使徒行傳 9:1-43
9 掃羅 仍然 殺氣騰騰 ，氣勢洶洶 ，恐嚇 主 嘅 門徒 。佢 去 搵 大祭司 ，
2 求 佢 發 公函 俾 大馬士革 所有 會堂 ，等 佢 一 搵 到 奉行 主道 *嘅 人 ，就 可以 逮捕 ，無論 男女 都 押去 耶路撒冷 。
3 佢 就 快 到 大馬士革 嘅 時候 ，天上 突然 有 道 光 照射 喺 佢 身上 。
4 佢 跌 咗 喺 地 ，聽 到 有 把 聲 同 佢 講 ：「掃羅 ，掃羅 ，點解 你 迫害 我 ？」
5 掃羅 問 ：「主 啊 ，你 係 邊個 呀 ？」佢 話 ：「我 就係 你 迫害 緊 嘅 耶穌 。
6 你 起身 入 城 吖 。去 到 就 會 有 人 話 俾 你 知 應該 點 做 。」
7 同 掃羅 一齊 去 嘅 人 都 企 咗 喺度 ，驚訝 到 講 唔 到 嘢 。佢哋 淨係 聽 到 把 聲 ，但係 見 唔 到 講嘢 嘅 係 邊個 。
8 掃羅 爬 返 起身 ，雖然 擘 大 眼 ，但係 咩 都 睇 唔 到 。佢哋 就 捉住 佢 隻 手 ，帶 佢 入 大馬士革 。
9 佢 足足 三 日 都 睇 唔 到 嘢 ，冇 食 嘢 冇 飲 嘢 。
10 大馬士革 有 個 門徒 叫 做 亞拿尼亞 ，主 通過 異象 同 佢 講 ：「亞拿尼亞 ！」佢 話 ：「主 啊 ，我 喺度 。」
11 主 話 ：「你 要 去 直街 ，去 猶大 嘅 屋企 搵 一 個 嚟自 大數 城 嘅 人 。佢 叫 做 掃羅 ，而家 禱 緊 告 ，
12 佢 喺 異象 見 到 你 入去 *，將 手 放 喺 佢 身上 ，令 佢 睇 得 返 嘢 。」
13 但係 亞拿尼亞 就 話 ：「主 啊 ，我 聽 好 多 人 講 過 ，呢個 人 喺 耶路撒冷 做 咗 好 多 唔 同 嘅 事 ，殘害 你 嘅 聖民 。
14 佢 仲 得到 祭司長 授權 ，要 嚟 呢度 逮捕 *所有 呼求 你 嘅 名 嘅 人 。」
15 主 同 佢 講 ：「你 去 啦 ，因為 呢 個 人 係 我 揀選 嘅 工具 *，我 要 派 佢 向 列國 嘅 人 、君王 同埋 以色列 人 傳揚 我 嘅 名 。
16 我 會 令 佢 清楚 知道 ，佢 一定 會 為 我 嘅 名 受 好 多 苦 。」
17 亞拿尼亞 就 出發 。佢 入 咗 嗰 間 屋 之後 ，將 手 放 喺 掃羅 身上 ，話 ：「掃羅 ，弟兄 ，喺 路上 向 你 顯現 嘅 主 耶穌 ，派 我 嚟 令 你 睇 返 嘢 ，亦 都 令 你 充滿 神聖 力量 。」
18 就 喺 嗰 一刻 ，有 好似 鱗片 嘅 嘢 由 掃羅 對 眼 跌 落嚟 ，佢 就 恢復 視力 ，然後 受 咗 浸 。
19 佢 食 完 嘢 之後 ，就 有 返 體力 嘞 。
之後 ，有 一 段 時間 ，掃羅 同 大馬士革 嘅 門徒 一齊 住 。
20 佢 亦 都 即刻 開始 喺 唔 同 嘅 會堂 傳講 關於 耶穌 嘅 事 ，話 俾 人 知 耶穌 係 上帝 嘅 仔 。
21 啲 人 聽 到 掃羅 嘅 事 都 好 驚訝 ，佢哋 話 ：「呢個 人 曾經 喺 耶路撒冷 殘害 耶穌 嘅 門徒 *㗎 喎 ！佢 唔係 特登 嚟 呢度 逮捕 佢哋 ，押 佢哋 去 見 祭司長 *㗎 咩 ？」
