哥林多前書 8:1-13
8 關於 獻 過 俾 偶像 嘅 食物 ，我哋 係 有 呢 方面 嘅 知識 。不過 ，知識 令 人 自高自大 ，只有 愛心 先 能夠 鼓勵 人 。
2 邊個 以為 自己 好 了解 一啲 佢 應該 知道 嘅 嘢 ，其實 佢 仲 未 好 了解 。
3 不過 只要 一 個 人 愛 上帝 ，上帝 就 認識 佢 嘞 。
4 至於 食 唔 食 獻 過 俾 偶像 嘅 食物 ，我哋 知道 偶像 唔 係 真正 嘅 神 ，而 真神 只有 一 位 。
5 雖然 天上 地 上 都 有 所謂 嘅 「神 」，而 啲 人 都 認為 有 好 多 「神 」或者 「主 」，
6 但係 我哋 只有 一 位 真神 ，就係 天父 。萬物 都 嚟自 佢 ，我哋 亦 都 為咗 佢 而 存在 。另外 只有 一 位 主 ，就係 耶穌 基督 ，萬物 都 係 通過 佢 而 有 嘅 ，我哋 都 係 通過 佢 而 有 嘅 。
7 不過 ，唔 係 人人 都 明白 呢 一 點 。有啲 人 以前 拜 偶像 ，而家 仍然 認為 食 呢 種 食物 同 拜 偶像 有關 。佢哋 嘅 良心 比較 弱 *，覺得 不安 *。
8 其實 食物 唔 能夠 令 我哋 同 上帝 更加 親近 。我哋 唔 食 唔 會 有 咩 損失 ，食 咗 都 冇 咩 益處 。
9 不過 你哋 要 時刻 留意 ，唔 好 因為 自己 有 呢個 選擇 嘅 權利 就 令 良心 弱 啲 嘅 人 跌 倒 *。
10 雖然 你 知道 拜 偶像 係 冇 意義 嘅 ，但係 如果 俾 一 個 良心 弱 啲 嘅 人 見 到 你 喺 偶像 嘅 殿宇 入面 食 呢啲 食物 ，噉 佢 可能 會 膽大妄為 ，就 去 食 獻 俾 偶像 嘅 食物 。
11 即使 你 知道 食 呢啲 食物 冇 問題 ，不過 噉樣 做 都 會 破壞 呢個 良心 比較 弱 嘅 人 嘅 信心 。唔 好 忘記 ，基督 都 為 呢 個 弟兄 而 死 。
12 你哋 噉樣 得罪 弟兄 ，傷害 佢哋 比較 弱 嘅 良心 ，就係 得罪 基督 。
13 所以 ，如果 食 肉 會 令 我 嘅 弟兄 跌 倒 *，我 就 永遠 唔 再 食 肉 ，以免 令 我 嘅 弟兄 跌 倒 。
