哥林多前書 4:1-21
4 喺 其他 人 眼中 ，我哋 應該 係 基督 嘅 僕人 *，上帝 神聖 秘密 嘅 管家 。
2 管家 要 符合 嘅 要求 ，就係 忠信 。
3 無論 我 係 俾 你哋 審斷 ，定係 俾 世上 嘅 法庭 審斷 ，我 覺得 都 唔 重要 。其實 ，我 都 唔 會 審斷 自己 。
4 我 雖然 問心無愧 ，但係 噉 唔 能夠 證明 我 係 正義 嘅 ，因為 審斷 我 嘅 係 耶和華 *。
5 既然 時候 仲 未 到 ，主 仲 未 嚟 ，你哋 就 唔 好 定 任何 人 有 罪 。主 嚟 到 ，就 會 將 黑暗 隱秘 嘅 事 揭穿 ，顯露 人 心 裡面 嘅 諗法 。到時 ，上帝 會 令 每 個 人 得到 應 得 嘅 稱讚 。
6 各 位 弟兄 ，我 用 自己 同 亞波羅 嘅 例子 嚟 說明 呢啲 事 ，係 為咗 你哋 嘅 益處 ，等 你哋 從 我哋 身上 學到 一 個 原則 ，就係 「唔 可以 越出 聖經 上 嘅 說話 」。如果 按照 呢個 原則 ，你哋 就 唔 會 自高自大 ，重視 呢個 ，輕視 嗰個 。
7 有 乜嘢 令 你 覺得 自己 叻 過 其他 人 呢 ？你 有 嘅 嘢 ，唔 係 都 嚟自 上帝 嘅 咩 ？既然 係 噉 ，點解 你 仲 要 誇耀 ，好似 所有 嘢 都 係 靠 自己 嘅 能力 得到 嘅 呢 ？
8 你哋 係咪 乜 都 有 ，已經 富足 ，唔使 我哋 就 開始 做 君王 吖 ？我 都 好 想 你哋 真係 已經 開始 做 君王 ，噉 我哋 就 可以 同 你哋 一齊 做 君王 嘞 。
9 我哋 喺 世人 面前 ，就 好似 劇場 裡面 嘅 表演 ，俾 天使 同 人類 睇 。我 認為 上帝 就 好似 將 我 同 其他 使徒 當做 死囚 一樣 ，等 我哋 最後 出場 示眾 。
10 由於 基督 ，我哋 被 視為 愚蠢 ；而 你哋 就 覺得 自己 跟隨 基督 好 聰明 。我哋 睇嚟 係 軟弱 嘅 ，而 你哋 睇嚟 就 好 堅強 。你哋 受 人 尊崇 ，而 我哋 就 俾 人 羞辱 。
11 直到 呢 一刻 ，我哋 仍然 又 飢 又 渴 ，衣不蔽體 *，俾 人 毆打 ，流離失所 ，
12 仲 要 用 雙手 辛勤 工作 。我哋 俾 人 侮辱 ，就 祝福 對方 ；俾 人 迫害 ，我哋 就 忍耐 ；
13 被 人 誹謗 ，我哋 就 溫和 噉 回應 *。就算 到 而家 ，我哋 喺 世人 眼中 仍然 好似 垃圾 *，同埋 萬物 中 嘅 渣滓 噉 。
14 我 寫 呢 番 說話 ，唔 係 想 令 你哋 慚愧 ，而 係 想 勸誡 你哋 ，因為 我 將 你哋 當做 我 所 愛 嘅 仔女 。
15 就算 有 一萬 個 監護人 *引導 你哋 跟隨 基督 ，你哋 都 唔 係 有 好 多 個 爸爸 。由於 基督 耶穌 ，我 通過 好消息 *成為 你哋 嘅 爸爸 。
16 所以 ，請 你哋 效法 我 。
17 我 就係 因為 噉 ，要 派 提摩太 去 你哋 嗰度 。佢 係 我 喺 主 裡面 親愛 嘅 仔 ，佢 好 忠信 。佢 會 提醒 你哋 ，我 喺 各 地 會眾 施行 教導 嘅 時候 ，係 點樣 做 好 基督 耶穌 嘅 工作 *。
18 有啲 人 以為 我 一定 唔 會 去 你哋 嗰度 ，就 好 囂張 。
19 不過 如果 係 耶和華 *嘅 意思 ，我 好 快 就 會 去 你哋 嗰度 。到時 ，我 唔 會 去 聽 嗰啲 囂張 嘅 人 嘅 言談 ，我 淨係 想 知道 佢哋 有 冇 上帝 嘅 力量 ，
20 因為 上帝 嘅 王國 唔 係 在於 人 嘅 言談 ，而 係 在於 上帝 嘅 力量 。
21 我 去 你哋 嗰度 嘅 時候 ，你哋 想 我 拎 住 管教 嘅 杖 ，定係 帶 住 仁愛 溫和 嘅 心 去 呢 ？
