 2000；以薩迦 部族 ，有 1萬 2000；
8 西布倫 部族 ，有 1萬 2000；約瑟 部族 ，有 1萬 2000；便雅憫 部族 當中 扱 咗 印 嘅 ，有 1萬 2000。
9 之後 ，我 見 到 有 一 大 群 人 ，數目 多 到 冇 人 數 得 到 ，佢哋 係 嚟自 所有 國族 、部族 、民族 同埋 語言 嘅 。佢哋 企 喺 寶座 同 綿羊羔 面前 ，著 住 白袍 ，手上 拎 住 棕櫚 枝 。
10 佢哋 不斷 大聲 話 ：「我哋 得救 ，全 靠 寶座 上 我哋 嘅 上帝 ，同埋 綿羊羔 。」
11 所有 天使 都 企 喺 寶座 、長老 同埋 四 個 活物 周圍 ，佢哋 喺 寶座 前 跪 低 崇拜 上帝 ，
12 話 ：「阿們 ！願 讚美 、榮耀 、智慧 、感謝 、尊崇 、力量 、能力 ，永永遠遠 歸於 我哋 嘅 上帝 。阿們 。」
13 呢個 時候 其中 一 個 長老 問 我 ：「呢啲 著 住 白袍 嘅 係 咩 人 呢 ？佢哋 由 邊度 嚟 嘅 呢 ？」
14 我 就 同 佢 講 ：「我 主 ，你 先至 知道 。」佢 同 我 講 ：「呢啲 人 係 喺 大患難 當中 出嚟 嘅 。佢哋 用 綿羊羔 嘅 血 將 自己 嘅 袍 洗 到 潔白 。
15 所以 佢哋 可以 喺 上帝 嘅 寶座 前 ，日日夜夜 喺 佢 嘅 聖殿 裡面 敬奉 佢 。寶座 上 嘅 上帝 會 打開 帳幕 保護 佢哋 。
16 佢哋 唔 會 再 挨餓 ，唔 會 再 口渴 ，亦 都 唔 會 俾 烈日 或者 炎熱 折磨 ，
17 因為 寶座 旁邊 *嘅 綿羊羔 會 牧養 佢哋 ，將 佢哋 帶去 生命水 嘅 泉源 。上帝 亦 都 會 抹 走 佢哋 嘅 每 一 滴 眼淚 。」
