使徒行傳 25:1-27
25 非斯都 嚟到 猶地亞 行省 ，上任 之後 三 日 ，就 由 凱撒里亞 上 耶路撒冷 。
2 祭司長 同 猶太 人 嘅 首領 向 佢 控告 保羅 ，仲 懇求 佢 ，
3 請 佢 送 個 人情 ，傳召 保羅 嚟 耶路撒冷 。佢哋 打算 喺 路上 埋伏 ，殺死 佢 。
4 不過 非斯都 話 保羅 要 留 喺 凱撒里亞 ，佢 自己 都 就 快 會 返去 嗰度 ，
5 仲 話 ：「你哋 當中 有 權力 嘅 人 可以 同 我 一齊 落去 。呢個 人 如果 做 咗 啲 咩 唔 啱 嘅 事 ，就 喺 嗰度 指控 佢 啦 。」
6 非斯都 喺 佢哋 嗰度 留 咗 十 日 八 日 ，就 落去 凱撒里亞 。第 二 日 佢 坐 喺 審判座 ，下令 帶 保羅 嚟 。
7 保羅 嚟到 ，由 耶路撒冷 落嚟 嘅 猶太 人 就 圍住 佢 ，控告 佢 犯 咗 好 多 嚴重 嘅 罪 ，但係 就 冇 證據 。
8 保羅 申辯 話 ：「我 冇 犯罪 ，冇 違反 猶太 人 嘅 法典 ，冇 輕視 聖殿 ，亦 都 冇 冒犯 凱撒 。」
9 非斯都 想 討好 猶太 人 ，就 同 保羅 講 ：「你 願 唔 願意 上 耶路撒冷 ，喺 嗰度 ，喺 我 面前 為 呢啲 事 接受 審判 呀 ？」
10 保羅 話 ：「我 而家 企 喺 凱撒 嘅 審判座 前面 ，應該 喺 呢度 接受 審判 。我 冇 做 過 乜嘢 唔 啱 嘅 事 冒犯 猶太 人 ，呢 點 你 都 好 清楚 㗎 。
11 如果 我 真係 做 咗 唔 啱 嘅 事 ，犯 咗 死罪 ，噉 要 死 就 死 啦 ，我 唔會 懇求 開恩 。但係 如果 呢啲 人 對 我 嘅 指控 係 毫無 根據 嘅 ，噉 冇 人 能夠 為咗 討好 人 而 將 我 交 俾 佢哋 。我 要 向 凱撒 上訴 ！」
12 非斯都 同 佢 啲 謀士 商量 之後 ，就 話 ：「既然 你 要 向 凱撒 上訴 ，噉 你 就 去 凱撒 嗰度 啦 。」
13 過 咗 一 段 時間 ，亞基帕 王 同 百妮基 去 凱撒里亞 拜會 非斯都 。
14 佢哋 喺 嗰度 住 咗 一 段 時間 ，非斯都 將 保羅 嘅 事 同 王 講 ，佢 話 ：
「呢度 有 個 人 ，係 腓力斯 留低 嘅 囚犯 。
15 我 喺 耶路撒冷 嘅 時候 ，祭司長 同 猶太 人 嘅 長老 控告 佢 ，要求 我 判 佢 有 罪 。
16 我 回覆 佢哋 ，話 被告 未 同 原告 當面 對質 ，冇 機會 為 自己 受到 嘅 指控 申辯 ，如果 我 將 佢 當做 人情 交 俾 其他 人 ，噉 係 違反 羅馬 人 嘅 規矩 㗎 。
17 所以 佢哋 到 咗 之後 ，我 冇 拖延 呀 ，第 二 日 就 坐 喺 審判座 ，下令 將 嗰個 人 帶 嚟 。
18 指控 保羅 嘅 人 企 起 身 ，佢哋 提出 嘅 罪名 ，都 唔係 我 以為 嘅 嗰啲 壞事 。
19 嗰啲 人 同 保羅 爭辯 嘅 ，只 不過 係 同 佢哋 崇拜 嘅 神 *有關 嘅 事 ，仲有 嗰個 叫 耶穌 嘅 人 嘅 事 。嗰個 人 已經 死 咗 嘞 ，但係 保羅 就 一直 口口聲聲 話 佢 仲 在生 。
20 我 唔 肯定 應該 點樣 處理 呢 件 事 ，所以 問 佢 想 唔 想 去 耶路撒冷 ，喺 嗰度 接受 審判 。
21 不過 保羅 請求 留 喺度 ，等 凱撒 *定奪 ，我 就 下令 將 佢 拘留 ，直到 我 送 佢 去 凱撒 嗰度 。」
22 亞基帕 同 非斯都 講 ：「我 想 親自 聽 吓 呢個 人 講 乜嘢 。」非斯都 話 ：「聽日 你 就 可以 聽 佢 講 嘞 。」
23 第 二 日 ，亞基帕 同 百妮基 好 大陣仗 噉 嚟到 ，帶 住 好 多 將軍 同 城 入面 有 權勢 嘅 人 入 咗 大廳 ，然後 非斯都 吩咐 人 帶 保羅 嚟 。
24 非斯都 話 ：「亞基帕 王 ，在座 各位 ，你哋 面前 嘅 呢個 人 ，無論 係 耶路撒冷 定係 呢度 嘅 猶太 人 ，都 向 我 提出 請求 ，嘈 住 話 要 處死 佢 。
25 不過 我 查 唔 到 佢 犯 過 啲 咩 死罪 。所以 佢 要求 向 皇上 上訴 ，我 就 決定 送 佢 去 嘞 。
26 關於 呢個 人 ，我 冇 乜嘢 可以 向 皇上 *稟告 。所以 我 帶 佢 嚟 你哋 面前 ，特別 係 亞基帕 王 你 面前 ，噉 經過 審訊 之後 ，我 就 可以 寫明 具體 嘅 情況 嘞 。
27 因為 我 認為 ，押送 囚犯 但係 唔 講 清楚 佢 嘅 罪狀 ，係 唔 合理 㗎 。」
