使徒行傳 7:1-60
7 大祭司 問 ：「係咪 真係 有啲 噉 嘅 事 ？」
2 司提反 話 ：「各位 鄉親 父老 ，各位 兄弟 ，請 聽 我 講 。我哋 嘅 祖先 亞伯拉罕 喺 美索不達米亞 ，仲 未 移居 哈蘭 嘅 時候 ，充滿 榮耀 嘅 上帝 向 佢 顯現 ，
3 同 佢 講 ：『你 要 離開 家鄉 同 親戚 ，去 我 將會 指示 你 去 嘅 地方 。』
4 佢 就 離開 迦勒底 人 嘅 地方 ，移居 哈蘭 。佢 爸爸 死 咗 之後 ，上帝 吩咐 佢 遷移 到 你哋 而家 住 嘅 呢 片 土地 。
5 不過 喺 呢度 ，上帝 冇 俾 產業 佢 ，連 腳掌 咁 大 嘅 地方 都 冇 俾 佢 。雖然 佢 當時 未 有 仔女 ，但係 上帝 承諾 要 將 呢 片 土地 賜 俾 佢 同 佢 嘅 後代 作為 產業 。
6 上帝 話 ，亞伯拉罕 嘅 後代 會 僑居 外地 ，當地 嘅 人 會 奴役 佢哋 ，苛待 佢哋 400年 。
7 上帝 亦 都 話 ：『我 要 懲罰 嗰個 奴役 佢哋 嘅 國家 。之後 ，佢哋 會 離開 嗰度 ，喺 呢個 地方 敬奉 我 』。
8 「上帝 同 亞伯拉罕 訂立 咗 割禮 *之 約 。亞伯拉罕 嘅 仔 以撒 出世 之後 第 八 日 接受 割禮 。後嚟 以撒 成為 雅各 嘅 爸爸 ，雅各 成為 12個 家族 首領 *嘅 爸爸 。
9 呢啲 首領 妒忌 約瑟 ，將 佢 賣 去 埃及 。不過 上帝 扶持 佢 *，
10 將 佢 從 一切 患難 中 救 出嚟 ，賜 智慧 俾 佢 ，令 佢 得到 埃及王 法老 嘅 喜愛 。法老 就 派 佢 管理 埃及 同 自己 嘅 王宮 。
11 後嚟 全 埃及 同 迦南 地區 出現 饑荒 ，災情 好 嚴重 。我哋 嘅 祖先 都 冇 嘢食 。
12 雅各 聽 講 埃及 有 糧食 ，就 派 我哋 嘅 祖先 去 嗰度 ，呢個 係 第 一 次 。
13 到 咗 第 二 次 ，約瑟 同 啲 兄弟 相認 ，法老 都 知道 咗 約瑟 原來 仲有 屋企人 。
14 之後 ，約瑟 派 人 去 通知 佢 爸爸 雅各 同埋 所有 親人 ，佢哋 就 去 咗 嗰度 ，一共 75個 人 。
15 就係 噉 ，雅各 落去 埃及 。後嚟 ，佢 喺 嗰度 離世 ，我哋 嘅 祖先 都 一樣 。
16 佢哋 嘅 骸骨 都 送 咗 去 示劍 ，安葬 喺 亞伯拉罕 喺 示劍 買 嘅 墓穴 ，係 佢 向 哈抹 嘅 族人 買 嘅 。
17 「上帝 對 亞伯拉罕 嘅 承諾 就 快 實現 嗰陣 ，雅各 嘅 子孫 喺 埃及 越 嚟 越 多 。
18 後嚟 另 一 個 法老 登基 統治 埃及 ，佢 唔 認識 約瑟 。
19 佢 用 詭計 迫害 我哋 嘅 民族 ，強迫 我哋 嘅 祖先 遺棄 嬰兒 ，唔 俾 呢啲 嬰兒 生存 落去 。
20 摩西 就 喺 嗰個 時候 出世 。佢 生 得 好 靚 *，喺 佢 爸爸 屋企 撫養 *咗 三 個 月 。
21 佢 雖然 被 遺棄 ，但係 就 俾 法老 個 女 抱 咗 返去 ，當做 自己 個 仔 噉樣 湊 大 。
