跳到內容

跳到副菜單

跳到目錄

守望台(研讀版)  |  2017年6月

喺任何考驗下耶和華都安慰我哋

喺任何考驗下耶和華都安慰我哋

“賜​一切​安慰​嘅​上帝……我哋​遭遇​各​樣​患難​嘅​時候,上帝​都​安慰​我哋”——哥林多後書​1:3,4

唱詩​38​,56​

1,2. 喺​我哋​遇​到​患難​嘅​時候,耶和華​點樣​安慰​我哋?佢​嘅​話語​俾​我哋​乜嘢​保證?

一​個​叫​愛德華多​嘅​年輕​單身​弟兄,同​一​個​叫​斯蒂芬​嘅​已婚​長老​講​佢​嘅​憂慮。愛德華多​睇​到​哥林多前書​7:28​話“結婚​嘅​人​必​身​受​患難。”佢​問:“經文​講​嘅‘患難’係​乜嘢​呢?如果​我​結婚,可以​點樣​應付​患難​呢?”喺​解答​呢個​問題​之前,斯蒂芬​叫​愛德華多​先​諗​吓​使徒​保羅​寫​嘅​話,“[耶和華​係]賜​一切​安慰​嘅​上帝……我哋​遭遇​各​樣​患難​嘅​時候,上帝​都​安慰​我哋”。(哥林多後書​1:3,4

2 耶和華​的確​係​一​位​仁愛​嘅​爸爸,喺​我哋​面對​困難​嘅​時候​安慰​我哋。佢​通常​通過​佢​嘅​話語​俾​我哋​幫助​同​指引,可能​你​都​親身​體驗​過。就​好似​耶和華​對​以前​嘅​忠僕​做​嘅 噉,我哋​可以​肯定​佢​都​想​我哋​得到​最​大​嘅​益處。(請​讀​耶利米書​29:11,12

3. 呢​篇​課文​會​解答​邊啲​問題?

3 如果​我哋​了解​到​難題​或者​患難​嘅​根本​原因,就​更加​容易​應付​嘞。婚姻​或​家庭​的確​會​帶​嚟​患難。噉​使徒​保羅​提​到​嘅“患難”指​嘅​係​乜嘢?聖經​時代​同​現代​有​乜嘢​例子​可以​幫助​我哋​得到​所​需​嘅​安慰​呢?知道​呢啲​問題​嘅​答案,可以​幫助​我哋​應付​難題。

“身​受​患難”

4,5. “身​受​患難”嘅​一啲​原因​係​乜嘢?

4 人類​歷史​開始​之後,耶和華​創立​咗​婚姻​安排,佢​話:“人​要​離開​父母,從此​與​妻子​廝守,二​人​成為​一體。”(創世記​2:24)但係​唔​完美​嘅​人​組織​新​家庭,家人​之​間​嘅​關係​難免​會​變​得​緊張。(羅馬書​3:23)一般​嚟​講,結婚​之後​父母​嘅​領導權​會​由​丈夫​嚟​代替。丈夫​對​妻子​行使​領導權​係​耶和華​嘅​安排。(哥林多前書​11:3)有啲​新婚​夫婦​覺得​噉樣​做​好​唔​容易。按照​聖經​嘅​原則,結婚​之後​妻子​應該​接受​丈夫​嘅​指引,而​唔​係​父母​嘅。新婚​夫婦​亦​都​會​因為​同​配偶​父母​嘅​關係​緊張​而​遭受​患難。

5 當​妻子​同​佢​丈夫​講“我​有​咗​喇!”嘅​時候,新​嘅​煩惱​就​出現​嘞。本來​BB​嘅​出現​會​為​夫婦​帶​嚟​喜樂,不過​懷孕​期間​或者​之後​出現​嘅​醫療​問題​就​使​到​呢​種​喜樂​大​打​折扣。經濟​方面​嘅​計劃​打​亂​晒,而​BB​出世​之後​要​做​嘅​調整​就​更加​多​嘞。新​媽媽​嘅​時間​同​精力​都​會​集中​喺​BB​身上。由於​噉,好多​做​丈夫​嘅​都​覺得​受​到​冷落。另​一​方面,丈夫​有​咗​新​嘅​職責,因為​要​照顧​同​供養​家庭​嘅​新​成員,擔子​就​更加​重​嘞。

6-8. 想​生兒育女​嘅​願望​實現​唔​到,點解​係​患難?

