啟示錄 3:1-22
3 「你 要 寫 信 俾 撒狄 會眾 嘅 使者 *：嗰 位 有 嚟自 上帝 嘅 七 股 *神聖力量 ，手 裡面 有 七 粒 星 嘅 ，噉樣 講 ：『我 知道 你 做 嘅 一切 ，你 名義 上 係 活 著 嘅 ，但係 實際上 係 死 嘅 。
2 你 要 保持 警醒 ，令 嗰啲 淨低 落嚟 而且 將 會 死 嘅 人 *更加 堅強 ，因為 我 發現 你 冇 將 我 嘅 上帝 期望 你 做 嘅 事 全部 做 好 。
3 所以 ，你 要 好好 記 住 自己 曾經 領受 咗 乜嘢 、聽 到 乜嘢 ，要 繼續 持守 呢 一切 ，要 悔改 。如果 你 仲 唔 醒 ，我 就 會 好似 賊 一樣 去 你 嗰度 ，你 絕對 唔 會 知道 我 喺 乜嘢 時刻 嚟 到 。
4 「『不過 喺 撒狄 ，你 當中 的確 仲有 一啲 人 *冇 玷污 自己 嘅 袍服 。佢哋 會 著 住 白袍 同 我 同行 ，因為 佢哋 係 配 得 上 呢個 殊榮 嘅 。
5 戰勝 嘅 人 會 著 住 白袍 。我 絕對 唔 會 將 佢 嘅 名 喺 生命冊 上面 抹 走 *，我 會 喺 我 爸爸 同埋 佢 嘅 天使 面前 ，承認 佢 嘅 名 。
6 有 耳仔 嘅 ，都 應該 聽 上帝 通過 神聖力量 對 各 群 會眾 講 嘅 說話 。』
7 「你 要 寫 信 俾 非拉鐵非 會眾 嘅 使者 ：嗰 位 聖潔 、真實 同埋 有 大衛 鎖匙 嘅 ，即係 嗰 位 開 咗 門 就 冇 人 能夠 閂 ，閂 咗 門 就 冇 人 能夠 開 嘅 ，噉樣 講 ：
8 『我 知道 你 做 嘅 一切 。睇 吓 ！我 喺 你 面前 開 咗 一 道 門 ，係 冇 人 能夠 閂 嘅 。我 知道 你 有 一啲 力量 ，亦 都 知道 你 遵守 咗 我 嘅 吩咐 ，冇 背棄 我 *。
9 撒但 嘅 同黨 自稱 係 猶太 人 ，其實 唔 係 ，佢哋 講 嘅 都 係 大話 。睇 吓 ！我 要 令 佢哋 嚟 到 你 腳 前 下 拜 ，等 佢哋 知道 我 愛 你 。
10 你 聽 到 我 點樣 忍耐 就 照 住 做 ，所以 我 都 要 喺 考驗 嘅 時刻 保護 你 。呢個 時刻 將 會 臨到 全 天下 ，考驗 所有 喺 地 上 居住 嘅 人 。
11 我 好 快 就 會 嚟 。你 要 緊緊 守住 你 擁有 嘅 ，噉樣 就 冇 人 可以 攞 走 你 嘅 冠冕 。
12 「『戰勝 嘅 人 ，我 要 令 佢 喺 我 上帝 嘅 聖殿 裡面 成為 支柱 ，佢 絕對 唔 會 再 離開 聖殿 。我 要 將 我 上帝 嘅 名 、我 嘅 新 名 ，仲有 我 上帝 聖城 嘅 名 都 寫 喺 佢 上面 。呢 座 聖城 就係 喺 我 上帝 嗰度 、從 天 而 降 嘅 新耶路撒冷 。
13 有 耳仔 嘅 ，都 應該 聽 上帝 通過 神聖力量 對 各 群 會眾 講 嘅 說話 。』
14 「你 要 寫 信 俾 老底嘉 會眾 嘅 使者 ：嗰 位 稱 為 『阿們 *』嘅 ，忠信 真實 嘅 見證人 ，最先 被 上帝 創造 嘅 ，噉樣 講 ：
15 『我 知道 你 做 嘅 一切 ，知道 你 不 冷 不 熱 。我 只係 希望 你 一 係 就 凍 ，一 係 就 熱 。
16 既然 你 好似 暖 水 噉 ，唔 凍 又 唔 熱 ，我 就 要 將 你 由 我 嘅 口 吐 出嚟 。
17 你 話 自己 「好 富足 ，有 好 多 財產 ，冇 任何 缺乏 」，但係 就 唔 知道 自己 其實 係 悲慘 、可憐 、貧窮 、盲眼 、赤身 嘅 。
18 所以 我 勸 你 向 我 買 用 火 煉 過 嘅 黃金 ，令 自己 富足 ；向 我 買 白袍 ，令 自己 有 衫 著 ，噉 就 唔 會 俾 人 見 到 你 赤身 而 覺得 羞恥 ；向 我 買 眼藥 搽 眼 ，令 自己 睇 到 嘢 。
19 「『我 對 邊個 有 深厚 嘅 感情 ，我 都 會 責備 、管教 。所以 你 要 滿腔 熱誠 ，亦 都 要 悔改 。
20 睇 吓 ！我 企 咗 喺 門口 敲 門 。聽 到 我 把 聲 就 開門 嘅 人 ，我 會 入 去 佢 屋企 ，同 佢 一齊 食 晚餐 。
21 戰勝 嘅 人 ，我 要 俾 佢 同 我 一齊 坐 喺 我 嘅 寶座 ，就 好似 我 戰勝 咗 之後 ，可以 同 我 爸爸 一齊 坐 喺 佢 嘅 寶座 。
22 有 耳仔 嘅 ，都 應該 聽 上帝 通過 神聖力量 對 各 群 會眾 講 嘅 說話 。』」