22 就係 噉 ，摩西 接受 咗 埃及 最好 嘅 教育 *，佢 好 有 口才 ，辦事 能力 都 好 強 。
23 「摩西 40歲 嘅 時候 ，決定 *去 睇吓 佢 啲 弟兄 以色列 人 嘅 情況 。
24 摩西 見 到 有 個 以色列 人 受到 惡待 ，就 挺身而出 ，將 嗰個 惡待 佢 嘅 埃及 人 殺死 ，幫 佢 報仇 。
25 摩西 以為 啲 弟兄 會 睇 出 上帝 要 通過 佢 拯救 佢哋 ，但係 佢哋 睇 唔 出 。
26 第 二 日 ，摩西 見 到 兩 個 以色列 人 打交 ，就 上前 調解 ，勸 佢哋 和好 ，佢 話 ：『你哋 兩 個 係 弟兄 ，點解 要 打交 呢 ？』
27 但係 嗰個 傷害 人 嘅 就 推開 摩西 ，話 ：『邊個 派 你 做 領袖 同 審判官 嚟 管 我哋 呀 ？
28 唔通 你 想 好似 琴日 殺死 嗰個 埃及 人 噉 ，殺死 我 呀 ？』
29 摩西 聽 到 佢 噉 講 ，就 逃走 去 米甸 。佢 僑居 喺 嗰度 ，生 咗 兩 個 仔 。
30 「40年 之後 ，喺 西奈山 嘅 曠野 ，一 位 天使 喺 荊棘叢 嘅 火焰 中 向 摩西 顯現 。
31 摩西 見 到 呢個 景象 ，好 驚訝 ，想 去 睇吓 發生 緊 咩 事 ，就 聽 到 耶和華 *嘅 聲音 ：
32 『我 係 你 祖先 嘅 上帝 ，亞伯拉罕 、以撒 、雅各 嘅 上帝 。』摩西 嚇 到 成 個 人 喺度 震 ，唔 敢 再 望 。
33 耶和華 *同 佢 講 ：『除 低 你 對 鞋 ，因為 你 企 嘅 地方 係 神聖 嘅 。
34 我 嘅 子民 喺 埃及 受到 嘅 壓迫 ，我 睇 得 好 清楚 ，佢哋 嘅 悲嘆 ，我 都 聽 到 。我 嚟 係 要 拯救 佢哋 。而家 ，我 要 派 你 去 埃及 。』
35 大家 曾經 棄絕 呢 位 摩西 ，同 佢 講 ：『邊個 派 你 做 領袖 同 審判官 呀 ？』不過 ，上帝 委任 嘅 就係 佢 。上帝 通過 天使 喺 荊棘叢 向 摩西 顯現 ，要 佢 去 帶領 同 拯救 以色列 人 。
36 佢 帶領 佢哋 出嚟 ，喺 埃及 同 紅海 ，仲有 喺 曠野 嘅 40年間 ，施行 咗 種種 神跡 同 奇妙 嘅 事 *。
37 「就係 呢 位 摩西 向 以色列 人 講 過 ：『上帝 會 喺 你 嘅 弟兄 當中 ，為 你 委任 一 位 好似 我 一樣 嘅 先知 。』
38 呢 位 摩西 同 以色列 人 一齊 喺 曠野 。佢 亦 都 同 我哋 嘅 祖先 一齊 ，而且 曾經 有 天使 喺 西奈山 同 佢 講 說話 。佢 領受 咗 長存 嘅 *聖言 ，然後 傳 俾 我哋 。
39 但係 我哋 嘅 祖先 唔 肯 服從 佢 ，唔 願意 接受 佢 ，一心 想 返去 埃及 。
40 佢哋 同 亞倫 講 ：『幫 我哋 造 啲 神像 帶領 我哋 啦 ，都 唔 知 嗰個 帶 我哋 離開 埃及 嘅 摩西 遇 到 咩 事 。』