6 有啲​夫婦​就​要​面對​另​一​種​唔​同​嘅​患難。佢哋​好​想​要​BB,但係​就​懷​唔​到​孕。如果​做​妻子​嘅​遇​到​呢​種​情況,佢​會​覺得​好​難受。無論​結婚​定​係​生兒育女​都​會​有​患難,不過​對於​好​想​生​BB​嘅​人​嚟​講,冇​得​生​就​真​係“身​受​患難”嘞。(箴言​13:12)喺​聖經​時代,不​育​通常​係​好​大​嘅​恥辱。雅各​嘅​妻子​拉結​見​到​家姐​有​小朋友,而​自己​冇,就​覺得​好​痛苦。(創世記​30:1,2)特派​傳道員​喺​嗰啲​家庭​觀念​好​重​嘅​地區​服務​嗰時,經常​俾​人​問​起​點解​佢哋​仲​未​有​細路。就算​佢哋​解釋​得​幾​咁​合情合理,通常​得到​嘅​回應​都​可能​係:“唔​好​等​咁​耐​喇,都​係​早​啲​生​好!”

7 我哋​再​嚟​睇​吓​英國​一​個​姊妹​嘅​例子。佢​好​想​要​BB,但​呢個​願望​冇​辦法​實現。佢​過​咗​生育​時期​之後,更加​意識​到​自己​嘅​願望​喺​目前​嘅​制度​點​都​實現​唔​到,所以​覺得​好​失望。佢​同​丈夫​決定​收養​一​個​細路。雖然​係​噉,佢​話:“我​内心​經歷​咗​一​翻​掙扎​先​可以 慢慢​接受​呢個​現實,但係​我​覺得​親生​同​收養​嘅​始終​都​係​唔​一樣​嘅。”

8 聖經​提​到​基督徒​婦女​會“因​生兒育女​而​得​保​平安。”(提摩太前書​2:15)但​呢​句​話​唔​係​話​生兒育女​就​可以​得到​永生。相反,指​嘅​係​如果​一​個​女人​專心​照顧​兒女,打理​家頭細務,就​可以​避免​養​成​講​人​閒話、好​管​閒事​嘅​壞​習慣。(提摩太前書​5:13)不過,佢​仲係​會​有​婚姻​同​家庭​方面​嘅​患難。

乜嘢​可以​幫助​承受​喪偶​之​痛​嘅​人​繼續​忍耐​落去?(請​睇​第​9,12​段)

9. 點解​講​痛​失​配偶​係​一​種​獨特​嘅​患難?

9 有​一​種​婚姻​嘅​患難,可能​好​容易​俾​人​忽略,就​係​面對​配偶​嘅​死亡。痛​失​深愛​嘅​配偶​的確​係​一​種​獨特​嘅​患難,呢個​係​邊個​都​冇​諗​過​要​去​面對​嘅。基督徒​堅信​耶穌​嘅​復活​應許​一定​會​實現。(約翰福音​5:28,29)對​痛​失​配偶​嘅​人​嚟​講,呢個​希望​有​乜嘢​意義​呢?佢哋​喺​好​大​程度​上​可以​得到​安慰。另外,我哋​仁愛​嘅​天父​亦​都​通過​佢​嘅​話語,幫助​同​安慰​嗰啲​正​喺​度​遭受​患難​嘅​人。而家,等​我哋​睇​吓​上帝​嘅​忠僕​點樣​從​耶和華​提供​嘅​安慰​得到​益處。

喺​患難​時​得到​安慰

10. 哈拿​點樣​尋求​幫助​擺脱​痛苦?(請​睇​吓​課文​開頭​嘅​圖片)

