加拉太書 6:1-18
6 各位 弟兄 ，如果 有 人 不知不覺 失足 ，你哋 當中 成熟 嘅 基督徒 *，就要 用 溫和 嘅 態度 ，搵 方法 糾正 佢 。你 自己 都 要 小心 ，唔 好 受到 引誘 。
2 你哋 嘅 重擔 要 繼續 互相 承擔 ，噉 就 可以 體現 基督 法律 嘅 精神 。
3 人 如果 冇 咩 咁 犀利 ，但係 覺得 自己 好 犀利 ，就係 自己 呃 自己 。
4 每 個 人 都 應該 省察 自己 所 做 嘅 事 。噉 佢 開心 ，就係 因為 自己 做 嘅 嘢 ，而 唔係 因為 同 人哋 比較 。
5 每 個 人 要 承擔 自己 嘅 擔子 *。
6 另外 ，邊個 接受 教導 ，認識 上帝 嘅 話語 ，都 應該 同 教導 嘅 人 分享 一切 美物 *。
7 唔 好 自己 呃 自己 嘞 *，上帝 係 唔 可以 蔑視 嘅 。人 種 嘅 係 乜嘢 ，收 嘅 亦 都 係 乜嘢 。
8 順應 罪性 *撒種 嘅 ，就 從 罪性 收 朽壞 ；順應 神聖 力量 撒種 嘅 ，就 從 神聖 力量 收 永生 。
9 唔 好 放棄 做 美好 嘅 事 *，只要 唔 灰心 *，時候 到 咗 ，就 有 收成 。
10 所以 ，我哋 一 有 機會 ，就 應該 對 所有 人 行善 *，對 信徒 更加 應該 噉 做 ，因為 大家 就 好似 一家人 咁 親 。
11 你哋 睇 ，我 親手 寫 俾 你哋 嘅 字 幾咁 大 。
12 嗰啲 迫 你哋 受 割禮 嘅 人 ，都 係 想 靠 住 外在 條件 討好 人 *嘅 。佢哋 噉 做 ，只係 唔 想 因為 基督 *而 受 迫害 啫 。
13 其實 ，連 嗰啲 接受 割禮 嘅 人 都 唔 遵守 摩西 法典 。佢哋 想 你哋 受 割禮 ，只 不過 係 想 攞 你哋 嘅 身體 *嚟 炫耀 。
14 我 絕對 唔會 誇耀 其他 嘢 ，淨係 會 誇耀 死 喺 苦刑柱 嘅 主 耶穌 基督 。對 我 嚟 講 ，世界 已經 因為 佢 而 被 處死 *；對 世界 嚟 講 ，我 亦 都 已經 因為 佢 而 被 處死 *。
15 有 冇 受 割禮 都 唔 重要 ，成為 新 創造 嘅 人 先至 重要 。
16 願 上帝 賜 安寧 *同 憐憫 俾 所有 遵照 呢個 行為 準則 生活 嘅 人 ，即係 上帝 嘅 以色列 。
17 我 身上 帶 住 烙印 ，表明 我 係 耶穌 嘅 奴隸 ，所以 ，希望 從今以後 ，唔會 再 有 人 搵 我 麻煩 。
18 各位 弟兄 ，願 我哋 嘅 主 耶穌 基督 因為 你哋 表現 嘅 精神 ，令 你哋 享有 分外恩典 。阿們 。
