使徒行傳 8:1-40
8 殺害 司提反 呢 件 事 ，掃羅 都 贊成 。
由 嗰 日 開始 ，耶路撒冷 嘅 會眾 受到 猛烈 嘅 迫害 。除 咗 使徒 之 外 ，所有 人 都 分散 到 猶地亞 同 撒馬利亞 唔 同 地區 。
2 一啲 虔誠 嘅 人 將 司提反 抬去 埋葬 ，為 佢 痛哭 。
3 掃羅 由 嗰時 開始 殘害 會眾 ，闖入 每 家 每 戶 ，男男女女 都 俾 佢 拉去 坐監 。
4 分散 嘅 人 去 勻 嗰啲 地區 ，宣揚 上帝 話語 嘅 好消息 。
5 腓力 落去 撒馬利亞 城 *，向 嗰度 嘅 人 傳揚 基督 嘅 事 。
6 人人 都 聚精會神 噉 聽 腓力 講 說話 ，佢哋 唔單止 聽 ，亦 都 見 到 佢 施行 神跡 。
7 嗰度 有 好 多 人 俾 邪靈 *附身 ，邪靈 大 嗌 之後 ，就 喺 嗰啲 人 身上 出嚟 。另外 ，好 多 癱瘓 同埋 跛腳 嘅 人 都 被 醫 返 好 。
8 城 入面 一片 歡騰 。
9 城 入面 有 個 人 叫 做 西門 ，經常 自吹自擂 。佢 一向 都 能夠 施行 魔法 ，令 撒馬利亞 嘅 居民 非常 驚嘆 。
10 嗰度 嘅 人 無論 長幼尊卑 ，都 會 聽 佢 講 說話 ，佢哋 話 ：「呢個 人 擁有 嚟自 上帝 嘅 強大 能力 。」
11 由於 大家 一直 對 佢 施行 嘅 魔法 非常 驚嘆 ，佢哋 都 好 留意 佢 講 嘅 嘢 。
12 但係 腓力 向 佢哋 宣揚 好消息 ，傳講 上帝 嘅 王國 同埋 耶穌 基督 嘅 名 之後 ，佢哋 就 相信 咗 ，男男女女 都 受浸 。
13 西門 都 成為 信徒 ，受浸 之後 經常 同 腓力 一齊 ，見 到 佢 施行 神跡 同 大能 嘅 作為 ，就 十分 之 驚嘆 。
14 耶路撒冷 嘅 使徒 聽 到 撒馬利亞 人 接受 咗 上帝 嘅 話語 ，就 派 彼得 同 約翰 去 佢哋 嗰度 。
15 呢 兩 個 人 落到 去 嗰度 ，為 佢哋 禱告 ，等 佢哋 得到 神聖 力量 ，
16 因為 佢哋 只係 奉 主 耶穌 嘅 名 受 咗 浸 ，神聖 力量 仲 未 降 喺 佢哋 任何 人 身上 。
17 彼得 同 約翰 將 手 放 喺 佢哋 身上 ，佢哋 就 得到 神聖 力量 。
18 西門 見 使徒 將 手 放 喺 邊個 身上 ，邊個 就 得到 神聖 力量 ，於是 打算 送錢 俾 使徒 ，
19 佢 話 ：「請 你 令 我 都 有 呢 種 能力 *吖 ，等 我 將 手 放 喺 邊個 身上 ，邊個 就 可以 得到 神聖 力量 。」
20 彼得 同 佢 講 ：「你 同 你 啲 錢 一齊 被 毀滅 啦 ！上帝 不 求 回報 俾 人 嘅 恩賜 *，你 竟然 以為 係 可以 用 錢 買 嘅 。
21 呢個 恩賜 絕對 冇 你 份 ，因為 你 喺 上帝 眼中 心術不正 。
22 你 要 悔改 ，離開 歧途 。要 向 耶和華 *懇切 祈求 ，改變 錯誤 嘅 諗法 ，噉 或者 佢 會 寬恕 你 。
23 我 睇 出 你 係 毒藥 *，係 罪 *嘅 奴隸 。」
24 西門 就 話 ：「請 為 我 懇切 祈求 耶和華 *，唔好 俾 你哋 講 嘅 事 發生 喺 我 身上 吖 。」
25 佢哋 傳講 耶和華 *嘅 話語 ，作 徹底 嘅 見證 之後 就 返去 耶路撒冷 ，一路 上 喺 好 多 撒馬利亞 嘅 村莊 宣揚 好消息 。
26 耶和華 *嘅 天使 同 腓力 講 ：「你 向 南 行 ，去 嗰 條 由 耶路撒冷 落 加沙 嘅 路 啦 。」嗰 條 係 荒漠 入面 嘅 路 。
27 腓力 就 出發 嘞 。有 個 埃塞俄比亞 *內臣 *，係 埃塞俄比亞 女王 甘大基 手下 一 個 有 權勢 嘅 人 ，掌管 女王 嘅 一切 財寶 。佢 啱啱 去 完 耶路撒冷 崇拜 上帝 ，
28 回程 途中 ，坐 喺 車 度 朗讀 以賽亞 先知 嘅 書卷 。
29 上帝 通過 神聖 力量 同 腓力 講 ：「你 去 ，追 嗰 架 車 吖 。」
30 於是 腓力 緊貼 住 架 車 跑 ，聽 到 呢個 人 朗讀 先知 以賽亞 嘅 書卷 ，就 問 ：「你 係 唔 係 真係 明白 你 讀 緊 嘅 經文 呀 ？」
31 佢 話 ：「冇 人 指導 我 ，我 點會 明白 呢 ？」於是 佢 請 腓力 上 車 坐 喺 自己 隔籬 。
32 佢 朗讀 嘅 就係 呢 段 經文 ：「佢 好似 綿羊 噉 俾 人 帶去 宰殺 。佢 一直 冇 開口 ，好似 綿羊羔 喺 剪 毛 嘅 人 面前 靜默無聲 。
33 佢 受到 羞辱 嘅 時候 ，得 唔 到 公正 嘅 對待 。既然 佢 嘅 生命 要 從 地上 被 奪去 ，仲有 邊個 會 關心 佢 嘅 家世 呢 ？」
34 內臣 同 腓力 講 ：「求 你 話 俾 我 知 ，先知 喺 呢度 講 緊 嘅 係 邊個 吖 ？係 佢 自己 定係 另 一 個 人 呢 ？」
35 腓力 就 由 呢 段 經文 開始 講 ，向 佢 傳講 關於 耶穌 嘅 好消息 。
36 佢哋 繼續 向前 ，去 到 一 個 地方 ，見 到 嗰度 有 水 ，內臣 就 話 ：「睇吓 ，呢度 有 水 ，我 有 咩 理由 唔 受浸 呢 ？」
37 －－－*
38 內臣 吩咐 人 停車 ，然後 同 腓力 一齊 落 水 ，腓力 就 為 佢 施浸 。
39 佢哋 喺 水 入面 上 返嚟 ，耶和華 *嘅 神聖 力量 即刻 將 腓力 帶走 ，內臣 就 冇 再 見 到 佢 嘞 。然後 內臣 繼續 上路 ，非常之 開心 。
40 至於 腓力 ，佢 去 咗 亞實突 。佢 去 勻 整個 地區 ，喺 所有 城鎮 宣揚 好消息 ，直到 凱撒里亞 。
