使徒行傳 20:1-38
20 騷亂 平息 之後 ，保羅 請 門徒 嚟 ，鼓勵 完 佢哋 ，就 同 佢哋 道別 ，起程 去 馬其頓 。
2 佢 去勻 嗰 一帶 ，講 咗 好 多 說話 鼓勵 弟兄 ，然後 去 到 希臘 ，
3 喺 嗰度 住 咗 三 個 月 。佢 準備 啟航 去 敘利亞 ，但係 因為 知道 猶太 人 密謀 害 佢 ，就 決定 經 馬其頓 返去 。
4 同 佢 一齊 去 嘅 ，有 比里亞 人 畢羅斯 嘅 仔 所巴特 、帖撒羅尼迦 人 亞里達古 同 西公都 、特庇 嘅 該猶 ，仲有 提摩太 ，同埋 嚟自 亞細亞 行省 嘅 推基古 同 特羅非摩 。
5 呢啲 人 出發 先 ，喺 特洛阿斯 等 我哋 。
6 過 咗 無酵節 ，我哋 先至 喺 腓立比 啟航 ，五 日 之後 去 到 特洛阿斯 同 佢哋 會合 ，喺 嗰度 住 咗 七 日 。
7 跟住 嗰個 星期 嘅 第 一 日 ，我哋 一齊 食飯 。由於 保羅 第 二 日 要 走 ，就 同 大家 講 咗 好 多 嘢 ，一直 講 到 半夜 。
8 我哋 喺 樓上 聚會 嘅 房 點 咗 好 多 燈 。
9 有 個 叫 猶推古 嘅 後生仔 坐 喺 窗 邊 ，喺 保羅 講嘢 嘅 時候 瞓 著 咗 ，而且 瞓 得 好 稔 ，結果 由 三樓 *跌 咗 落去 ，啲 人 扶起 佢 嗰陣 已經 死 咗 。
10 保羅 落 樓 ，伏 喺 佢 身上 ，攬住 佢 ，然後 話 ：「唔使 驚 ，唔使 咁 傷心 ，佢 有 返 生命 嘞 *。」
11 然後 保羅 上 樓上 食 嘢 *，食 完 之後 ，仲 傾 咗 好 耐 ，直到 天光 先 離開 。
12 佢哋 帶 個 男仔 返 屋企 。大家 都 因為 佢 有 返 生命 而 覺得 好 安慰 。
13 我哋 上 咗 船 ，出發 去 阿索斯 ，不過 保羅 打算 自己 徒步 去 嗰度 ，我哋 就 按照 佢 嘅 吩咐 ，去 嗰度 接 佢 上船 。
14 佢 喺 阿索斯 同 我哋 會合 ，我哋 接 佢 上船 ，然後 去 咗 米推利尼 。
15 跟住 嗰 日 ，我哋 由 米推利尼 起程 ，然後 停靠 喺 希俄斯 ，第 二 日 喺 薩摩斯 靠岸 ，第 三 日 去 到 米利都 。
16 保羅 早 就 決定 唔 去 以弗所 ，唔 想 喺 亞細亞 行省 停留 ，因為 佢 想 盡快 趕去 耶路撒冷 ，希望 可以 喺 五旬節 嗰 日 去 到 。
17 不過 ，保羅 喺 米利都 派 人 去 以弗所 ，叫 會眾 啲 長老 嚟 。
18 啲 長老 嚟到 ，保羅 就 同 佢哋 講 ：「由 我 第 一 日 嚟到 亞細亞 行省 ，我 點樣 待人 處事 ，你哋 都 好 清楚 。
19 我 一直 謙卑 為 主 服務 ，經常 流淚 ，亦 都 因為 猶太 人 密謀 害 我 而 受 盡 考驗 。
20 你哋 都 知道 ，只要 係 對 你哋 有益 嘅 事 ，我 都 毫無 保留 噉 話俾 你哋 知 ，無論 係 逐家逐戶 定係 喺 公眾 場所 ，我 都 教導 你哋 。
21 無論 係 對 猶太 人 定係 希臘 人 ，我 都 作 咗 徹底 嘅 見證 ，勸 人 悔改 崇拜 *上帝 ，信從 我哋 嘅 主 耶穌 。
22 而家 我 受 神聖 力量 推動 ，要 去 耶路撒冷 。我 唔 知 喺 嗰度 會 遇 到 咩 事 ，
23 淨係 知道 上帝 通過 神聖 力量 ，喺 一 座 又 一 座 城 入面 ，再三 話俾 我 知 ，監禁 同 患難 等 緊 我 。
24 但係 對 我 嚟 講 ，我 嘅 性命 一啲 都 唔 重要 *，我 只 希望 喺 呢 場 比賽 能夠 跑完 全程 ，完成 主 耶穌 交 俾 我 嘅 職務 ，為 上帝 分外恩典 嘅 好消息 作 徹底 嘅 見證 。
25 「以前 我 向 你哋 傳講 過 上帝 嘅 王國 ，不過 我 知道 ，你哋 冇 一 個 會 再 見 到 我 。
26 所以 我 今日 叫 你哋 嚟 作證 ，無論 邊個 滅亡 ，我 都 係 清白 嘅 ，唔使 承擔 血債 ，
27 因為 我 已經 毫無 保留 噉 將 上帝 嘅 旨意 講 晒 俾 你哋 知 嘞 。
28 你哋 要 留意 自己 同埋 整個 羊群 ，因為 上帝 通過 神聖 力量 委任 咗 你哋 做 羊群 嘅 監督 ，吩咐 你哋 牧養 佢 用 自己 個 仔 嘅 血 買 返嚟 嘅 會眾 。
29 我 知道 我 離開 之後 ，殘暴 嘅 狼 會 混入 你哋 當中 ，佢哋 唔會 愛惜 羊群 ，
30 連 你哋 當中 都 會 有 人 顛倒 是非 ，拉攏 門徒 跟從 佢哋 。
31 「所以 你哋 要 時刻 警醒 ，記住 我 呢 三 年 嚟 ，點樣 流 住 眼淚 ，不 分 晝夜 一直 勸誡 你哋 每 一 個 人 。
32 而家 我 將 你哋 交託 俾 上帝 ，同埋 佢 分外恩典 嘅 話語 *，呢個 話語 能夠 令 你哋 堅強 ，令 你哋 同 成聖 *嘅 人 一齊 得到 產業 。
33 我 從來 都 冇 貪圖 任何 人 嘅 金銀 或者 衣服 。
34 你哋 都 知道 ，我 用 雙手 照顧 咗 自己 同埋 同伴 嘅 需要 。
35 我 喺 各 方面 都 努力 工作 *，等 你哋 知道 必須 幫助 軟弱 嘅 人 。你哋 亦 都 必須 緊記 主 耶穌 嘅 說話 ，佢 話 ：『施與 比 接受 更加 快樂 。』」
36 講完 呢 番 說話 ，保羅 就 同 大家 一齊 跪 低 禱告 。
37 所有 人 都 痛哭 流淚 ，攬住 保羅 ，溫柔 噉 親吻 佢 。
38 最 令 佢哋 傷心 嘅 ，就係 聽 到 保羅 話 佢哋 唔會 再 見 到 佢 嘞 。之後 ，佢哋 送 咗 保羅 上船 。
