以弗所書 5:1-33
5 所以 ，你哋 既然 係 上帝 所 愛 嘅 仔女 ，就要 效法 上帝 ，
2 亦 都 要 繼續 懷 住 愛心 行事 為人 ，正如 基督 愛 我哋 *，為 我哋 *犧牲 咗 自己 ，作為 祭物 獻 俾 上帝 ，發出 馨香 之 氣 。
3 淫亂 *同埋 各 種 不潔 嘅 事 ，或者 貪心 嘅 事 ，你哋 提 都 唔 應該 提 ，因為 身為 聖民 講 呢啲 嘢 係 唔 合適 㗎 。
4 可恥 嘅 行為 、愚蠢 嘅 話題 、下流 嘅 笑話 ，呢啲 唔 合適 嘅 事 都 唔 應該 講 。你哋 應該 講 感謝 上帝 嘅 說話 。
5 你哋 都 清楚 知道 ，淫亂 *嘅 、不潔 嘅 、貪心 嘅 ，即係 拜偶像 嘅 ，都 唔 能夠 進入 基督 同 上帝 嘅 王國 承受 產業 。
6 你哋 唔 好 俾 人 用 空虛 嘅 說話 呃 到 。因為 呢啲 事 ，上帝 要 向 叛逆 嘅 人 降怒 。
7 所以 ，唔 好 同 佢哋 同流合污 。
8 你哋 以前 身處 黑暗 ，但係 而家 由於 主 嘅 緣故 就 喺 光明 裡面 。你哋 行事 為人 ，要 繼續 做 光明 嘅 兒女 ，
9 因為 光明 結出 嘅 果實 ，就係 各 種 良善 、正義 、正直 。
10 要 不斷 確認 乜嘢 先至 係 主 鍾意 嘅 *。
11 人哋 做 黑暗 無益 嘅 事 ，你哋 唔 好 再 參與 ，反而 要 將 呢啲 事 嘅 真相 揭露 出嚟 ，
12 因為 佢哋 暗中 做 嘅 壞事 ，就 連 講 出嚟 都 令 人 覺得 羞恥 。
13 所有 被 揭露 出嚟 嘅 *，都 俾 光照 得 清清楚楚 ；所有 變 得 清清楚楚 嘅 ，就 變 得 好似 光 一樣 。
14 所以 有 句 說話 噉 講 ：「瞓 著 咗 嘅 人 ，你 醒 啦 ！死 咗 嘅 人 ，復活 啦 ！基督 會 照亮 你 。」
15 你哋 要 仔細 留意 自己 點樣 行事 為人 ，唔 好 做 愚昧 嘅 人 ，要 做 有 智慧 嘅 人 。
16 要 盡力 善用 時間 *，因為 呢 個 時代 好 邪惡 。
17 所以 ，唔 好 咁 唔 合理 嘞 ，要 不斷 辨明 耶和華 *嘅 旨意 係 乜嘢 。
18 唔 好 醉酒 ，醉酒 會 令 人 任意 妄為 *，要 經常 充滿 神聖 力量 。
19 要 用 詩篇 、讚美 上帝 嘅 詩歌 同埋 崇拜 上帝 嘅 歌曲 互相 鼓勵 *，仲 要 喺 心 裡面 *向 耶和華 *唱歌 奏樂 。
20 凡事 都 要 奉 我哋 主 耶穌 基督 嘅 名 ，時刻 感謝 上帝 我哋 嘅 爸爸 。
21 你哋 要 懷 住 敬畏 基督 嘅 心 ，互相 順服 。
22 做 太太 嘅 應該 順服 丈夫 ，就 好似 順服 主 一樣 ，
23 因為 丈夫 係 太太 嘅 頭 *，就 好似 基督 係 會眾 嘅 頭 。會眾 係 身體 ，基督 係 呢個 身體 嘅 救主 。
24 其實 ，就 好似 會眾 順服 基督 噉 ，太太 都 應該 凡事 順服 丈夫 。
25 做 丈夫 嘅 ，你哋 要 繼續 愛 太太 ，就 好似 基督 愛 會眾 ，為 會眾 犧牲 咗 自己 ，
26 基督 通過 上帝 嘅 話語 就 令 會眾 潔淨 成聖 *，好似 用 水 洗 乾淨 一樣 。
27 噉樣 ，佢 就 可以 將 會眾 獻 俾 自己 ，光彩 照人 ，冇 斑點 、皺紋 或者 任何 缺陷 ，聖潔 無瑕 。
28 同樣 ，丈夫 應該 愛 太太 ，就 好似 愛 自己 嘅 身體 一樣 。愛 太太 就係 愛 自己 嘞 。
29 從來 冇 人 憎恨 自己 嘅 身體 ，只會 餵養 愛護 ，就 好似 基督 對待 會眾 噉 ，
30 因為 我哋 都 係 佢 身體 嘅 一 部分 。
31 「所以 人 要 離開 父母 ，同 佢 太太 長相廝守 *，二 人 合為一體 。」
32 呢個 係 重大 嘅 神聖 祕密 。我 講 嘅 神聖 祕密 係 關於 基督 同 會眾 嘅 事 。
33 無論如何 ，你哋 每 個 人 都 應該 愛 太太 ，就 好似 愛 自己 噉 ；做 太太 嘅 都 應該 深深 尊敬 佢 嘅 丈夫 。
