加拉太書 4:1-31
4 承受 產業 嘅 雖然 係 全部 產業 嘅 主人 ，但係 佢 仲係 小朋友 嘅 時候 ，同 奴隸 冇 分別 。
2 佢 要 受 主管 同 管家 嘅 約束 ，直到 佢 爸爸 事先 指定 嘅 日子 。
3 同樣 ，我哋 仲係 小朋友 嘅 時候 ，都 受 呢個 世界 嘅 膚淺 思想 奴役 。
4 上帝 指定 嘅 時間 一 到 ，佢 就 派 佢 嘅 仔 嚟 ，由 女人 所 生 ，喺 法典 嘅 約束 下 生活 ，
5 等 佢 可以 救贖 嗰啲 受 法典 約束 嘅 人 。噉 我哋 就 可以 被 上帝 收養 做 仔女 。
6 既然 你哋 係 仔女 ，上帝 就 令 佢 個 仔 *得到 嘅 神聖 力量 進入 你哋 *嘅 心 ，呼喚 ：「阿爸 ，父親 ！」
7 噉 你哋 *就 唔 再 係 奴隸 ，而 係 仔女 嘞 。你哋 既然 係 仔女 ，上帝 都 將 你哋 立 為 承受 產業 嘅 人 。
8 不過 ，以前 你哋 唔 認識 上帝 嘅 時候 ，曾經 受 假神 奴役 。
9 而家 既然 你哋 已經 認識 上帝 ，又 或者 話 ，已經 係 上帝 認識 嘅 ，點解 仲 要 返 轉頭 採納 冇 用 、冇 意義 嘅 *膚淺 思想 ，想 做 返 呢啲 事 嘅 奴隸 呢 ？
10 你哋 死守 日子 、月份 、時節 、年份 。
11 我 真係 戥 你哋 擔心 ，恐怕 我 為 你哋 付出 嘅 心血 都 係 白費 嘅 。
12 各位 弟兄 ，我 曾經 都 好似 你哋 噉 ，但係 我 求 你哋 好似 我 噉 作出 改變 。你哋 以前 冇 對 我 唔 好 。
13 你哋 知道 ，當初 係 因為 我 病 咗 ，留 喺 你哋 度 ，我 先至 第 一 次 有 機會 向 你哋 宣揚 好消息 。
14 當時 ，我 嘅 身體 狀況 對 你哋 嚟 講 係 沉重 嘅 負擔 ，但係 你哋 冇 覺得 厭煩 ，亦 都 冇 嫌棄 我 *，反而 接待 我 ，就 好似 接待 上帝 嘅 天使 或者 基督 耶穌 噉 。
15 當時 你哋 都 好 開心 ，而家 ，嗰 種 喜樂 去 咗 邊 呢 ？我 夠 膽 講 ，如果 幫 到 我 嘅 話 ，當時 你哋 連 挖 對 眼 出嚟 俾 我 都 願意 呀 。
16 而家 我 將 真理 講 俾 你哋 聽 ，反而 變成 你哋 嘅 敵人 ？
17 嗰啲 人 熱心 拉攏 你哋 ，並 唔係 出於 好意 ，而 係 想 你哋 疏遠 我 ，熱心 跟從 佢哋 。
18 但係 如果 有 人 出於 好意 ，幾時 都 熱心 對待 你哋 ，連 我 唔 喺 你哋 嗰度 嘅 時候 都 係 噉 ，就 絕對 係 好事 。
19 我 親愛 嘅 仔女 ，我 為 你哋 再次 經歷 產痛 ，直到 基督 嘅 品格 喺 你哋 裡面 發展 成熟 *。
20 我 好 希望 而家 就 喺 你哋 身邊 ，用 另 一 種 語氣 *同 你哋 講嘢 ，因為 你哋 令 我 好 困惑 。
21 你哋 呢啲 想 受 法典 約束 嘅 人 ，話 俾 我 知 ，你哋 冇 聽 過 法典 點 講 咩 ？
22 舉個例 ，根據 聖經 記載 ，亞伯拉罕 有 兩 個 仔 ，一 個 係 女僕 生 嘅 ，另 一 個 係 佢 太太 ，即係 自由 嘅 女人 生 嘅 。
23 女僕 個 仔 出世 ，同 其他 小朋友 出世 冇 分別 *；但係 自由 女人 生 嘅 嗰個 仔 ，就係 由於 上帝 嘅 承諾 而 出世 嘅 。
24 呢啲 都 係 有 象徵 意義 嘅 。呢 兩 個 女人 象徵 兩 個 誓約 ，一 個 誓約 係 喺 西奈山 訂立 嘅 ，由 夏甲 象徵 ，佢 生 嘅 都 係 奴隸 。
25 夏甲 象徵 阿拉伯 嘅 西奈山 ，相當 於 今日 嘅 耶路撒冷 ，佢 同 佢 嘅 仔女 都 係 奴隸 。
26 但係 在 上 嘅 耶路撒冷 係 自由 嘅 ，佢 係 我哋 嘅 媽媽 。
27 聖經 話 ：「冇 仔女 、不育 嘅 女人 啊 ，你 要 歡欣 ！冇 經歷 過 產痛 嘅 女人 啊 ，你 要 高聲 歡呼 ！因為 比起 同 丈夫 一齊 嘅 女人 ，本來 孤苦 嘅 女人 生 嘅 仔女 竟然 更加 多 。」
28 各位 弟兄 ，我哋 係 因為 上帝 嘅 承諾 而 生 嘅 仔女 ，就 好似 以撒 一樣 。
29 當時 ，嗰個 由 人 *所 生 嘅 仔 ，迫害 嗰個 通過 神聖 力量 而 生 嘅 仔 。而家 嘅 情況 都 一樣 。
30 不過 聖經 點 講 呢 ？「將 女僕 同埋 佢 個 仔 趕走 ，因為 女僕 個 仔 絕對 唔 可以 同 自由 女人 個 仔 一齊 承受 產業 。」
31 由此可見 ，各位 弟兄 ，我哋 唔係 女僕 嘅 仔女 ，而 係 自由 女人 嘅 仔女 。
