使徒行傳 13:1-52
13 安提阿 當地 嘅 會眾 有 幾 位 先知 同 導師 ，分別 係 巴拿巴 ，叫 做 尼結 嘅 西滿 ，昔蘭尼 嘅 路求 ，同 分封侯 希律 一齊 接受 教育 嘅 馬念 ，仲有 掃羅 。
2 佢哋 為 耶和華 *服務 *，禁食 緊 嘅 時候 ，上帝 通過 神聖 力量 話 ：「你哋 要 為 我 指派 巴拿巴 同 掃羅 ，去 做 我 俾 佢哋 嘅 一 件 工作 。」
3 於是 大家 禁食 禱告 ，將 手 放 喺 巴拿巴 同 掃羅 身上 委任 佢哋 ，然後 送 佢哋 走 。
4 上帝 通過 神聖 力量 派 佢哋 落去 塞琉西亞 ，然後 佢哋 由 嗰度 啟航 去 塞浦路斯 。
5 佢哋 去 到 薩拉米斯 ，就 喺 猶太 人 嘅 各個 會堂 宣講 上帝 嘅 話語 ，當時 約翰 係 佢哋 嘅 助手 。
6 佢哋 穿 過 呢個 島 ，一直 去 到 帕福斯 ，喺 嗰度 遇 到 一 個 叫 巴耶穌 嘅 猶太 人 。嗰個 人 係 巫師 ，亦 都 係 假先知 。
7 佢 同 行省 總督 士求 ·保羅 關係 密切 。行省 總督 係 個 好 聰明 嘅 人 ，佢 好 渴望 聽 到 上帝 嘅 話語 ，就 請 巴拿巴 同 掃羅 嚟 。
8 嗰個 巫師 又 叫 做 以呂馬 ，同 佢哋 作對 ，想 阻止 行省 總督 接受 呢個 信仰 。（以呂馬 呢個 名 翻譯 出嚟 即係 巫師 。）
9 掃羅 ，又 叫 做 保羅 ，充滿 神聖 力量 ，望 實 佢 ，
10 話 ：「你 呢個 魔鬼 之 子 ，諗 嘅 都 係 欺詐 同埋 邪惡 嘅 嘢 。你 呢個 同 正義 作對 嘅 人 ，竟然 夠 膽 歪曲 耶和華 *正義 嘅 道理 ？
11 睇吓 ！耶和華 *出手 打擊 你 嘞 ，佢 會 令 你 睇 唔 到 嘢 ，有 一 段 時間 睇 唔 到 陽光 。」霎時間 ，有 濃 霧 同埋 黑暗 籠罩 住 佢 ，佢 周圍 摸索 ，想 搵 人 幫 佢 帶路 。
12 行省 總督 見 到 發生 嘅 事 ，加上 對 學 到 關於 耶和華 *嘅 事 驚嘆 不已 ，就 成為 信徒 嘞 。
13 保羅 同埋 同伴 由 帕福斯 啟航 ，去 咗 潘菲利亞 嘅 佩爾吉 。但係 約翰 離開 咗 佢哋 ，返 咗 去 耶路撒冷 。
14 佢哋 由 佩爾吉 繼續 向前 行 ，到 咗 皮西迪亞 嘅 安提阿 。佢哋 喺 安息日 入去 會堂 坐 低 。
15 有 人 宣讀 完 法典 同埋 先知書 之後 ，啲 會堂 主管 叫 人 去 同 佢哋 講 ：「各位 弟兄 ，你哋 有 咩 想 鼓勵 大家 ，就 請 講 啦 。」
16 於是 保羅 企 起 身 ，用 手勢 示意 大家 安靜 ，然後 話 ：
「在座 嘅 以色列 人 同埋 其他 敬畏 上帝 嘅 人 ，請 聽 我 講 。
17 我哋 以色列 人 嘅 上帝 揀選 咗 我哋 嘅 祖先 ，佢哋 僑居 埃及 嘅 時候 ，上帝 令 佢哋 成為 強大 嘅 民族 ，後嚟 仲 用 大有能力 嘅 臂膀 帶 佢哋 出嚟 。
18 大約 有 40年 ，上帝 喺 曠野 一直 容忍 佢哋 。
19 佢 消滅 咗 迦南 嘅 七 個 國族 之後 ，就 將 土地 分 俾 佢哋 做 產業 。
20 呢啲 事 歷時 450年 左右 。
「之後 上帝 委任 士師 *帶領 佢哋 ，直到 先知 撒母耳 嘅 日子 。
21 後嚟 ，佢哋 要求 立 一 個 王 ，上帝 就 委任 便雅憫 部族 基士 嘅 仔 掃羅 ，俾 佢 統治 咗 40年 。
22 上帝 廢除 掃羅 之後 ，為 佢哋 揀 咗 大衛 做 國王 ，為 佢 作證 話 ：『我 搵 到 一 個 合 我 心意 嘅 人 ，就係 耶西 嘅 仔 大衛 。我 鍾意 嘅 事 ，佢 都 會 去 做 。』
23 上帝 已經 按照 自己 嘅 承諾 ，令 以色列 人 嘅 救主 喺 大衛 嘅 子孫 當中 出現 ，佢 就係 耶穌 。
24 其實 喺 佢 嚟到 之前 ，約翰 已經 公開 向 所有 以色列 人 傳道 ，叫 佢哋 接受 象徵 悔改 嘅 浸禮 。
25 約翰 就 快 完成 佢 嘅 職務 嗰陣 ，曾經 講 過 ：『你哋 認為 我 係 邊個 呢 ？我 唔係 基督 。但係 佢 會 喺 我 之後 嚟到 ，我 連 幫 佢 解開 鞋帶 都 唔 配 。』
