加拉太書 1:1-24
1 我 係 保羅 。我 做 使徒 *，唔係 由於 有 任何 人 派 我 噉 做 ，亦 都 唔係 某 個 人 任命 我 ，而 係 耶穌 基督 ，同埋 令 佢 死而復生 嘅 上帝 ，我哋 嘅 爸爸 任命 我 。
2 我 ，仲有 所有 同 我 一齊 嘅 弟兄 ，通過 呢 封 信 問候 加拉太 各 地 嘅 會眾 。
3 願 上帝 我哋 嘅 爸爸 ，仲有 主 耶穌 基督 ，令 你哋 享有 分外恩典 同 安寧 *。
4 基督 按照 上帝 我哋 爸爸 嘅 旨意 ，犧牲 咗 自己 為 我哋 贖罪 ，救 我哋 脫離 目前 嘅 邪惡 制度 *。
5 願 榮耀 永永遠遠 歸於 上帝 。阿們 。
6 上帝 通過 基督 嘅 分外恩典 呼召 咗 你哋 ，但係 你哋 竟然 咁 快 就 離開 上帝 ，去 接受 其他 好消息 ，我 真係 好 驚訝 。
7 其實 ，根本 就 冇 其他 好消息 ，只係 有啲 人 喺 你哋 嗰度 製造 混亂 ，企圖 歪曲 關於 基督 嘅 好消息 。
8 但係 就算 係 我哋 或者 天上 嚟 嘅 天使 ，如果 向 你哋 傳講 所謂 嘅 好消息 ，同 我哋 之前 傳講 嘅 唔 同 ，佢 都 應該 受 咀咒 。
9 我哋 之前 已經 講 過 ，而家 我 再 講 一 次 ，無論 邊個 向 你哋 傳講 所謂 嘅 好消息 ，只要 同 你哋 已經 接受 嘅 唔 同 ，佢 就 應該 受 咀咒 。
10 而家 我 到底 係 要 贏得 人 嘅 支持 ，定係 要 贏得 上帝 嘅 支持 呢 ？唔通 我 想 取悅 嘅 係 人 咩 ？如果 我 仲 喺度 取悅 人 ，就 唔係 基督 嘅 奴隸 嘞 。
11 各位 弟兄 *，我 希望 你哋 知道 ，我 向 你哋 傳講 嘅 好消息 ，唔係 嚟自 人 嘅 。
12 呢個 好消息 唔係 有 人 傳 俾 我 ，亦 都 唔係 有 人 教 我 嘅 ，而 係 耶穌 基督 啟示 我 嘅 。
13 你哋 一定 聽講 過 我 以前 信奉 猶太 教 嗰陣 做 嘅 事 。我 一直 極力 迫害 同 殘害 上帝 嘅 會眾 。
14 我 喺 猶太 教 當中 ，比 同族 好 多 同 齡 嘅 人 更加 虔誠 *，更加 熱心 遵循 我 祖先 嘅 傳統 。
15 不過 ，令 我 嚟到 世上 嘅 上帝 通過 佢 嘅 分外恩典 呼召 咗 我 。
16 佢 樂意 通過 我 傳講 關於 佢 個 仔 嘅 好消息 ，等 列國 嘅 人 認識 佢 個 仔 。當時 ，我 冇 即刻 去 同 任何 人 商量 ，
17 亦 都 冇 上 耶路撒冷 去 見 嗰啲 早 過 我 做 使徒 嘅 人 ，而 係 去 咗 阿拉伯 ，然後 返去 大馬士革 。
18 三 年 之後 ，我 上去 耶路撒冷 探 磯法 *，喺 佢 嗰度 住 咗 15日 。
19 我 冇 同 其他 使徒 見面 ，淨係 見 咗 主 嘅 細佬 雅各 。
20 我 喺 上帝 面前 向 你哋 保證 ，我 而家 寫 俾 你哋 嘅 都 係 真 嘅 ，我 冇 講 大話 。
21 後嚟 ，我 去 咗 敘利亞 同 西利西亞 一帶 。
22 當時 猶地亞 各 地 嘅 基督徒 會眾 仲 未 見 過 我 。
23 不過 佢哋 一直 聽 到 有 人 話 ：「以前 迫害 我哋 嘅 嗰個 人 ，而家 竟然 傳講 好消息 ，宣揚 佢 本來 想 摧毀 嘅 信仰 ！」
24 佢哋 就 因為 發生 喺 我 身上 嘅 事 而 讚美 *上帝 。
