哥林多前書 14:1-40
14 你哋 要 追求 愛 ，不過 都 要 努力 得到 *因 神聖力量 而 有 嘅 恩賜 *，特別 係 受 上帝 啟示 發言 *嘅 恩賜 。
2 講 外語 *嘅 人 ，唔 係 對 人 講 說話 ，而 係 對 上帝 講 說話 。雖然 佢 講 嘅 ，係 憑 住 神聖力量 講 嘅 秘密 *，不過 冇 人 聽 得 明 。
3 但係 ，受 上帝 啟示 發言 *嘅 人 ，係 用 說話 令 人 堅強 ，得到 鼓勵 ，同埋 受 到 安慰 。
4 講 外語 嘅 人 ，係 令 自己 得到 鼓勵 ；而 受 上帝 啟示 發言 *嘅 人 ，係 令 會眾 得到 鼓勵 。
5 我 希望 你哋 人人 都 能夠 講 外語 ，不過 我 更加 希望 你哋 受 上帝 啟示 發言 *。除非 講 外語 嘅 人 將 外語 傳譯 出嚟 ，令 會眾 得到 鼓勵 ，如果 唔 係 ，其實 受 上帝 啟示 發言 係 比 講 外語 更 好 嘅 。
6 各 位 弟兄 ，如果 我 而家 去 你哋 嗰度 只係 講 外語 ，但係 唔 向 你哋 傳達 上帝 嘅 啟迪 、知識 、啟示 *、教導 ，對 你哋 有 乜嘢 益處 呢 ？
7 冇 生命 而 能夠 發出 聲音 嘅 嘢 都 係 噉 。例如 笛 或者 豎琴 ，如果 冇 高低 音 ，又 點 知道 笛 或者 豎琴 演奏 緊 乜嘢 呢 ？
8 如果 號筒 發出 嘅 信號 唔 清楚 ，點會 有 人 準備 出戰 呢 ？
9 同樣 ，如果 你哋 講 嘅 說話 唔 容易 明白 ，點會 有 人 知道 你哋 講 緊 乜嘢 呢 ？你哋 噉 做 只係 向 空氣 講 說話 。
10 世上 有 好 多 種 語言 ，不過 冇 一 種 係 完全 冇 意義 嘅 。
11 如果 我 聽 唔 明 某 個 人 講 嘅 說話 ，對 佢 嚟 講 我 就 好似 個 外族人 ，對 我 嚟 講 佢 亦 都 好似 個 外族人 。
12 同樣 ，你哋 既然 熱切 嚮往 因 神聖力量 而 有 嘅 恩賜 *，就 要 追求 更 多 可以 鼓勵 會眾 嘅 恩賜 *。
13 所以 ，講 外語 嘅 人 ，應該 禱告 祈求 能夠 傳譯 自己 嘅 說話 。
14 我 用 外語 禱告 ，其實 只係 因為 得到 神聖力量 嘅 恩賜 *，不過 我 嘅 思考力 並 冇 發揮 作用 。
15 噉 應該 點 做 呢 ？我 要 用 神聖力量 俾 我 嘅 恩賜 *禱告 ，亦 都 要 經過 思考 禱告 ；我 要 用 神聖力量 俾 我 嘅 恩賜 *唱 讚美歌 ，亦 都 要 經過 思考 唱 讚美歌 。
16 如果 唔 係 ，你 用 神聖力量 俾 你 嘅 恩賜 *作 出 感恩 嘅 禱告 同 獻 上 讚美 之後 ，在場 嘅 普通人 又 點會 講 「阿們 *」呢 ？佢 根本 唔 知道 你 講 緊 乜嘢 。
17 就算 你 嘅 感恩 禱告 講 得 好好 ，都 鼓勵 唔 到 其他 人 。
18 我 感謝 上帝 ，我 講 嘅 外語 多 過 你哋 任何 人 。
19 不過 喺 會眾 裡面 ，為咗 能夠 教導 人 ，我 經過 思考 *講 五 句 說話 ，都 好過 用 外語 講 一萬 句 。
20 各 位 弟兄 ，你哋 嘅 理解力 *唔 好 好似 小朋友 噉 ，不過 對於 壞事 就 要 好似 小朋友 噉 。你哋 嘅 理解力 *要 好似 成年人 一樣 。
21 法典 係 噉 寫 㗎 ：「耶和華 *話 ：『我 要 用 外族人 嘅 語言 *，用 陌生人 嘅 言詞 *，對 呢 族人 講 說話 。雖然 係 噉 ，佢哋 都 係 唔 聽從 我 。』」
