哥林多前書 3:1-23
3 各 位 弟兄 ，以前 我 同 你哋 講 說話 ，只 能夠 好似 同 有 世俗 思想 嘅 人 *講 說話 噉 ，因為 你哋 冇 上帝 嘅 思想 *。你哋 雖然 係 基督徒 *，但係 仍然 好似 嬰孩 噉 。
2 當時 我 餵 你哋 食 嘅 係 奶 ，唔 係 固體 食物 ，因為 你哋 唔夠 強壯 。其實 你哋 而家 都 係 唔夠 強壯 ，
3 因為 你哋 仍然 有 世俗 嘅 思想 。你哋 當中 有 妒忌 紛爭 ，噉 就 表明 你哋 有 世俗 嘅 思想 嘞 。你哋 行事 為人 唔 係 同 世人 一樣 咩 ？
4 你哋 有啲 話 「我 係 屬於 保羅 嘅 」，有啲 話 「我 係 屬於 亞波羅 嘅 」，噉 唔 係 世人 嘅 做法 咩 ？
5 亞波羅 有 幾 犀利 呢 ？保羅 又 算 得 乜嘢 呢 ？我哋 只 不過 係 僕人 ，幫助 你哋 成為 信徒 。呢個 係 主 交 俾 我哋 每 個 人 嘅 工作 。
6 撒種 嘅 係 我 ，淋 水 嘅 係 亞波羅 ，但係 促成 生長 嘅 係 上帝 。
7 所以 ，撒種 嘅 同 淋 水 嘅 都 唔 算 得 乜嘢 ，其實 係 上帝 令 佢 生長 。
8 撒種 嘅 同 淋 水 嘅 都 團結一致 ，而 每 個 人 都 會 按照 自己 所 做 嘅 得到 獎賞 。
9 我哋 係 同 上帝 一齊 工作 嘅 同伴 。你哋 係 上帝 耕種 嘅 田地 ，係 上帝 建造 嘅 房屋 。
10 由於 上帝 將 分外 恩典 賜 俾 我 ，我 就 好似 一 個 精明 能幹 *嘅 工程 主管 ，打 好 根基 ，不過 喺 根基 上 建造 嘅 係 另 一 個 人 。所以 ，人人 都 要 不斷 留意 自己 點樣 喺 根基 上 建造 。
11 上帝 已經 奠定 咗 根基 ，就係 耶穌 基督 ，冇 人 能夠 奠定 其他 根基 。
12 有啲 人 係 用 金 、銀 、貴重 嘅 石頭 喺 根基 上 建造 ，而 另 一啲 人 就 用 木頭 、乾草 、禾稈 建造 ，
13 每 個 人 嘅 工程 做 成 點 ，將來 都 會 顯露 出嚟 ，到 咗 嗰 日 就 自然 清楚 嘞 ，因為 火 能夠 顯露 工程 做 得 好 唔 好 ，驗證 每 個 人 嘅 工程 。
14 人 喺 根基 上 建造 出嚟 嘅 ，如果 仲 能夠 存留 ，佢 就 會 得到 獎賞 。
15 如果 人 建造 出嚟 嘅 俾 火 燒 咗 ，佢 就 會 有 損失 。就算 佢 得救 ，都 會 好似 喺 火 場 走 出嚟 噉 。
16 你哋 唔 知 ，你哋 係 上帝 嘅 聖殿 ，喺 你哋 裡面 有 *上帝 嘅 神聖力量 咩 ？
17 邊個 毀滅 上帝 嘅 聖殿 ，上帝 就 會 毀滅 邊個 ，因為 上帝 嘅 聖殿 係 聖潔 嘅 。你哋 就係 呢 座 聖殿 。
18 唔 好 自己 呃 自己 。如果 有 人 以為 自己 喺 呢個 制度 *好 有 智慧 ，就 不如 做 個 愚蠢 嘅 人 ，噉樣 反而 能夠 成為 有 智慧 嘅 人 。
19 因為 呢 個 世界 嘅 智慧 ，喺 上帝 眼中 係 愚蠢 嘅 。聖經 噉樣 寫 ，「佢 令 有 智慧 嘅 人 中 咗 自己 嘅 詭計 」，
20 另 一 段 經文 噉樣 寫 ，「耶和華 *知道 ，有 智慧 嘅 人 所 諗 嘅 空虛 無益 」。
21 所以 ，邊個 都 唔 應該 誇耀 人 做 嘅 嘢 。其實 一切 都 係 屬於 你哋 嘅 ，
22 無論 係 保羅 、亞波羅 、磯法 *，係 呢個 世界 ，係 生 ，係 死 ，係 而家 嘅 事 ，係 將來 嘅 事 ，一切 都 係 屬於 你哋 嘅 。
23 你哋 係 屬於 基督 嘅 ，基督 係 屬於 上帝 嘅 。
