哥林多前書 2:1-16
2 各 位 弟兄 ，我 去 你哋 嗰度 宣揚 上帝 嘅 神聖 秘密 嗰陣 ，冇 賣弄 口才 ，亦 都 冇 炫耀 智慧 。
2 因為 我 決定 咗 ，淨係 同 你哋 講 耶穌 基督 同埋 佢 喺 木柱 上 被 處死 嘅 事 ，唔 會 講 其他 事 。
3 我 去 你哋 嗰度 嘅 時候 ，又 軟弱 又 擔心 ，戰戰兢兢 。
4 無論 係 講 說話 定係 傳道 ，我 都 冇 用 巧妙 動聽 嘅 說話 顯露 智慧 ，我 講 嘅 說話 反而 能夠 顯 出 上帝 嘅 神聖力量 ，
5 等 你哋 對 上帝 嘅 力量 有 信心 ，而 唔 係 相信 人 嘅 智慧 。
6 其實 ，我哋 喺 成熟 嘅 人 當中 都 有 講 智慧 ，不過 並 唔 係 呢個 制度 *嘅 智慧 ，亦 都 唔 係 呢個 制度 嗰啲 將 會 滅亡 嘅 統治者 嘅 智慧 ，
7 我哋 講 嘅 ，係 上帝 神聖 秘密 嘅 智慧 ，隱藏 嘅 智慧 。上帝 喺 好 耐 之前 *，預先 決定 咗 呢啲 事 ，令 我哋 得享 榮耀 。
8 呢 種 智慧 ，係 呢個 制度 *裡面 冇 一 個 統治者 認識 嘅 。佢哋 如果 認識 ，就 唔 會 將 充滿 榮耀 嘅 主 處死 *嘞 。
9 不過 聖經 噉 寫 ：「上帝 為 愛 佢 嘅 人 準備 嘅 ，係 人 冇 見 過 ，冇 聽 過 *，心 裡面 從來 冇 諗 過 嘅 。」
10 上帝 已經 用 佢 嘅 神聖力量 *向 我哋 揭示 呢 一切 。呢 股 神聖力量 能夠 顯露 一切 ，連 上帝 高深 嘅 事 都 能夠 顯露 出嚟 。
11 有 冇 人 可以 知道 另 一 個 人 諗 乜嘢 呢 ？除 咗 佢 自己 嘅 心 *，冇 任何 人 知道 。同樣 ，除非 上帝 用 神聖力量 *揭示 自己 嘅 諗法 ，如果 唔 係 ，就 冇 人 會 知道 嘞 。
12 我哋 接受 嘅 ，唔 係 世界 嘅 精神 *，而 係 嚟自 上帝 嘅 神聖力量 *。所以 我哋 能夠 了解 上帝 仁慈 噉 賜 俾 我哋 嘅 教導 。
13 我哋 都 講論 呢啲 事 ，但係 我哋 講 嘅 說話 唔 係 嚟自 人 嘅 智慧 ，而 係 嚟自 神聖力量 *，係 用 上帝 教導 嘅 說話 去 解釋 上帝 嘅 事 *。
14 不過 ，如果 一 個 人 諗法 同 世人 一樣 ，就 唔 會 接受 上帝 神聖力量 揭示 嘅 事 ，而且 會 認為 呢啲 事 係 愚蠢 嘅 。佢 根本 唔 能夠 了解 呢啲 事 ，因為 呢啲 事 要 靠 神聖力量 先 正確 評斷 到 。
15 順應 神聖力量 嘅 人 能夠 正確 評斷 *任何 事 ，但係 冇 人 能夠 正確 評斷 順應 神聖力量 嘅 人 。
16 因為 聖經 噉 寫 ：「有 邊個 了解 耶和華 *嘅 思想 ，能夠 指教 佢 呢 ？」不過 我哋 的確 有 基督 嘅 思想 。