26 「各位 弟兄 ，亞伯拉罕 嘅 子孫 同埋 其他 敬畏 上帝 嘅 人 啊 ，呢個 同 得救 有關 嘅 信息 已經 傳 咗 俾 我哋 嘞 。
27 耶路撒冷 嘅 居民 同 佢哋 嘅 首領 唔 承認 呢 位 救主 ，但係 佢哋 審判 佢 嘅 時候 ，先知書 嘅 說話 就 應驗 咗 嘞 ，呢啲 說話 係 每逢 安息日 都 朗讀 出 嚟 嘅 。
28 雖然 佢哋 搵 唔 到 定 佢 死罪 嘅 理由 ，但係 仍然 要求 彼拉多 處決 佢 。
29 聖經 上面 關於 佢 嘅 事 全部 都 實現 之後 ，有 人 將 佢 由 木柱 *上面 攞 落嚟 ，安放 喺 墓穴 。
30 不過 ，上帝 令 佢 死而復生 。
31 喺 跟住 嘅 好 多 日 ，佢 出現 喺 嗰啲 同 佢 一齊 由 加利利 上 耶路撒冷 嘅 人 面前 ，而家 呢啲 人 都 為 佢 向 民眾 作證 。
32 「我哋 要 向 大家 宣揚 嘅 好消息 ，同 上帝 向 我哋 祖先 作出 嘅 承諾 有關 。
33 上帝 令 耶穌 復活 ，從而 向 佢哋 嘅 子孫 ，即係 我哋 ，完全 兌現 咗 呢個 承諾 ，就 好似 詩篇 第 二 篇 所 講 ：『你 係 我 嘅 仔 ，今日 我 成為 你 嘅 爸爸 。』
34 上帝 令 耶穌 死而復生 ，賜 咗 個 唔 能夠 朽壞 嘅 身體 俾 佢 。關於 呢 件 事 ，上帝 保證 過 ：『我 曾經 承諾 向 大衛 表現 忠貞之愛 ，呢個 承諾 係 信實 可靠 嘅 ，我 都 會 噉樣 對待 你哋 。』
35 詩篇 嘅 另 一 篇 都 話 ：『你 唔會 俾 你 嘅 忠貞 僕人 朽壞 *。』
36 大衛 在生 嘅 時候 敬奉 上帝 *，最後 長眠 ，同 祖先 安葬 埋 一齊 ，佢 嘅 身體 的確 已經 腐爛 *。
37 不過 ，耶穌 靠 住 上帝 復活 咗 ，佢 嘅 身體 冇 腐爛 *。
38 「所以 各位 弟兄 ，我 向 你哋 傳講 嘅 信息 ，就係 上帝 會 因為 耶穌 而 寬恕 你哋 嘅 罪 。
39 摩西 法典 唔 能夠 除去 你哋 嘅 罪 ，但係 通過 耶穌 ，上帝 可以 將 所有 相信 嘅 人 視為 無 罪 。
40 所以 你哋 要 小心 ，唔好 俾 先知書 講 中 你哋 。先知書 話 ：
41 『你哋 呢啲 鍾意 嘲笑 嘅 人 ，睇吓 我 喺 你哋 嘅 日子 所 做 嘅 事 。就算 有 人 向 你哋 詳細 講論 呢 件 事 ，你哋 都 絕對 唔會 相信 。但係 你哋 將會 驚訝 萬分 ，亦 都 會 滅亡 。』」
42 佢哋 離開 嗰陣 ，民眾 懇求 佢哋 下 一 個 安息日 再 嚟 講解 呢啲 事 。
43 會堂 嘅 聚會 結束 之後 ，好 多 猶太 人 同 歸信 猶太教 嘅 人 *跟住 保羅 同 巴拿巴 。佢哋 兩 個 同 大家 講 咗 番 說話 ，勉勵 大家 唔好 辜負 上帝 嘅 分外恩典 。
44 到 咗 下 一 個 安息日 ，幾乎 全 城 嘅 人 都 聚 埋 一齊 ，想 聽 耶和華 *嘅 話語 。
45 猶太 人 見 到 有 咁 多 人 聚集 ，就 好 妒忌 ，反駁 保羅 嘅 說話 ，表明 佢哋 唔 尊重 上帝 *。
46 保羅 同 巴拿巴 勇敢 發言 ：「上帝 嘅 話語 係 傳 咗 俾 你哋 先 嘅 ，但係 既然 你哋 唔 肯 接受 ，表明 自己 唔 配 得到 永遠 嘅 生命 ，而家 我哋 就要 去 向 外族人 *傳講 呢個 信息 。
47 其實 耶和華 *曾經 吩咐 我哋 ：『我 已經 委任 你 做 列國 嘅 光 ，要 你 將 令人 得救 嘅 信息 傳到 大地 嘅 盡頭 。』」
48 聽 到 呢 番 話 嘅 外族人 就 好 開心 ，因為 耶和華 *嘅 話語 而 讚美 上帝 *。嗰啲 有 正確 態度 而 可以 得到 永遠 生命 嘅 人 ，都 成為 信徒 ，
49 耶和華 *嘅 話語 亦 都 傳遍 整個 地區 。
50 但係 ，猶太 人 煽動 有 名望 嘅 虔誠 婦女 同埋 城 入面 有 權勢 嘅 人 ，慫恿 人 迫害 保羅 同 巴拿巴 ，將 佢哋 趕出 嗰 一帶 。
51 於是 佢哋 扽 走 腳 上 嘅 塵土 *，然後 去 以哥念 。
52 門徒 仍然 滿心 歡喜 ，充滿 神聖 力量 。
