跳到內容

跳到副菜單

跳到目錄

守望台(研讀版)  |  2017年8月

讀者來函

讀者來函

關於​耶穌​早期​嘅​生活,點解​馬​太​同​路加​嘅​記載​有​出入?

關於​耶穌​早期​嘅​生活,馬​太​同​路加​嘅​記載​有​出入,係​因為​福音書​嘅​執筆者​講述​嘅​角度​唔​一樣。

馬​太​嘅​記載​主要​同​約瑟​有關。記載​提及​到​約瑟​一​聽到​馬利亞​懷孕​嘅​反應;天使​喺​約瑟​夢​中​解釋​原因;約瑟​接受​咗​呢​件​事。(馬太福音​1:19-25)馬​太​繼續​提​到,約瑟​夢​見​天使​叫​佢​盡​快​逃​去​埃及;佢​帶​住​家人​迅速​離開;佢​又​夢​見​天使​叫​佢​返翻​以色列;返​到​以色列​之後,佢​決定​同​家人​喺​拿​撒​勒​定​居。(馬太福音​2:13,14,19-23)喺​馬太福音​開頭​嗰​幾​章,約瑟​嘅​名​出現​咗​12​次,而​馬利亞​嘅​名​只​出現​咗​6​次。

另​一​方面,路加​嘅​記載​更​多​係​同​馬利亞​有關​嘅。記載​包括​天使​加​百​列​探訪​馬利亞;馬利亞​拜​訪​佢​嘅​親戚​伊利莎白;馬利亞​對​耶和華​嘅​讚美。(路加福音​1:26-56)路加​亦​都​提​到​西​緬​向​馬利亞​預告​耶穌​將來​會​遭受​苦難。甚至​喺​耶穌​12​歲​嗰​年​全​家人​上​聖殿​嘅​記載​裏面,路加​記述​嘅​係​馬利亞​講​嘅​話,而​唔​係​約瑟​嘅。路加​仲​提​到​呢啲​事​深深​噉​影響​咗​馬利亞。(路加福音​2:19,34,35,48,51)喺​路加福音​開頭​嗰​兩​章,馬利亞​嘅​名​出現​咗​15​次,而​約瑟​嘅​名​只​出現​咗​4​次。所以,馬​太​所​描述​嘅,更​多​嘅​係​約瑟​所​做​所​關心​嘅​事,而​路加​喺​馬利亞​所​擔任​嘅​角色​同​經歷​方面,提供​更​多​嘅​細節。

同樣,福音書​嘅​兩​個​執筆者​所​記錄​嘅​家​譜​有​少​少​區​别。馬​太​追溯​嘅​係​約瑟​嘅​家​系,表明​耶穌​身​為​約瑟​嘅​養​子,係​大衛​王權​嘅​合法​繼承人。點解​噉​講?因為​約瑟​係​大衛​王​嘅​仔​所​羅​門​嘅​後代。(馬太福音​1:6,16)不過,路加​追溯​嘅​係​馬利亞​嘅​家​系,表明“按​血統​嚟​講”,耶穌​係​大衛​王權​血統​上​嘅​繼承人。羅馬書​1:3)點解​噉​講​呢?因為​馬利亞​係​大衛​王​嘅​仔​拿​單​嘅​後代。(路加福音​3:31)但係,點解​路加​喺​佢​記載​嘅​家​譜​裏面​冇​將​馬利亞​列​為​希​里​嘅​女​呢?因為​按照​慣​例,家​譜​記錄​嘅​都​係​男子​嘅​名。所以,路加​將​約瑟​列​為​希​里​嘅​仔,其實​意思​係​指​約瑟​係​希​里​嘅​女婿。(路加福音​3:23

馬​太​同​路加​列​出​嘅​家​譜​證實​咗​耶穌​就係​預言​所​講​嘅​彌賽亞。事實​上,耶穌​家​譜​嘅​真實​性​廣為​人​知,甚至​連​法利賽​派​同​撒​都​該​派​都​唔​能够​否認。今日,馬​太​同​路加​記載​嘅​家​譜​成為​咗​我哋​信心​嘅​一​個​基礎,亦​提供​咗​證據​表明​上帝​嘅​應許​一定​會​實現。