10 以利加拿​心愛​嘅​妻子​哈拿​要​面對​一​種​特别​嘅​患難。當​以利加拿​嘅​另​一​個​妻子​比妮拿​生​咗​好多​仔女​嘅​時候,哈拿​仲係​冇​得​生。(請​讀​撒母耳記上​1:4-7哈拿“年年”都​遭受​比妮拿​嘅​羞辱,所以​佢​覺得​好​傷心、好​痛苦。哈拿​為咗​呢​件​事,向​耶和華​禱告​尋求​幫助,而且​佢“向​耶和華​禱告​咗​好​耐”。佢​係咪​好​想​耶和華​應​承​佢​嘅​請求​呢?一定​係​噉。唔​理​點樣,之後​佢“面​上​再​冇​愁容”嘞。(撒母耳記上​1:12,17,18)因為​佢​相信,無論​有​冇​得​生​都​好,耶和華​一定​有​方法​為​佢​帶​嚟​安慰。

11. 禱告​點樣​帶​俾​我哋​安慰?

11 只要​一​日​我哋​仲​未​恢復​完美,仲​喺​撒但​統治​嘅​制度​之下,考驗​同​患難​都​會​持續。(約翰一書​5:19)不過,我哋​好​開心​知道​耶和華​係“賜​一切​安慰​嘅​上帝”!我哋​可以​通過​禱告​得到​幫助,應付​個人​嘅​考驗​同​患難。哈拿​向​耶和華​傾心吐意。同樣,喺​面對​患難​嗰時,我哋​淨係​對​耶和華​提及​我哋​嘅​感受​係​唔够​嘅。我哋​需要​向​佢​懇切​祈求,就​係​通過​禱告​將​心底話​毫無​保留​噉​傳遞​俾​耶和華。(腓立比書​4:6,7

12. 乜嘢​幫助​寡婦​安娜​揾​到​喜樂?

12 就算​我哋​因為​不​育​或者​痛​失​配偶,而​覺得​自己​嘅​人生​有​一​個​無法​填補​嘅​傷痛,我哋​依然​可以​得到​安慰。喺​耶穌​嘅​日子,女​先知​安娜​結婚​7​年​就​成​咗​寡婦。聖經​冇​提​過​佢​有​仔女。安娜​84​歲​高齡​嘅​時候​仲​堅持​做​乜嘢​呢?路加福音​2:37​記載​話:“佢​從​未​試​過​唔​去​聖殿,日夜​都​敬奉​上帝,又​禁食,又​懇切​祈求。”冇錯,安娜​通過​崇拜​耶和華​得到​喜樂​同​安慰。

13. 真​朋友​可以​點樣​帶​俾​人​安慰?請​舉例。

 13 同​弟兄​姊妹​保持​緊密​嘅​關係,我哋​就​可以​揾​到​真​朋友。(箴言​18:24)葆拉​5​歲​嗰時,媽媽​離開​咗​真理,當時​佢​真​係​好​傷心。要​渡​過​呢個​考驗​的確​唔​容易。不過,會衆​一​位​叫​安​嘅​先驅​姊妹​對​佢​表現​個人​關注,令​佢​喺​靈性​上​得到​好​大​嘅​鼓勵。葆拉​話:“雖然​安​唔​係​我​屋企人,但​佢​對​我​表現​嘅​關愛,真​係​俾​到​我​好​大​嘅​幫助,令​我​可以​繼續​事奉​耶和華。”葆拉​對​耶和華​保持​忠貞,令​佢​更加​開心​嘅​係,媽媽​後​來​返翻​真理​入面,佢哋​可以​再次​一齊​事奉​耶和華。葆拉​嘅​屬靈​媽媽​安​亦​都​為​此​感​到​好​開心。

14. 我哋​主動​安慰​人​可以​得到​乜嘢​福分?

14 有​意思​嘅​係,如果​我哋​懷​住​愛心​對​其他​人​表現​個人​關注,就​唔​會​成​日​留意​住​自己​嘅​消極​情緒。無論​已婚​抑或​未婚​嘅​姊妹​都​發覺,作為​上帝​嘅​同工​宣揚​好消息​係​好​大​嘅​喜樂。佢哋​嘅​目標​係​執行​上帝​嘅​旨意,榮耀​上帝。當中​有啲​人​甚至​覺得​傳道​好似​使​佢哋​嘅​病痛​都​可以​得到​醫治。可以​肯定​嘅 係,無論​喺​會衆​抑或​喺​傳道​地區,如果​我哋​主動​去​關心​人,就​可以​促進​會衆​成員​之​間​嘅​緊密​關係。(腓立比書​2:4)使徒​保羅​係​個​好​榜樣。佢​唔單止“好似​母親​乳養​愛護​自己​嘅​仔女​一樣”去​對待​帖撒羅尼迦​會衆,佢​同時​都​係​一​位​屬靈​嘅​父親。(請​讀​帖撒羅尼迦前書​2:7,11,12

喺​家庭​中​得到​安慰

15. 喺​教導​仔女​聖經​方面,主要​係​邊個​嘅​責任?

