使徒行傳 10:1-48
10 凱撒里亞 有 個 人 叫 哥尼流 ，係 「意大利 部隊 *」嘅 軍官 *，
2 為人 虔誠 ，佢 一 家 都 敬畏 上帝 。佢 經常 接濟 窮人 ，亦 都 經常 向 上帝 懇切 祈求 。
3 有 一 日 ，大約 下晝 3點 *，佢 喺 異象 清楚 見 到 上帝 嘅 天使 嚟 搵 佢 ，同 佢 講 ：「哥尼流 ！」
4 哥尼流 好 驚 噉 望 住 佢 ，然後 話 ：「主 啊 ，有 咩 事 呢 ？」天使 話 ：「上帝 已經 聽 到 你 嘅 禱告 。佢 亦 都 留意 到 你 經常 接濟 窮人 。
5 而家 你 要 派 人 去 約帕 ，請 一 個 叫 西門 嘅 人 嚟 ，佢 又 叫 彼得 。
6 彼得 喺 皮革匠 西門 屋企 作客 ，西門 屋企 就 喺 海 邊 。」
7 天使 同 哥尼流 講完 嘢 ，就 走 咗 嘞 。哥尼流 叫 咗 兩 個 僕人 ，同埋 隨從 當中 一 個 虔誠 嘅 士兵 嚟 ，
8 將 件 事 話 晒 俾 佢哋 聽 ，然後 派 佢哋 去 約帕 。
9 第 二 日 ，佢哋 就 快 到 約帕 城 嘅 時候 ，彼得 上 咗 屋頂 *禱告 ，當時 大約 係 中午 12點 *。
10 後嚟 佢 好 肚餓 ，想 食 啲 嘢 。喺 大家 準備 食物 嘅 時候 ，佢 見 到 一 個 異象 ，
11 望見 個 天 打開 咗 ，有 一 大 塊 好似 麻布 嘅 嘢 *從天而降 ，塊 布 四 隻 角 被 吊 住 ，
12 裡面 有 地上 各 種 四 腳 走獸 同 爬行 動物 ，仲有 天上 嘅 雀仔 。
13 佢 聽 到 有 把 聲 話 ：「彼得 ，起身 ，劏 嚟 食 啦 ！」
14 但係 彼得 就 話 ：「主 啊 ，絕對 唔 可以 㗎 ，我 從來 都 冇 食 過 污穢 不潔 嘅 嘢 。」
15 嗰 把 聲 再次 同 佢 講 ：「上帝 視為 潔淨 嘅 ，你 唔 可以 再 視為 污穢 。」
16 佢 第 三 次 聽 到 嗰 把 聲 講嘢 之後 ，嗰 樣 嘢 就 即刻 被 收 返 上 天 嘞 。
17 彼得 唔 知道 自己 見 到 嘅 異象 係 咩 意思 ，覺得 好 困惑 ，就 喺 呢個 時候 ，哥尼流 派 嚟 嘅 人 搵 到 西門 屋企 ，企 咗 喺 門 外面 。
18 佢哋 大聲 問 呢 間 屋 嘅 主人 ，係咪 有 個 客人 叫 西門 ·彼得 。
19 當時 彼得 仲 諗 緊 異象 嘅 意思 ，上帝 就 通過 神聖 力量 話 ：「睇吓 ，有 三 個 人 嚟 搵 你 呀 。
20 落 樓 跟 佢哋 走 啦 ，唔使 猶疑 ，因為 係 我 派 佢哋 嚟 嘅 。」
21 彼得 就 落 樓 同 嗰啲 人 講 ：「我 就係 你哋 想 搵 嘅 人 。有 咩 事 呢 ？」
22 佢哋 話 ：「係 軍官 哥尼流 派 我哋 嚟 嘅 。佢 為人 正義 ，敬畏 上帝 ，得到 所有 猶太 人 嘅 讚賞 。佢 從 一 個 聖潔 嘅 天使 接獲 上帝 嘅 指示 ，請 你 去 佢 屋企 ，聽 吓 你 要 講 嘅 嘢 。」
23 彼得 就 請 佢哋 入 屋 ，款待 佢哋 。
第 二 日 ，彼得 起程 同 佢哋 一齊 上路 ，約帕 有啲 弟兄 都 一齊 去 。
24 跟住 嗰 日 ，佢 去 到 凱撒里亞 。哥尼流 已經 恭候 緊 佢哋 ，仲 叫 埋 啲 親朋好友 嚟 。
25 彼得 去 到 ，哥尼流 一 見 到 佢 ，就 跪 喺 佢 面前 ，向 佢 下拜 。
