以弗所書 3:1-21
3 所以 我 同 你哋 講 ，我 保羅 為咗 基督 耶穌 而 坐監 ，為咗 你哋 嚟自 列國 嘅 人 而 被 監禁 。
2 你哋 一定 聽 過 ，上帝 將 管家 嘅 職責 交託 俾 我 ，要 我 幫助 你哋 得到 佢 嘅 分外恩典 。
3 通過 上帝 嘅 啟示 ，我 知道 咗 神聖 秘密 。之前 我 喺 信 裡面 都 提 過 吓 呢 一 點 。
4 你哋 讀 到 呢 封 信 ，就 會 知道 我 已經 理解 關於 基督 嘅 神聖 秘密 。
5 歷代 以 嚟 ，呢個 秘密 係 世人 唔 知道 嘅 ，不過 而家 就 通過 神聖力量 向 佢 嘅 聖 使徒 同埋 先知 揭示 出嚟 。
6 呢個 秘密 就係 ，列國 嘅 人 通過 好消息 ，通過 同 基督 耶穌 聯合 ，能夠 一齊 承受 產業 ，成為 身體 嘅 一 部分 ，同 我哋 一齊 領受 上帝 嘅 承諾 。
7 由於 上帝 施展 大能 ，賜 分外恩典 俾 我 做 禮物 *，我 就 成為 宣揚 呢個 秘密 嘅 僕人 。
8 喺 所有 聖民 當中 ，我 連 最 微不足道 嘅 都 比 唔 上 ，不過 上帝 將 呢個 分外恩典 賜 俾 我 ，要 我 向 列國 嘅 人 宣揚 好消息 ，就係 基督 會 帶 嚟 無限 嘅 福分 *，
9 亦 都 要 我 幫助 所有 人 明白 同 神聖 秘密 有關 嘅 管理 安排 。（自古 以 嚟 ，創造 萬物 嘅 上帝 一直 將 呢個 秘密 隱藏 起嚟 。）
10 噉樣 ，天上 執政 嘅 、當權 嘅 ，而家 就 可以 通過 會眾 ，知道 上帝 豐富多彩 嘅 智慧 嘞 。
11 呢 件 事 所 根據 嘅 ，係 上帝 按 我哋 嘅 主 基督 耶穌 而 制定 嘅 永恆 旨意 。
12 我哋 對 基督 有 信心 ，就 能夠 通過 佢 ，放心 向 上帝 傾訴 *，懷 住 信念 親近 上帝 *。
13 所以 ，請 你哋 唔 好 由於 我 為 你哋 遭受 患難 就 灰心 放棄 ，因為 我 嘅 患難 能夠 為 你哋 帶 嚟 榮耀 。
14 因為 噉 ，我 向 天父 屈膝 禱告 。
15 （天上 地上 嘅 所有 家族 ，都 係 因為 佢 先至 存在 *。）
16 我 祈求 充滿 榮耀 嘅 上帝 憑 住 佢 嘅 大能 ，運用 佢 嘅 神聖力量 ，令 你哋 內心 堅強 。
17 我 亦 都 祈求 ，你哋 由於 有 信心 ，基督 會 住 喺 你哋 心 裡面 ，而且 你哋 當中 都 充滿 愛心 。願 你哋 喺 信仰 上 扎根 奠基 ，
18 噉樣 ，你哋 就 能夠 同 所有 聖民 一齊 徹底 領會 真理 嘅 長 闊 高深 ，
19 亦 都 認識 基督 嘅 愛 ，佢 嘅 愛 超越 知識 ，令 你哋 能夠 充滿 上帝 所 賜 嘅 各 種 特質 *。
20 上帝 能夠 喺 我哋 身上 施展 力量 ，成就 非凡 嘅 事 ，遠遠 超過 我哋 所 求 所 想 嘅 一切 。
21 上帝 配得 榮耀 ，願 佢 通過 會眾 ，亦 都 通過 基督 耶穌 ，世世代代 、永永遠遠 得享 榮耀 。阿們 *。