15 等​我哋​嚟​睇​吓,可以​點樣​安慰​同​幫助​一啲​家庭。有時,新人​會​請​成熟​嘅​傳道員​去​同​仔女​講​聖經,甚至​請​佢哋​主持​埋​聖經​課程。按照​聖經​原則,教導​同​訓練​仔女​主要​係​父母​嘅​責任。(箴言​23:22;以弗所書​6:1-4)有時​父母​好​需要​其他​人​幫手,但​教導​兒女​嘅​義務​始終​係​冇​人​可以​替代​嘅。家庭​成員​之​間​都​需要​經常​溝通。

16. 同​小朋友​學習​聖經​嗰時,傳道員​需要​留意​乜嘢?

16 如果​一​位​傳道員​受​到​邀請​去​教​人哋​仔女​聖經,噉​佢​就​要​小心​唔​好​代替​咗​父母​嘅​角色。某​啲​情況​之下,雖然​父母​對​真理​唔​感​興趣,但​佢哋​又​想​見證人​同​仔女​學習​聖經。傳道員​要​留意,淨係​提供​屬靈​嘅​幫助​就​得​嘞,千祈​唔​好​做​埋​人哋​父母。如果​喺​小朋友​屋企​學習​聖經​嘅​話,一​係​就​父母​在場,一​係​就​邀請​另​一​個​成熟​嘅​傳道員​一齊​去,或者​去​適當​嘅​公衆​場所,噉​就​唔​會​造成​誤解。當然,我哋​都​希望​小朋友​嘅​父母​最終​可以​負​起​上帝​賜予​嘅​責任,照顧​好​仔女​嘅​屬靈​需要。

17. 年輕人​可以​點樣​為​家人​帶​嚟​安慰?

17 愛​耶和華​而且​聽從​佢​教導​嘅​小朋友​同​年輕人​都​可以​成為​家庭​嘅​安慰​來源。佢哋​尊重​父母,而且​為​家人​提供​實際​嘅​幫助,亦​都​作出​有​價值​嘅​屬靈​貢獻,就​可以為​家人​帶​嚟​安慰。大洪水​之前,塞特​嘅​仔​拉麥​係​崇拜​耶和華​嘅,佢​提​到​自己​嘅​仔​挪亞​話:“耶和華​咀咒​土地,加重​我哋​嘅​工作​同​手​中​嘅​勞苦,但係​我哋​一定​會​因為​呢個​仔​而​得到​安慰。”當​咀咒​從​地上​除去​嘅​時候,預言​就​實現​嘞。(創世記​5:29;8:21)所以,追求​純真​崇拜​嘅​年輕人​可以為​家庭​帶​嚟​安慰,幫助​家人​忍受​目前​嘅​考驗。甚至​將來,可以​應付​比​大洪水​更​猛烈​嘅​考驗,得​以​保全​生命。

18. 喺​面對​考驗​或者​患難​嘅​時候,乜嘢​可以​幫助​我哋​勇敢​忍耐​落去?

18 數​以​百萬​計​嘅​人​遇​到​各​種​考驗​嘅​時候,佢哋​向​耶和華​禱告,沉思​聖經​入面​嘅​榜樣,同​上帝​嘅​子民​緊密​來往,從中​得到​莫大​嘅​安慰。(請​讀​詩篇​145:18,19如果​我哋​緊記​耶和華​係​恆久​安慰​嘅​來源,無論​而家​定​係​未來,喺​佢​幫助​之​下,我哋​一定​可以​喺​患難​當中​保持​忍耐,勇氣​十足​噉​去​面對​各​種​考驗!