使徒行傳 6:1-15
6 喺 嗰 段 時期 ，門徒 嘅 數目 不斷 增加 。講 希臘語 嘅 猶太 人 埋怨 嗰啲 講 希伯來語 嘅 猶太 人 ，因為 喺 分配 每日 食物 嘅 呢 件 事 上 ，佢哋 當中 嘅 寡婦 受到 忽視 。
2 於是 ，十二 使徒 叫 晒 所有 門徒 嚟 ，同 佢哋 講 ：「我哋 放 低 教導 人 認識 上帝 話語 嘅 工作 去 分配 食物 ，係 唔 啱 㗎 *。
3 各位 弟兄 ，要 喺 你哋 當中 揀 七 個 人 出嚟 ，佢哋 要 有 好 名聲 ，而且 充滿 神聖 力量 同 智慧 。我哋 要 委派 佢哋 管理 呢 件 一定 要 做 嘅 事 。
4 噉 我哋 就 可以 專心 禱告 ，專注 喺 教導 人 認識 上帝 話語 嘅 呢個 職務 。」
5 所有 門徒 都 同意 呢 番 說話 ，於是 揀 咗 信心 堅強 、充滿 神聖 力量 嘅 司提反 ，仲有 腓力 、伯羅哥羅 、尼迦挪 、提門 、巴米拿 ，同埋 曾經 歸信 猶太教 嘅 安提阿 人 尼哥拉 ，
6 然後 帶 佢哋 去 使徒 嗰度 。禱告 之後 ，使徒 就 將 手 放 喺 佢哋 身上 ，委任 佢哋 。
7 結果 ，越 嚟 越 多 人 聽 到 上帝 嘅 話語 ，喺 耶路撒冷 嘅 門徒 ，數目 不斷 增加 ，好 多 祭司 都 接受 咗 呢個 信仰 *。
8 司提反 深受 上帝 喜愛 ，充滿 上帝 所 賜 嘅 能力 ，喺 民間 施行 令人 驚嘆 嘅 神跡 同埋 奇妙 嘅 事 *。
9 但係 有啲 人 嚟 同 司提反 爭論 ，包括 一啲 屬於 「自由民 會堂 」嘅 人 、昔蘭尼 人 、亞歷山大 人 ，仲有 嚟自 西利西亞 同埋 亞細亞 行省 嘅 人 。
10 靠 住 神聖 力量 嘅 幫助 ，司提反 嘅 回應 充滿 智慧 ，令 佢哋 招架 唔 住 。
11 於是 佢哋 暗中 教唆 人 噉樣 講 ：「我哋 聽 到 佢 講 咗 啲 褻瀆 摩西 同 上帝 嘅 說話 。」
12 佢哋 煽動 民眾 、長老 同 抄經士 ，一齊 衝 去 司提反 嗰度 ，強行 將 佢 捉住 ，押去 公議會 。
13 佢哋 叫 咗 啲 人 作 假見證 話 ：「呢個 人 係 噉 詆毀 聖殿 同 摩西 法典 。
14 例如 我哋 聽 佢 講 過 ，拿撒勒 人 耶穌 要 拆毀 聖殿 ，要 改變 摩西 傳 俾 我哋 嘅 規矩 。」
15 坐 喺 公議會 裡面 嘅 人 全部 都 望 實 司提反 ，見 到 佢 個 樣 好 平靜 ，面容 就 好似 天使 嘅 面容 一樣 。