41 喺 嗰 段 時間 ，佢哋 造 咗 個 牛犢像 ，向 個 像 獻祭 ，為 自己 造 嘅 呢個 像 慶祝 。
42 於是 上帝 離棄 佢哋 ，任由 佢哋 敬奉 天上 嘅 日月 星辰 *，就 好似 先知書 寫 嘅 噉 ：『以色列 人 啊 ，喺 曠野 嘅 40年 ，你哋 獻 嘅 祭牲 同 祭物 ，根本 就 唔係 獻 俾 我 嘅 。
43 你哋 抬 嘅 其實 係 摩洛神 嘅 帳篷 同埋 星神 理番 嘅 像 ，呢啲 都 係 你哋 自己 製造 ，用 嚟 崇拜 嘅 神像 。所以 我 要 放逐 你哋 ，去 仲 遠 過 巴比倫 嘅 地方 。』
44 「我哋 嘅 祖先 喺 曠野 有 個 存放 聖諭 *嘅 帳幕 ，係 上帝 吩咐 摩西 按照 佢 見 到 嘅 設計 去 建造 嘅 。
45 我哋 嘅 祖輩 *繼承 咗 呢個 帳幕 。上帝 喺 佢哋 面前 將 列國 趕 出去 之後 ，佢哋 就 同 約書亞 一齊 將 帳幕 帶 到 呢 片 原本 屬於 列國 嘅 土地 。直到 大衛 嘅 日子 ，帳幕 都 喺 嗰度 。
46 大衛 深受 上帝 喜愛 ，佢 提出 請求 ，希望 自己 有 榮幸 為 雅各 嘅 上帝 建造 居所 。
47 不過 後嚟 為 上帝 建造 聖殿 嘅 係 所羅門 。
48 其實 至高者 唔會 住 喺 人 建造 嘅 殿宇 入面 ，就 好似 先知 所 講 ：
49 『耶和華 *話 ，天 係 我 嘅 寶座 ，地 係 我 嘅 腳凳 。你哋 能夠 為 我 建造 點樣 嘅 殿宇 呢 ？有 咩 地方 可以 俾 我 居住 呢 ？
50 呢 一切 都 係 我 親手 造 嘅 。』
51 「頑固不化 、心 同 耳 都 冇 受 過 割禮 *嘅人啊 ，你哋 一直 抗拒 神聖 力量 。你哋 嘅 祖先 點 做 ，你哋 就 點 做 。
52 有 邊個 先知 係 你哋 嘅 祖先 冇 迫害過 嘅 呢 ？嗰啲 先知 預告 正義 嘅 主 會 嚟到 ，佢哋 都 俾 你哋 嘅 祖先 殺死 ，而家 你哋 竟然 連 呢 位 正義 嘅 主 都 出賣 ，仲 殺 埋 佢 添 。
53 你哋 領受 咗 天使 傳達 嘅 法典 ，但係 就 冇 遵守 。」
54 佢哋 *聽 到 司提反 講 嘅 嘢 ，就 惱羞成怒 *，咬牙切齒 。
55 司提反 充滿 神聖 力量 ，凝視 天空 ，見 到 上帝 嘅 榮耀 ，仲 見 到 耶穌 企 喺 上帝 右邊 ，
56 就 話 ：「我 見 到 個 天 打開 咗 ，人子 *企 喺 上帝 右邊 。」
57 佢哋 就 大聲 叫 ，用 手 揞 住 耳仔 ，一齊 向 佢 衝 過去 ，
58 趕 佢 出 城 外 ，用 石頭 掟 佢 。嗰啲 作 假見證 嘅 人 將 外衣 都 放 喺 一 個 叫 掃羅 嘅 後生仔 腳 前 。
59 司提反 俾 佢哋 用 石頭 掟 嘅 時候 ，請求 耶穌 話 ：「主 耶穌 啊 ，我 將 生命 *交 俾 你 嘞 。」
60 然後 佢 跪 低 ，大聲 呼喊 ：「耶和華 *啊 ，求 你 唔好 追究 佢哋 犯 嘅 呢個 罪 。」講完 呢 句 說話 ，佢 就 長眠 嘞 。
