使徒行傳 19:1-41
19 亞波羅 喺 哥林多 期間 ，保羅 去 勻 內陸 地區 ，然後 落去 以弗所 ，喺 嗰度 見 到 一啲 門徒 。
2 保羅 同 佢哋 講 ：「你哋 成為 信徒 嗰陣 ，有 冇 得到 神聖 力量 ？」佢哋 話 ：「冇 呀 。我哋 從來 都 冇 聽 過 可以 得到 神聖 力量 㗎 喎 。」
3 保羅 問 ：「噉 你哋 接受 嘅 係 乜嘢 浸禮 呀 ？」佢哋 話 ：「約翰 嘅 浸禮 。」
4 保羅 話 ：「約翰 嘅 浸禮 係 象徵 悔改 嘅 ，佢 吩咐 民眾 要 相信 喺 佢 之後 嚟 嗰位 ，亦 即係 耶穌 。」
5 佢哋 一 聽 到 佢 噉 講 ，就 奉 主 耶穌 嘅 名 受浸 嘞 。
6 保羅 將 手 放 喺 佢哋 身上 ，佢哋 就 得到 神聖 力量 ，開始 講 唔 同 嘅 外語 *，受 上帝 啟示 發言 *，
7 當時 大約 有 12個 男人 。
8 連續 三 個 月 ，保羅 都 喺 會堂 勇敢 向 人 傳道 ，用 令人 信服 嘅 論據 講解 上帝 嘅 王國 。
9 不過 有啲 人 好 固執 ，唔 肯 相信 ，仲 當眾 誣衊 主道 *。於是 保羅 帶 埋 門徒 離開 ，唔 同 佢哋 一齊 。保羅 日日 喺 推拉諾 嘅 講堂 發表 演講 ，
10 噉樣 持續 咗 兩 年 ，結果 亞細亞 行省 嘅 居民 ，無論 係 猶太 人 定係 希臘 人 ，全部 都 聽 到 上帝 *嘅 話語 。
11 上帝 不斷 通過 保羅 施行 非凡 嘅 奇跡 ，
12 有 人 甚至 將 保羅 掂 過 嘅 手巾 、圍裙 放 喺 病人 身上 ，佢哋 嘅 病 就 好返 嘞 ，邪靈 亦 都 喺 啲 人 身上 出嚟 。
13 有啲 猶太 人 周圍 去 驅逐 邪靈 ，企圖 用 主 耶穌 嘅 名 去 驅逐 附 喺 人 身上 嘅 邪靈 ，佢哋 話 ：「我 奉 保羅 傳揚 嘅 耶穌 之 名 ，命令 你哋 出嚟 。」
14 猶太 祭司長 士基瓦 嘅 七 個 仔 都 噉樣 做 。
15 不過 邪靈 就 話 ：「我 識 耶穌 ，亦 都 知 保羅 係 邊個 ，但係 你哋 係 邊個 呀 ？」
16 俾 邪靈 附身 嗰個 人 即刻 撲 去 佢哋 身上 ，攻擊 佢哋 ，將 佢哋 一一 制伏 ，結果 佢哋 全部 都 受 咗 傷 ，赤身 由 間 屋 走 出 嚟 。
17 所有 住 喺 以弗所 嘅 猶太 人 同 希臘 人 都 知道 呢 件 事 ，人人 都 因為 噉 而 敬畏 上帝 ，從 嗰時 起 ，耶穌 嘅 名 更加 受到 尊崇 。
18 好 多 成為 信徒 嘅 人 都 喺 大家 面前 ，坦白 承認 自己 曾經 做 過 嘅 嘢 。
19 唔少 經常 施行 魔法 嘅 人 將 佢哋 啲 書 攞 出嚟 ，堆 埋 一齊 ，當眾 燒 咗 佢 。佢哋 計 一 計 書 嘅 價值 ，先至 知道 總共 值 五萬 塊 銀錢 。
20 就係 噉 ，耶和華 *嘅 話語 繼續 發揮 強大 嘅 力量 ，不斷 傳開 ，節節得勝 。
21 呢啲 事 結束 之後 ，保羅 決定 去 完 馬其頓 同 亞該亞 ，就 去 耶路撒冷 。佢 話 ：「我 去 完 嗰度 之後 ，都 要 去 羅馬 。」
