啟示錄 17:1-18
17 喺 嗰 七 個 分別 拎 住 碗 嘅 天使 當中 ，有 一 個 嚟 同 我 講 ：「嚟 吖 ，我 要 俾 你 睇 大娼妓 所 受 嘅 懲罰 。佢 坐 喺 好 多 條 河 上面 ，
2 地 上 嘅 列王 同 佢 淫亂 *，喺 地 上 居住 嘅 人 都 飲 咗 佢 淫亂 *嘅 酒 就 醉 咗 。」
3 嗰個 天使 用 神聖力量 將 我 帶 去 曠野 。我 見 到 一 個 女人 坐 喺 鮮紅 色 嘅 野獸 上面 ，野獸 有 七 個 頭 ，頭 上 有 十 隻 角 ，身上 布滿 褻瀆 嘅 名 。
4 呢個 女人 著 住 紫 色 同 鮮紅 色 嘅 衫 ，戴 住 黃金 、寶石 同埋 珍珠 做 裝飾 ，手 上 拎 住 金 杯 ，杯 裡面 裝 滿 可憎 之 物 同 佢 淫亂 *嘅 污穢 之 物 。
5 佢 嘅 額頭 上面 寫 咗 一 個 隱含 奧秘 嘅 名 ：「大巴比倫 ，娼妓 同 地 上 可憎 之 物 嘅 母親 。」
6 我 見 呢個 女人 飲 醉 咗 ，因為 佢 飲 咗 聖民 嘅 血 同 耶穌 嘅 見證人 嘅 血 。
我 見 到 佢 ，就 覺得 好 驚訝 。
7 天使 同 我 講 ：「點解 你 咁 驚訝 呢 ？我 會 將 關於 呢個 女人 同 佢 騎 住 嗰 隻 七 頭 十 角 野獸 嘅 奧秘 話 俾 你 知 ：
8 你 見 到 嘅 野獸 ，以前 喺度 ，而家 唔 喺度 ，但係 好 快 就 會 喺 無底深淵 *上嚟 ，之後 會 被 毀滅 。喺 地 上 居住 嘅 人 見 到 野獸 以前 喺度 ，之後 唔 喺度 ，後嚟 又 再 出現 ，都 會 非常 驚嘆 。由 世界 奠基 以 嚟 ，呢啲 人 嘅 名 都 冇 寫 喺 生命冊 上面 。
9 「人 要 有 智慧 先至 能夠 明白 ，七 個 頭 係 象徵 呢個 女人 坐 嘅 七 座 山 。
10 有 七 個 王 ，五 個 已經 傾倒 ，一 個 仲 喺度 ，另 一 個 仲 未 嚟 到 。佢 嚟 到 之後 ，就 會 存留 一 陣 。
11 以前 喺度 、而家 唔 喺度 嘅 野獸 係 第 八 個 王 ，佢 係 源 於 嗰 七 個 王 嘅 。呢 隻 野獸 正 走向 滅亡 。
12 「你 見 到 嘅 十 隻 角 象徵 十 個 王 。雖然 佢哋 仲 未 開始 統治 ，但係 將來 一定 會 得到 王權 ，同 野獸 一齊 統治 一 個 鐘 。
13 佢哋 嘅 諗法 一致 ，所以 將 自己 嘅 力量 同 權力 都 交 俾 野獸 。
14 佢哋 會 同 綿羊羔 交戰 ，綿羊羔 會 戰勝 佢哋 ，因為 佢 係 萬主之主 、萬王之王 。嗰啲 同 佢 一齊 嘅 人 ，即係 嗰啲 被 上帝 呼召 ，被 揀選 出嚟 嘅 忠信 嘅 人 ，都 會 戰勝 佢哋 。」
15 天使 又 同 我 講 ：「你 見 到 娼妓 坐 喺 河 上面 ，呢啲 河 象徵 所有 民族 、人群 、國家 同 語言 。
16 你 見 到 嘅 十 隻 角 同 野獸 會 憎恨 娼妓 ，摧殘 佢 ，令 佢 赤身 ，仲 會 食 咗 佢 嘅 肉 ，用 火 將 佢 完全 燒毀 。
17 因為 上帝 將 自己 嘅 諗法 放 入 十 隻 角 嘅 心 裡面 ，要 十 隻 角 將 佢哋 一致 嘅 諗法 實行 出嚟 ，就係 將 王權 交 俾 野獸 ，直到 上帝 講 嘅 說話 實現 為止 。
18 你 見 到 嘅 女人 象徵 一 座 統治 地 上 列王 嘅 大 城 。」