26 彼得 扶起 佢 ，話 ：「起身 啦 ，我 同 你 一樣 ，都 只 不過 係 人 。」
27 彼得 一路 同 佢 傾偈 ，入 到 屋 之後 ，見 到 好 多 人 喺 裡面 ，
28 就 同 大家 講 ：「你哋 好 清楚 ，猶太 人 無論 係 同 外族人 來往 ，定係 去 探 佢哋 ，都 違反 咗 猶太 人 嘅 法律 。不過 上帝 令 我 睇 出 ，唔 可以 將 任何 人 視為 污穢 不潔 。
29 所以 你哋 請 我 嚟 ，我 就 嚟 ，冇 拒絕 到 。請 問 你哋 叫 我 嚟 ，有 咩 事 呢 ？」
30 哥尼流 話 ：「四 日 前 大約 呢個 時候 ，即係 下晝 3點 *，我 喺 屋企 禱 緊 告 ，有 個 人 著 住 發光 嘅 衫 ，企 喺 我 面前 ，
31 佢 話 ：『哥尼流 ，上帝 已經 聽 到 你 嘅 禱告 。佢 亦 都 留意 到 你 經常 接濟 窮人 。
32 你 要 派 人 去 約帕 ，請 一 個 叫 西門 嘅 人 嚟 ，佢 又 叫 彼得 。彼得 喺 皮革匠 西門 屋企 作客 ，西門 屋企 就 喺 海 邊 。』
33 於是 我 即刻 派 人 去 搵 你 。多謝 你 願意 嚟 ，而家 我哋 都 喺 上帝 面前 ，想 聽 耶和華 *吩咐 你 講 嘅 所有 嘢 。」
34 彼得 就 話 ：「而家 我 真係 睇 出 ，上帝 係 唔 偏心 嘅 ，
35 無論 邊個 國族 嘅 人 ，只要 敬畏 佢 ，做 啱 嘅 事 ，佢 都 接納 。
36 佢 話 俾 以色列 人 聽 一 個 好消息 ，就係 佢哋 可以 通過 耶穌 基督 同 上帝 恢復 和睦 ，而 呢 位 耶穌 係 所有 人 嘅 主 。
37 你哋 都 知道 ，約翰 傳講 佢 嘅 浸禮 之後 ，由 加利利 直到 整個 猶地亞 地區 ，啲 人 都 議論紛紛 。
38 佢哋 講論 關於 拿撒勒 人 耶穌 嘅 事 ，話 上帝 用 神聖 力量 任命 *佢 做 基督 ，又 賜 力量 俾 佢 。佢 喺 各 地 行善 *，醫好 所有 受到 魔鬼 壓迫 嘅 人 ，因為 上帝 同 佢 同在 。
39 我哋 見證 所有 佢 喺 猶太 人 嘅 地區 同 耶路撒冷 所 做 嘅 事 。但係 猶太 人 竟然 喺 木柱 *度 處死 佢 。
40 上帝 喺 第 三 日 ，令 耶穌 復活 而且 向 人 顯現 ，
41 不過 唔係 向 所有 人 ，而 係 向 上帝 之前 委任 嘅 見證人 顯現 ，就係 我哋 呢啲 喺 佢 死而復生 之後 同 佢 一齊 吃喝 嘅 人 。
42 佢 都 吩咐 我哋 向 民眾 傳道 ，為 佢 徹底 作證 ，話 俾 人 聽 佢 就係 上帝 委任 嘅 審判官 ，要 審判 活人 同 死人 。
43 所有 先知 都 為 耶穌 作證 ，指出 通過 佢 嘅 名 ，上帝 會 寬恕 所有 信從 耶穌 嘅 人 嘅 罪 。」
44 彼得 仲 講 緊 嘢 嘅 時候 ，神聖 力量 就 傾注 喺 所有 聽 到 上帝 話語 嘅 人 身上 。
45 嗰啲 受 過 割禮 ，同 彼得 一齊 嚟 嘅 信徒 *，見 到 上帝 賜 神聖 力量 呢 份 禮物 *俾 外族人 ，就 好 驚訝 。
46 佢哋 聽 到 呢啲 人 講 外語 *，讚美 偉大 嘅 上帝 。於是 彼得 話 ：
47 「既然 呢啲 人 好似 我哋 噉 得到 神聖 力量 ，就 冇 人 可以 阻止 佢哋 喺 水 度 受浸 嘞 ，係咪 ？」
48 於是 彼得 吩咐 佢哋 奉 耶穌 基督 嘅 名 受浸 。之後 佢哋 邀請 彼得 住 多 幾 日 。
