跳到內容

跳到副菜單

跳到目錄

守望台(研讀版)  |  2017年7月

讀者來函

讀者來函

為咗​保護​自己​唔​俾​其他​人​傷害,基督徒​擁有​槍械,例如​手槍​或者​萊福槍​係咪​合適​嘅​呢?

雖然,基督徒​可以​採用​合理​嘅​方式​嚟​保障​佢哋​嘅​人身​安全,但係​唔​可以​越​出​聖經​嘅​原則。聖經​原則​唔​允許​人​因為​自衛​而​對​其他​人​使用​武器,例如​手槍、萊福槍​等​其他​類型​嘅​槍械。如果​想​做​正確​嘅​決定,請​考慮​吓​以​下​嘅​原則:

喺​耶和華​眼​中,生命——特别​係​人​嘅​生命——係​神聖​嘅。詩篇​嘅​執筆者​大衛​知道​耶和華​係“生命​嘅​源​頭”。(詩篇​36:9)所以,一​個​基督徒​用​合理​嘅​方式​嚟​保護​自己​嘅​安全​或​財産,就​應該​盡​己​所​能​避免​殺人,欠​下​血債。(申命記​22:8;詩篇​51:14

雖然,用​任何​物件​都​可以​殺人,但​無論​蓄意​抑或​無意,好​明顯​槍械​更​容易​導致​流血​傷​人​嘅​事​發生。 * 如果​一​個​暴徒​已經​好​緊張,仲​見​到​另​一​個​人​有​槍,情況​可能​會​一發​不可收拾,甚至​導致​死亡。

喺​耶穌​犧牲​生命​前​嘅​最後​一​個​晚​上,耶穌​吩咐​門徒​要​配​劍。佢​噉樣​講,其實​唔​係​諗​住​要​自衛。路加福音​22:36,38)相反,耶穌​要​門徒​帶​劍​嘅​目的,係​想​教導​佢哋​一​個​重要​嘅​道理:就算​面對​一​大​班​帶​住​武器​嘅​人,都​唔​應該​使用​暴力。(路加福音 22:52)彼得​用​劍​攻擊​大祭司​嘅​奴隸。之後,耶穌​命令​彼得​話:“將​劍​收​翻​原處!”跟住,耶穌​講​咗​一​個​基本​嘅​真理:“凡​用​劍​嘅,都​會​死​喺​劍​下。”(馬太福音​26:51,52)呢個​真理,依然​指引​緊​今日​嘅​基督徒。

同​彌迦書​4:3所​講​嘅​一樣,上帝​嘅​子民“將​刀劍​打​成​犁頭,將​槍矛​打​成​鐮刀”。呢個​真​基督徒​嘅​特徵​同​使徒​保羅​受​聖靈​啟示​所​講​嘅​勸勉​一致,佢​話:“唔​好​以​惡​報​惡……只要​自己​做​得到,就​要​盡力​同​所有​人​和睦相處。”(羅馬書​12:17,18)即使​保羅​經歷​好多​困難,包括“强盜​嘅​危險”,佢​仲係​以身作則,將​聖經​嘅​原則​睇​得​比​個人​安全​更加​重要。(哥林多後書​11:26)佢​信賴​上帝,亦​都​堅信​嚟自​聖經​嘅​智慧“勝​過​打仗​嘅​武器”。(傳道書​9:18

對​基督徒​嚟​講,生命​比​任何​物質​嘅​嘢​更​有​價值。“生命……唔​係​取決​於[一​個​人]擁有​嘅​財物。”(路加福音​12:15)如果​温和​嘅​舌頭​制止​唔​到​佩​有​武器​嘅​匪徒,明智​嘅​基督徒​就​會​聽從​耶穌​嘅​話,“唔​好​同​邪惡​嘅​人​對抗”。噉樣​做​意味​住​我哋​可能​要​放棄​自己​身上​嘅​一切​財物。(馬太福音​5:39,40;路加福音​6:29 * 當然,最好​嘅​方法​係​預防。如果​我哋​棄絶“炫耀​財物​嘅​行為”,而且​鄰居​都​知道​我哋​係​愛好​和平​嘅​耶和華見證人,我哋​就​冇​咁​容易​成為​暴徒​嘅​目標。(約翰一書​2:16;箴言​18:10

基督徒​尊重​其他​人​嘅​良心。羅馬書​14:21)如果​我哋​嘅​同工​知道,會衆​嘅​某​個​成員​為咗​防止​俾​人​傷害​而​擁有​槍械,可能​會​感​到​震驚,甚至​被​絆​倒。愛心​推動​我哋​將​其他​人​嘅​利益​放​喺​自己​嘅​利益​之​上,噉​意味​住,就算​有時​我哋​認為​自己​有​權​噉樣​做,都​應該​將​呢個​諗法​擺​埋​一​邊。(哥林多前書​10:32,33;13:4,5

基督徒​盡力​成為​好​榜樣。哥林多後書​4:2;彼得前書​5:2,3)如果​一​個​基督徒​受​到​嚟自​聖經​嘅​勸告​之後,仍然​以​避免​受​到​他人​傷害​為​理由​而​擁有​槍械,就​唔​係​一​個​好​嘅​榜樣。佢​喺​會衆​裏面​就​唔​再​符合​資格​擔任​某​啲​職責​或者​享有​某​啲​特别​嘅​服務​機會。同樣​嘅​原則​都​適用​於​嗰啲​因為​世俗​工作​而​要​佩槍​嘅​基督徒。如果​係​噉,最好​就​考慮​換​過​份​工! *

同​選擇​工作​一樣,基督徒​可以​點樣​保護​自己、家人​或​財産,都​係​個人​嘅​決定。以上​嘅​聖經​原則​都​反映​出​上帝​嘅​智慧​同埋​佢​對​我哋​嘅​愛。基​於​呢啲​原則,靈性​成熟​嘅​基督徒​唔​會​以​避免​受​到​他人​傷害​為​理由​而​擁有​槍械。佢哋​知道​只要​按照​聖經​原則​嚟​生活,表明​自己​信賴​上帝,就​會​得到​真正、恆久​嘅​安全。(詩篇​97:10;箴言​1:33;2:6,7

喺​大患難​期間,基督徒​會​全心​信賴​耶和華,而​唔​會​反抗​自衛

^ 3段 一​個​基督徒​為咗​食物​而​打獵,或者​為咗​保護​自己​免​受​野生​動物​攻擊,好​可能​會​擁有​槍械(例如​萊福槍​或者​散彈槍)。呢啲​武器​喺​唔​用​嘅​時候,最好​將​啲​子彈​卸​落嚟,或者​可以​分解​成​零件,然後​鎖​好。喺​嗰啲​槍械​受​禁止​或​管制​嘅​地方,基督徒​應該​服從​當地​法律​嘅​規定。(羅馬書​13:1

^ 2段 關於​遭受​强暴​嘅​時候​可以​點樣​保護​自己,請​睇《警醒!》1993​年​8​月​8​日​刊“强姦——如何防患於未然”。

^ 4段 有關​可唔可以​接受​一​份​要​攜帶​武器​嘅​工作​嘅​進一步​資料,請​睇​《守望台》​2005​年​11​月​1​日​刊​31​頁;1984​年​1​月​15​日​刊​25-26​頁