使徒行傳 28:1-31
28 我哋 平安 上岸 之後 ，先至 知道 嗰個 島 叫 馬耳他 。
2 當地 居民 *非常 有 人情味 。當時 落 緊 雨 ，天氣 又 好 凍 ，佢哋 起 咗 個 火 ，殷勤 噉 接待 我哋 所有 人 。
3 保羅 執 咗 啲 樹枝 ，放 喺 火 堆 ，有 條 毒蛇 熱 得 滯 ，就 捐 出 嚟 纏住 佢 隻 手 。
4 當地 啲 人 *見 到 有 條 毒蛇 繑 住 佢 隻 手 ，就 話 ：「呢個 人 實 係 個 殺人犯 ，俾 佢 執 返 條 命 ，平安 逃過 海難 ，實在 天 理 *難 容 呀 。」
5 不過 保羅 將 條 毒蛇 揈 落 火 堆 ，完全 冇 受傷 。
6 佢哋 以為 保羅 嘅 手臂 會 腫 起 ，又 或者 會 突然 倒地身亡 ，但係 等 咗 好 耐 ，見 佢 竟然 咩 事 都 冇 ，佢哋 就 改變 諗法 ，話 佢 係 個 神 。
7 嗰度 附近 嘅 土地 屬於 一 個 叫 部百流 嘅 人 ，佢 係 呢個 島 嘅 首領 。佢 好 歡迎 我哋 ，熱情 款待 咗 我哋 三 日 。
8 當時 部百流 嘅 爸爸 發 緊 燒 ，患 咗 痢疾 ，臥病 在 床 。保羅 去 為 佢 禱告 ，將 手 放 喺 佢 身上 ，醫好 咗 佢 。
9 於是 島 上 其他 病人 都 嚟 搵 保羅 ，所有 人 都 俾 佢 醫好 咗 。
10 佢哋 為咗 表達 謝意 ，送 咗 好 多 禮物 俾 我哋 。到 咗 啟航 嘅 時候 ，佢哋 亦 都 將 我哋 需要 嘅 嘢 送 上 船 。
11 我哋 留 咗 喺 呢個 島 三 個 月 之後 ，上 咗 一 艘 由 亞歷山大 嚟 嘅 船 ，呢 艘 船 亦 都 喺 島 上 過冬 ，船頭 有 「宙斯 雙子 」像 。
12 我哋 艘 船 去 到 敘拉古 港 ，停留 三 日 之後 ，
13 由 嗰度 繼續 前行 ，去 到 利基安 ，一 日 之後 刮起 南風 。我哋 離開 利基安 之後 第 二 日 ，就 到 咗 部提奧利 。
14 我哋 見 到 一啲 弟兄 ，接受 咗 佢哋 邀請 ，喺 嗰度 住 咗 七 日 ，然後 出發 去 羅馬 。
15 羅馬 嘅 弟兄 姊妹 聽 到 我哋 去 緊 嗰度 ，就 去 亞比烏 市集 廣場 同埋 三旅館 迎接 我哋 。保羅 一 見 到 佢哋 ，就 感謝 上帝 ，大 受 鼓勵 *。
16 後嚟 ，我哋 終於 去 到 羅馬 ，保羅 獲准 獨自 居住 ，由 士兵 看守 *。
17 過 咗 三 日 ，保羅 請 猶太 人 嘅 首領 嚟 。佢哋 到 咗 之後 ，保羅 就 同 佢哋 講 ：「各位 弟兄 *，雖然 我 冇 做 過 對唔住 同胞 嘅 事 ，亦 都 冇 違反 我哋 祖先 嘅 規矩 ，但係 就 成為 囚犯 ，俾 人 由 耶路撒冷 送 到 羅馬 官員 手上 。
18 經過 審訊 ，佢哋 搵 唔 到 理由 判 我 死罪 ，本來 想 釋放 我 ，
19 但係 猶太 人 反對 ，我 唯有 向 凱撒 上訴 ，不過 噉 唔係 因為 我 有 咩 事 想 指控 我 嘅 同胞 。
20 所以 ，我 就 請 你哋 嚟 見面 傾 吓 。我 係 因為 以色列 人 盼望 嘅 事 ，先至 俾 呢 條 鎖鏈 鎖 住 嘅 。」
21 佢哋 同 保羅 講 ：「我哋 冇 從 猶地亞 收 到 關於 你 嘅 信 ，嗰度 嚟 嘅 弟兄 亦 都 冇 講 過 你 做 咗 乜嘢 唔好 嘅 事 。
22 但係 ，我哋 認為 應該 聽 吓 你 親自 講 自己 嘅 諗法 。因為 我哋 知道 呢個 教派 真係 到處 受 人 批評 。」
23 於是 佢哋 同 保羅 約定 日子 見面 。到 咗 嗰 日 ，去 佢 間 屋 嘅 人 比 之前 更加 多 。保羅 就 一 整日 向 佢哋 傳道 ，為 上帝 嘅 王國 作 徹底 嘅 見證 ，引用 摩西 法典 同埋 先知書 嘅 說話 ，盡力 說服 佢哋 相信 耶穌 。
24 聽 佢 講 說話 嘅 人 ，有啲 信 ，有啲 唔 信 。
25 佢哋 之 間 意見不合 ，就 開始 離開 ，於是 保羅 噉樣 講 ：
「神聖 力量 通過 先知 以賽亞 向 你哋 祖先 講 嘅 說話 ，一啲 都 冇 錯 ，
26 經文 話 ：『你 去 同 呢 族人 講 ：「你哋 聽 係 聽 咗 ，但係 完全 唔 明白 ；睇 係 睇 咗 ，但係 完全 唔 理解 。
27 呢 族人 嘅 心 已經 麻木 ，耳仔 聽 到 都 冇 反應 ，仲 合 埋 對 眼 ，費事 對 眼 睇 到 ，耳仔 聽 到 ，內心 理解 咗 ，回頭 改過 ，就 俾 我 醫 返 好 。」』
28 所以 你哋 要 知道 ，上帝 嘅 救恩 *已經 傳到 外族人 嗰度 嘞 ，佢哋 一定 會 聽 。」
29 －－－*
30 保羅 喺 租 返嚟 嘅 屋 住 咗 足足 兩 年 。佢 接待 所有 嚟 見 佢 嘅 人 ，
31 向 呢啲 人 傳講 上帝 嘅 王國 ，教導 佢哋 認識 主 耶穌 基督 嘅 事 ，佢 勇敢 無懼 ，放膽 發言 ，冇 受到 乜嘢 阻礙 。
