以弗所書 4:1-32
4 所以 ，我 呢個 為 主 而 坐監 嘅 人 勸 你哋 ，待人 處事 要 配 得 上 你哋 所 受 嘅 呼召 ，
2 要 滿心 謙卑 、溫和 ，要 有 耐心 ，用 愛心 彼此 包容 ，
3 以 和睦 維繫 團結 ，竭力 維持 靠 著 神聖 力量 而 有 嘅 合一 。
4 身體 只有 一 個 ，神聖 力量 只有 一 種 ，就 好似 你哋 受 呼召 得到 嘅 希望 都 只有 一 個 。
5 主 只有 一 位 ，信仰 只有 一 個 ，浸禮 只有 一 種 ，
6 上帝 只有 一 位 ，就係 所有 人 *嘅 爸爸 。佢 統管 所有 人 ，通過 所有 人 行動 ，亦 都 喺 所有 人 當中 發揮 作用 。
7 我哋 每 個 人 得到 嘅 分外恩典 ，都 取決於 基督 點樣 分配 恩賜 *。
8 聖經 講 過 ：「佢 升上 高處 嘅 時候 ，俘擄 咗 人 。佢 將 人 賜下 ，作為 禮物 *。」
9 佢 升上 去 係 咩 意思 呢 ？就係 佢 曾經 降下 ，嚟到 地上 。
10 呢 位 曾經 降下 嘅 ，就係 後嚟 升上 去 、遠遠 超越 高天 嘅 嗰位 。佢 升上 去 ，係 要 完滿 成就 一切 。
11 佢 賜下 一啲 人 ，有 做 使徒 嘅 ，有 做 先知 嘅 ，有 傳福音 嘅 *，有 牧養 同 教導 嘅 ，
12 目的 係 糾正 *聖民 ，執行 神聖 嘅 職務 ，令 基督 嘅 身體 *更加 強壯 *，
13 直到 我哋 所有 人 喺 信仰 上 完全 一致 *，喺 確切 認識 上帝 嘅 仔 方面 都 完全 一致 ，而且 長大 成人 *，好似 基督 一樣 完全 成熟 *為止 。
14 所以 ，我哋 唔 應該 再 好似 小朋友 噉 ，容易 中 人 嘅 詭計 ，誤信 呃 人 嘅 謬論 ，受到 各 種 歪風 邪說 影響 ，以致 飄忽不定 ，隨波逐流 。
15 既然 我哋 講 嘅 係 真理 *，就 應該 懷 住 愛心 不斷 成長 ，喺 各 方面 同 身體 嘅 頭 ，即係 基督 和諧 一致 。
16 由於 佢 ，全身 都 和諧 噉 連接 埋 一齊 ，互相 配合 ，每 個 關節 都 各盡其職 *。每 一 部分 都 發揮 應有 嘅 功能 ，身體 就 能夠 成長 ，因為 愛 而 變 得 強壯 。
17 所以 ，我 奉 主 嘅 名 噉樣 講 ，亦 都 噉樣 作證 ：你哋 唔 好 再 好似 列國 嘅 人 噉 ，行事 為人 受到 徒勞 無益 *嘅 思想 影響 。
18 佢哋 思想 昏暗 ，遠離 上帝 所 賜 嘅 生命 ，因為 佢哋 唔 想 認識 上帝 ，而且 內心 麻木 。
19 佢哋 完全 冇 道德感 ，縱情 於 無恥 嘅 行為 *，貪得無厭 噉 做出 各 種 不潔 嘅 事 。
20 不過 ，你哋 認識 嘅 基督 唔係 噉 嘅 。
21 只要 你哋 聽 過 佢 嘅 說話 ，受 過 佢 嘅 教導 ，就 知道 嘞 ，因為 耶穌 教 嘅 係 真理 。
22 你哋 學 過 ，要 除去 舊 品格 ，擺脫 你哋 以往 嘅 生活 方式 *，因為 你哋 嘅 舊 品格 不斷 受到 呃 人 嘅 慾望 腐化 。
23 要 不斷 更新 你哋 嘅 思維 模式 *，
24 著上 新品格 。呢 種 新品格 係 按照 上帝 嘅 旨意 創造 嘅 ，反映 出 真實 嘅 正義 同 忠貞 。
25 所以 ，既然 你哋 已經 除去 唔 誠實 嘅 行為 ，每 個 人 就 應該 對 人 講 真話 ，因為 我哋 親 如 手足 ，屬於 同 一個 身體 。
26 就算 好 嬲 ，都 唔 好 犯罪 ，唔 好 到 日落 仲 喺度 嬲 ，
27 唔 好 俾 魔鬼 有機可乘 。
28 偷 嘢 嘅 人 ，唔 好 再 偷 嘞 ，反而 要 勤力 ，靠 雙手 做 正當 嘅 工作 ，噉 就 有 嘢 可以 分 俾 需要 幫助 嘅 人 。
29 有害無益 *嘅 說話 一 句 都 唔 好 講 ，反而 要 按照 情況 講 鼓勵 人 嘅 說話 ，令 聽 到 嘅 人 得益 。
30 仲有 ，唔 好 抗拒 上帝 嘅 神聖 力量 ，令 佢 憂愁 *。因為 你哋 已經 得到 神聖 力量 作為 印記 ，當 日子 嚟到 ，你哋 就 會 憑 贖價 得到 釋放 。
31 你哋 要 除去 一切 惡毒 、怒氣 、憤恨 、吵鬧 、傷人 嘅 說話 ，同埋 一切 有 害 嘅 事 。
32 要 以 仁慈 相待 ，亦 都 要 懷 住 溫情 體恤 其他 人 ，彼此 甘心 寬恕 ，就 好似 上帝 通過 基督 甘心 寬恕 咗 你哋 一樣 。