22 於是 佢 派 提摩太 同 以拉都 呢 兩 個 助手 去 馬其頓 先 ，而 自己 就 暫時 留 喺 亞細亞 行省 。
23 嗰個 時候 ，因為 主道 引發 咗 一 場 騷亂 。
24 有 個 銀匠 叫 底米特 ，佢 製造 阿耳忒彌斯 銀龕 ，令 到 啲 工匠 賺 咗 好 多 錢 。
25 佢 召集 呢啲 工匠 同 其他 同行 ，話 ：「各位 ，你哋 都 好 清楚 ，我哋 係 靠 呢 門 生意 發 達 嘅 。
26 你哋 見 到 亦 都 聽 到 㗎 啦 ，呢個 叫 保羅 嘅 人 唔單止 喺 以弗所 ，仲 喺 幾乎 成 個 亞細亞 行省 ，說服 咗 一 大 班 人 改信 另 一 套 道理 ，話 用 人手 造 出 嚟 嘅 並 唔係 神 。
27 噉樣 落去 ，我 擔心 唔單止 我哋 呢個 行業 嘅 名聲 會 受到 影響 ，而且 偉大 嘅 女神 阿耳忒彌斯 嘅 神殿 都 會 俾 人 蔑視 ，就 連 呢 位 喺 全 亞細亞 行省 同 全 世界 受 人 崇拜 嘅 女神 都 會 威嚴 盡 失 。」
28 民眾 聽 到 呢 番 說話 ，就 非常之 激 氣 ，開始 大 嗌 ：「以弗所 人 嘅 阿耳忒彌斯 偉大 非凡 ！」
29 於是 全 城 大亂 ，啲 人 拉 住 同 保羅 一齊 嚟 嘅 同伴 ，就係 該猶 同 亞里達古 呢 兩 個 馬其頓 人 ，一齊 衝 入 劇場 。
30 保羅 本來 好 想 走入 人群 ，但係 門徒 唔 俾 佢 噉 做 。
31 有啲 負責 籌備 節期 同 競技 活動 嘅 官員 一向 對 保羅 好 友善 ，佢哋 都 派 人 嚟 勸 佢 唔好 冒險 去 劇場 。
32 當時 情況 好 混亂 ，有啲 人 嗌 呢樣 ，有啲 人 嗌 嗰 樣 ，其實 大部分 人 都 唔 知道 點解 喺 嗰度 聚集 。
33 有 人 將 一 個 叫 亞歷山大 嘅 人 由 人群 當中 拉 出 嚟 ，猶太 人 將 佢 推 去 前面 。亞歷山大 想 向 民眾 發言 ，就 用 手勢 示意 大家 安靜 。
34 不過 大家 一 認出 佢 係 猶太 人 ，就 異口同聲 噉 大 嗌 ：「以弗所 人 嘅 阿耳忒彌斯 偉大 非凡 ！」佢哋 就 噉樣 嗌 咗 大約 兩 個 鐘 。
35 城 入面 嘅 書記官 終於 使 大家 安靜 落嚟 ，之後 佢 話 ：「各位 以弗所 人 ，世上 有 邊個 唔 知道 以弗所 城 守護 偉大 嘅 阿耳忒彌斯 神殿 ，同埋 從天而降 嘅 神像 呢 ？
36 既然 呢個 係 事實 ，冇 辦法 否認 ，你哋 就 唔好 咁 衝動 ，應該 平心靜氣 。
37 你哋 帶 嚟 嘅 呢啲 人 ，冇 搶劫 我哋 嘅 神殿 ，亦 都 冇 褻瀆 我哋 嘅 女神 。
38 我哋 有 開庭 嘅 日子 ，亦 都 有 行省 總督 ，如果 底米特 同埋 啲 工匠 想 控告 邊個 ，佢哋 到時 大可以 互相 控告 。
39 但係 如果 你哋 有 其他 要求 ，就 一定 要 召開 一 個 正式 會議 去 解決 。
40 今日 發生 嘅 事 ，我哋 實在 有 被 控 叛亂 嘅 危險 。噉樣 聚集 一 大 班 人 引起 騷亂 ，我哋 根本 搵 唔 到 理由 去 交代 。」
41 講完 之後 ，佢 就 打發 啲 人 走 嘞 。
