加拉太書 2:1-21
2 過 咗 14年 ，我 再 上 耶路撒冷 ，一齊 去 嘅 有 巴拿巴 。我 仲 帶 埋 提多 去 。
2 我 係 得到 啟示 先至 去 嘅 。我 只係 向 嗰啲 深受 尊重 嘅 人 說明 自己 喺 列國 傳講 好消息 嘅 情況 。因為 我 想 確保 以前 又 好 ，當時 又 好 ，我 為 上帝 做 嘅 嘢 都 唔係 白費心機 嘅 。
3 雖然 同 我 一齊 去 嘅 提多 係 希臘 人 ，但係 都 冇 人 迫 佢 接受 割禮 *。
4 後嚟 呢 件 事 成為 咗 爭議 ，係 因為 有啲 假弟兄 潛入 會眾 ，混入 嚟 搵 方法 損害 *我哋 因為 基督 耶穌 而 享有 嘅 自由 ，想 完全 奴役 我哋 。
5 我哋 一刻 都 冇 向 呢啲 人 妥協 讓步 ，等 你哋 可以 繼續 持守 好消息 嘅 真理 。
6 至於 嗰啲 大家 認為 好 重要 嘅 人 ，即係 嗰啲 深受 尊重 嘅 人 ，佢哋 冇 俾 咩 新 嘅 指示 我 。（佢哋 以前 係 點 ，對 我 唔 重要 ，因為 上帝 唔會 根據 外在 條件 判斷 人 ）。
7 佢哋 睇 出 我 受託 向 冇 受 割禮 嘅 人 傳講 好消息 ，就 好似 彼得 受託 向 受 過 割禮 嘅 人 傳講 好消息 一樣 。
8 （因為 主 唔單止 令 彼得 有 能力 做 使徒 ，為 受 過 割禮 嘅 人 服務 ，亦 都 令 我 有 能力 做 使徒 ，為 列國 嘅 人 服務 。）
9 佢哋 知道 上帝 賜 分外恩典 俾 我 之後 ，被 視為 會眾 支柱 嘅 雅各 、磯法 *、約翰 ，就 同 我 仲有 巴拿巴 握手 ，表示 同意 我哋 去 列國 嘅 人 嗰度 傳道 ，而 佢哋 就 去 受 過 割禮 嘅 人 嗰度 傳道 。
10 佢哋 淨係 要求 我哋 要 記得 貧窮 嘅 弟兄 姊妹 ，呢 件 事 我 都 一直 盡力而為 。
11 後嚟 ，磯法 *嚟到 安提阿 。我 當面 責備 *佢 ，因為 佢 明顯 犯 咗 錯 *。
12 喺 雅各 嗰度 嚟 嘅 人 到埗 之前 ，磯法 經常 同 外族人 *一齊 食飯 。但係 嗰啲 人 一 到 ，佢 就 唔 再 噉樣 做 嘞 ，反而 同 外族人 分開 ，因為 佢 怕 咗 嗰啲 接受 割禮 嘅 人 。
13 其他 猶太 人 都 跟住 佢 做 咁 虛偽 嘅 事 *，結果 連 巴拿巴 都 受 佢哋 影響 ，一齊 噉 做 。
14 我 一 見 佢哋 嘅 行為 唔 符合 好消息 嘅 真理 ，就 當 住 佢哋 所有 人 嘅 面 ，同 磯法 講 ：「你 係 猶太 人 ，你 自己 嘅 生活 方式 都 已經 唔 似 猶太 人 ，而 係 好似 外族人 噉 ，而家 點解 仲 要 迫 外族人 遵守 猶太 人 嘅 規矩 呢 ？」
15 我哋 係 血統 上 嘅 猶太 人 ，唔係 列國 嘅 「罪人 」。
16 不過 我哋 知道 ，人 唯獨 信從 耶穌 基督 ，先至 可以 稱為 義人 *，人 稱義 唔係 因為 遵守 法典 ，所以 我哋 信從 咗 基督 耶穌 。噉樣 ，我哋 稱為 義人 就係 由於 信從 基督 ，而 唔係 由於 遵守 法典 ，因為 冇 人 能夠 靠 住 遵守 法典 喺 上帝 面前 稱為 義人 。
17 我哋 努力 靠 住 基督 稱為 義人 *，如果 到頭嚟 都 係 被 視為 罪人 ，噉 基督 咪 即係 慫恿 人 犯罪 ？肯定 冇 可能 ！
18 如果 我 建立 返 自己 推翻 咗 嘅 嘢 ，就 證明 自己 係 犯法 嘅 人 嘞 。
19 由於 法典 ，我 已經 死 咗 ，脫離 咗 法典 ，等 我 可以 為 上帝 而 活 。
20 我 已經 同 基督 一齊 釘 喺 木柱 上面 嘞 。而家 活 著 嘅 唔 再 係 我 ，而 係 喺 我 裡面 活 著 嘅 基督 。而家 我 以 肉身 活 著 ，係 按照 對 上帝 嘅 仔 嘅 信心 而 活 。佢 愛 我 ，為 我 犧牲 咗 自己 。
21 我 唔會 拒絕 上帝 嘅 分外恩典 *。如果 人 要 遵守 法典 先至 成為 正義 嘅 人 ，噉 基督 嘅 死 就 一啲 意義 都 冇 嘞 。