22 由此可見 ，外語 作為 一 種 證據 ，唔 係 為 信徒 講 嘅 ，而 係 為 仲 未 歸信 嘅 人 講 嘅 ；上帝 嘅 啟示 *唔 係 為 仲 未 歸信 嘅 人 講 嘅 ，而 係 為 信徒 講 嘅 。
23 如果 成 個 會眾 聚集 嘅 時候 ，大家 都 講 外語 ，咁 啱 有 普通人 或者 唔 係 信徒 嘅 人 入 嚟 ，佢哋 咪 會 話 你哋 癲 咗 囉 ？
24 但係 如果 你哋 人人 都 受 上帝 啟示 發言 *，咁 啱 有 唔 係 信徒 嘅 人 或者 普通人 入 嚟 ，佢 聽 到 大家 嘅 說話 ，就 會 自責 ，仔細 反省 自己 。
25 佢 心 裡面 隱藏 嘅 事 顯露 出嚟 ，就 會 跪 低 崇拜 上帝 ，仲 會 話 ：「上帝 真係 喺 你哋 當中 呀 。」
26 各 位 弟兄 ，噉 應該 點 做 呢 ？你哋 聚集 嘅 時候 ，有 人 唱 出 詩篇 ，有 人 施行 教導 ，有 人 傳達 上帝 嘅 啟迪 ，有 人 講 出 外語 ，有 人 傳譯 外語 。無論 做 乜嘢 ，都 要 令 人 得到 鼓勵 。
27 如果 有 人 要 講 外語 ，就 應該 只 限 兩 個 人 ，或者 最 多 三 個 人 ，而且 要 輪流 講 ，仲 要 有 人 傳譯 。
28 如果 冇 人 傳譯 ，佢 喺 聚會 期間 *就 應該 靜默 ，淨係 對 自己 同 上帝 講 就 得 嘞 。
29 另外 ，如果 在場 有 先知 ，可以 俾 兩 三 個 先知 講 說話 ，其他 人 要 辨明 佢哋 講 嘅 有 乜嘢 含意 。
30 如果 在場 有 另 一 個 人 都 得到 上帝 嘅 啟迪 ，講 緊 嘢 嘅 人 就 應該 靜默 。
31 你哋 所有 受 上帝 啟示 發言 嘅 人 都 可以 輪流 講 說話 *，噉 人人 都 能夠 學習 ，受 到 鼓勵 。
32 先知 應該 好好 運用 *自己 因 神聖力量 而 有 嘅 恩賜 *。
33 因為 上帝 唔 係 造成 混亂 嘅 上帝 ，而 係 促進 和諧 *嘅 上帝 。
聖民 嘅 所有 會眾 都 有 噉樣 嘅 規矩 ：
34 婦女 喺 聚會 期間 *應該 靜默 ，因為 佢哋 唔 可以 發表 見解 ，正如 法典 話 佢哋 要 順服 。
35 如果 婦女 有 咩 唔 明 ，就 應該 喺 屋企 問 丈夫 ，因為 婦女 喺 聚會 期間 發表 見解 係 冇 禮貌 嘅 。
36 唔通 上帝 嘅 話語 係 嚟自 你哋 ，又 或者 淨係 傳 俾 你哋 嘅 咩 ？
37 如果 有 人 認為 自己 係 先知 ，或者 得到 因 神聖力量 而 有 嘅 恩賜 *，佢 就 應該 承認 我 寫 俾 你哋 嘅 係 主 嘅 誡命 。
38 如果 有 人 唔 接受 呢 番 說話 ，上帝 都 唔 會 接納 佢 *。
39 所以 ，我 嘅 弟兄 ，你哋 要 努力 得到 喺 上帝 啟示 下 發言 *嘅 恩賜 ，不過 都 唔 好 禁止 人 講 外語 。
40 凡事 都 要 規規矩矩 ，安排 妥當 *。
腳注
^ 又譯「熱心追求」。
^ 又譯「能力」。呢度指神奇嘅能力。
^ 秘密，又譯「神聖秘密」。
^ 又譯「預言」。
^ 又譯「能力」。
^ 又譯「能力」。
^ 又譯「能力」。
^ 又譯「能力」。
^ 又譯「能力」。
^ 又譯「能力」。
^ 又譯「用悟性」或「用理解力」。
^ 又譯「悟性」。
^ 又譯「悟性」。
^ 直譯「舌頭」。
^ 直譯「嘴唇」。
^ 又譯「預言」。
^ 又譯「喺會眾裡面」。
^ 又譯「你哋所有人都可以輪流講預言」。
^ 又譯「控制」。
^ 又譯「能力」。
^ 又譯「喺會眾裡面」。
^ 又譯「能力」。
^ 亦可以譯做「如果有人一無所知，佢就會仍舊一無所知」。
^ 又譯「力求能夠講預言」。
^ 又譯「有條有理」。