22 但係 掃羅 越 嚟 越 有 力量 ，向 人 傳道 嗰陣 好 有 說服力 ，佢 有 條理 噉 證明 耶穌 就係 基督 ，令 住 喺 大馬士革 嘅 猶太 人 冇 辦法 反駁 。
23 好 多 日 之後 ，猶太 人 密謀 殺死 掃羅 ，
24 不過 佢哋 嘅 陰謀 俾 掃羅 知道 咗 。佢哋 日夜 喺 各個 城門 守候 ，諗 住 殺死 佢 。
25 於是 掃羅 嘅 門徒 喺 夜晚 帶 佢 去 城牆 嘅 一 個 窗口 ，喺 嗰度 用 好 大 嘅 籃 將 佢 吊 落去 。
26 掃羅 到 咗 耶路撒冷 ，好 想 同 門徒 來往 ，但係 大家 都 好 驚 佢 ，唔 信 佢 已經 成為 耶穌 嘅 門徒 。
27 於是 巴拿巴 嚟 幫 佢 ，帶 佢 去 見 使徒 ，詳細 話 俾 佢哋 知 ，掃羅 喺 路上 見 到 主 ，主 同 佢 講 說話 嘅 經過 ，仲有 佢 點樣 喺 大馬士革 奉 耶穌 嘅 名 勇敢 傳道 。
28 於是 掃羅 留 喺 嗰度 ，同 佢哋 一齊 去 勻 *耶路撒冷 ，奉 主 嘅 名 勇敢 傳道 。
29 佢 同 嗰啲 講 希臘語 嘅 猶太 人 交談 辯論 ，但係 呢啲 人 多 次 搵 機會 想 殺死 佢 。
30 弟兄 知道 咗 ，就 帶 佢 落 凱撒里亞 ，然後 叫 佢 去 大數 城 。
31 喺 嗰 段 時期 ，猶地亞 、加利利 同埋 撒馬利亞 整個 地區 嘅 會眾 都 平安無事 ，信心 越 嚟 越 堅定 。佢哋 敬畏 耶和華 *，喺 生活 各 方面 都 順應 神聖 力量 而 得到 鼓勵 ，人數 不斷 增加 。
32 彼得 周遊 各 地 嘅 時候 ，亦 都 去 咗 呂達 ，搵 住 喺 嗰度 嘅 聖民 。
33 佢 喺 嗰度 遇 到 一 個 叫 以尼雅 嘅 人 ，呢個 人 癱瘓 咗 八 年 ，一直 要 瞓 喺 床 度 。
34 彼得 同 佢 講 ：「以尼雅 ，耶穌 基督 將 你 醫好 嘞 。起身 ，收拾 你 嘅 床鋪 啦 。」佢 就 即刻 起身 。
35 住 喺 呂達 同 沙崙 平原 嘅 人 見 到 發生 喺 以尼雅 身上 嘅 事 ，就 成為 主 嘅 信徒 。
36 喺 約帕 ，有 個 門徒 叫 塔比莎 ，翻譯 成 希臘語 係 多加 *，佢 為人 樂善好施 。
37 彼得 喺 呂達 嘅 時候 ，多加 病 死 咗 。大家 將 佢 嘅 遺體 清潔 乾淨 ，安放 喺 樓上 一 個 房間 。
38 呂達 距離 約帕 唔 遠 ，門徒 聽 講 彼得 喺 呂達 ，就 派 兩 個 人 去 懇求 佢 ，話 ：「請 你 盡快 嚟 我哋 呢度 吖 。」
39 彼得 就 跟 佢哋 去 。佢 一 去 到 ，大家 就 帶 佢 去 樓上 嘅 房間 。寡婦 都 喊 住 去 見 佢 ，攞 咗 好 多 多加 生前 做 嘅 衫 *俾 佢 睇 。
40 彼得 叫 所有 人 出去 之後 ，跪 低 禱告 ，然後 擰轉身 向 住 遺體 話 ：「塔比莎 ，起身 ！」塔比莎 擘 大 眼 ，見 到 彼得 ，就 坐 起身 。
41 彼得 伸 手 扶 佢 企 起 身 ，然後 叫 啲 聖民 同 寡婦 入 返嚟 ，佢哋 都 見 到 多加 有 返 生命 。
42 呢 件 事 傳遍 約帕 ，好 多 人 成為 主 嘅 信徒 。
43 之後 ，彼得 喺 約帕 一 個 叫 西門 嘅 皮革匠 屋企 住 咗 一 段 時間 。
