哥林多前書 16:1-24
16 關於 為 聖民 收集 捐款 ，請 按照 我 俾 加拉太 各 地 會眾 嘅 指示 去 做 。
2 每 個 星期 嘅 第 一 日 ，你哋 人人 都 應該 按照 自己 嘅 能力 預 留 一啲 錢 ，噉 就 唔使 等 我 嚟 到 先至 收集 捐款 。
3 我 嚟 到 之後 ，就 會 派 你哋 喺 信 裡面 推薦 嘅 人 ，將 你哋 嘅 捐款 帶去 耶路撒冷 。
4 如果 你哋 覺得 我 去 埋 會 好 啲 ，我 就 會 同 佢哋 一齊 去 。
5 我 將 會 經過 馬其頓 。過 咗 馬其頓 之後 ，我 就 會 去 你哋 嗰度 。
6 我 可能 會 留低 ，甚至 同 你哋 一齊 過冬 。噉樣 ，我 去 下 一 個 地方 嘅 時候 ，你哋 就 可以 送 我 一 程 。
7 我 唔 想 只係 因為 順路 先至 嚟 探 你哋 。如果 耶和華 *容許 ，我 希望 可以 喺 你哋 嗰度 住 一 段 時間 。
8 但係 我 會 留 喺 以弗所 直到 五旬節 ，
9 因為 上帝 為 我 打開 咗 一 道 大門 ，有 好 多 工作 要 做 ，不過 都 有 好 多 人 反對 我哋 。
10 如果 提摩太 嚟 到 ，請 確保 佢 喺 你哋 嗰度 可以 放膽 工作 *，因為 佢 好似 我 一樣 ，做 耶和華 *嘅 工作 。
11 所以 邊個 都 唔 好 睇 小 佢 。我 同 其他 弟兄 都 等 緊 佢 。為咗 令 佢 平平安安 噉 嚟 到 我 呢度 ，到時 請 送 佢 一 程 。
12 至於 我哋 嘅 弟兄 亞波羅 ，我 極力 鼓勵 佢 同 啲 弟兄 一齊 去 你哋 嗰度 。雖然 佢 冇 打算 而家 去 ，但係 佢 一 有 機會 就 會 去 㗎 喇 。
13 你哋 要 時刻 警醒 ，喺 信仰 *上 企穩 ，要 有 男子 氣概 *，堅毅 剛強 。
14 無論 做 乜嘢 事 都 要 有 愛心 。
15 你哋 知道 司提法拿 一 家 係 亞該亞 行省 最早 嘅 信徒 *，而且 佢哋 全心全意 為 聖民 服務 。各 位 弟兄 ，我 勸勉 你哋 ：
16 要 繼續 順從 好似 佢哋 一 家 噉樣 嘅 人 ，順從 所有 通力合作 、辛勤 工作 嘅 人 。
17 雖然 你哋 唔 喺 呢度 ，但係 有 司提法拿 、福徒拿都 、亞該古 喺度 幫助 我 ，我 已經 好 開心 嘞 。
18 佢哋 令 我 同 你哋 大 受 鼓勵 *。所以 ，要 讚賞 *好似 佢哋 一樣 嘅 人 。
19 亞細亞 行省 各 群 會眾 問候 你哋 。亞居拉 、百姬拉 同 喺 佢哋 屋企 聚會 嘅 會眾 ，衷心 問候 主 嘅 各 位 信徒 。
20 所有 弟兄 都 問候 你哋 。你哋 要 親切 噉 互相 問候 *。
21 我 保羅 喺 呢度 親筆 向 你哋 問好 。
22 邊個 對 主 冇 感情 ，就 應該 受 到 咀咒 。我哋 嘅 主 啊 ，請 你 嚟 啦 ！
23 願 你哋 享有 主 耶穌 嘅 分外 恩典 。
24 願 我 嘅 愛 同 你哋 所有 跟隨 基督 耶穌 嘅 人 *同在 。
